ព័ត៌មានទាន់ហេតុការណ៍
 1. ឯកឧត្តម ងួន រតនៈ អភិបាលខេត្តបាត់ដំបង បានចុះពិនិត្យមើលស្ពានបេឡេថ្មីមួយខ្សែ ជាអំណោយសម្តេចក្រឡាហោម ស ខេង ដែលទើបសាងសង់រួចរាល់ ស្ថិតនៅក្នុងស្រុកបាណន់ ខេត្តបាត់ដំបង  2. សម្តេចប្រមុខរាជរដ្ឋាភិបាល ប្រកាសអនុញ្ញាតឱ្យមន្រ្តីរាជការ កម្មករនិយោជិត ឈប់សម្រាក៥ថ្ងៃ ចាប់ពីថ្ងៃទី១៧-២១ ខែសីហា ជំនួសឱ្យថ្ងៃឈប់ចូលឆ្នាំថ្មីប្រពៃណីជាតិកន្លងទៅ  3. សម្តេចតេជោ ហ៊ុន សែន បានសម្រេចឯកភាពជាផ្លូវការ ក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ ដោយគិតចាប់ពី១៧- ២១ ខែសីហា ខាងមុខនេះ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ ឆ្នាំ២០២០  4. សម្ដេចតេជោ ហ៊ុន សែន នឹងអញ្ជើញចុះពិនិត្យមើលវឌ្ឍនភាព នៃមជ្ឈមណ្ឌលស្រាវជ្រាវ និងអភិវឌ្ឍន៍ វារីវប្បកម្មទឹកសាប នៅខេត្តព្រៃវែង នាព្រឹកនេះ  5. កម្ពុជារកឃើញករណីវិជ្ជមានវីរុសកូវីដ១៩ ថ្មី ចំនួន ១៥នាក់ នៅថ្ងៃទី១១ ខែកក្កដា ឆ្នាំ២០២០

សមិទ្ធផលជាតិជាច្រើន គឺបានកើតចេញពីគណបក្សប្រជាជនកម្ពុជា
ថ្ងៃ សៅរ៏ ទី ១៦ ខែ មិថុនា ឆ្នាំ ២០១៨

ឯកឧត្តម ជាប ដាវុធ សមាជិកគណកម្មាធិកាកណ្តាលគណបក្សប្រជាជនកម្ពុជា ប្រធានចលនាយុវជន និងជាអនុប្រធានគណៈពង្រឹងមូលដ្ឋានស្រុកខ្សាច់កណ្តាល បានថ្លែងលើកឡើងថា គណបក្សប្រជាជនកម្ពុជា បានជម្រុញអភិវឌ្ឍន៍នូវគ្រប់ហេដ្ឋារចនាសម័្ពន្ធ ក្នុងនោះសមិទ្ធផលនានាជាច្រើននៅទូទាំងប្រទេស ជាពិសេសនៅតាមមូលដ្ឋាន បានកំពុងកើតឡើងជាហូហែរ ពោលគឺចេញពីគណបក្សប្រជាជនកម្ពុជា ដែលមានសម្តេចតេជោហ៊ុន សែន ជាប្រមុខដឹកនាំ ។ ឯកឧត្តម បានលើកឡើងបែបនេះ នៅក្នុងពិធីជួបជុំសិស្ស និស្សិត កម្មករ អាជីវករ និងកសិករ នៅឃុំព្រះប្រសព្វ ស្រុកខ្សាច់កណ្តាល ខេត្តកណ្តាល ។ ឯកឧត្តម បន្តថា រាជរដ្ឋាភិបាលនៅក្នុងនីតិកាលទី៥ នៃរដ្ឋសភានេះ ក្រោមការដឹកនាំរបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអនុវត្តន៍កម្មវិធីគោលនយោបាយ និងយុទ្ធសាស្រ្តចតុកោណដំណាក់កាលទី៣ ដោយសម្រេចបានសមិទ្ធផលថ្មីៗជាច្រើនជូនជាតិ និងប្រជាជន ជាពិសេសការពង្រីកសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សាធារណៈ រក្សាបានកាន់តែរឹងមាំ ធ្វើឲ្យប្រជាជនរស់នៅយ៉ាង សុខសាន្ត ព្រមទាំងធានានូវការអនុគ្រោះសម្រាប់ការអភិវឌ្ឍន៍សេដ្ឋកិច្ច-សង្គមជាតិផងដែរ ។
ឯកឧត្តម ប្រធានក្រុមការងារ បានលើកឡើងទៀតថា ទាក់ទិននិងច្បាប់ បទបញ្ជា នីតិវិធី និងក្រមសីធម៌សម្រាប់ការបោះឆ្នោត គណបក្សប្រជាជនកម្ពុជាគោរពអនុវត្តន៍យ៉ាងម៉ឺងម៉ាត់ ដោយបានចូលរួមយ៉ាងសកម្មជាមួយគណៈកម្មាធិការជាតិរៀបចំការបោះឆ្នោត អាជ្ញាធរមានសមត្ថកិច្ច គ្រប់គណបក្សនយោបាយ និងមជ្ឈដ្ឋានផ្សេងៗទៀត ក្នុងការពង្រីក បរិយាកាសនយោបាយឲ្យបានល្អប្រសើរប្រកបដោយលក្ខណៈអព្យាក្រិត្យ និងប្រជាធិបតេយ្យ ដើម្បីធានាការបោះឆ្នោត ប្រព្រឹត្តទៅដោយសេរី ត្រឹមត្រូវ និងយុត្តិធម៌ ។
    ឯកឧត្តម ជាប ដាវុធ មានប្រសាសន៍បន្តថា ដើម្បីជម្រុញការអភិវឌ្ឍន៍ឃុំ-សង្កាត់ ឲ្យកាន់តែមានការរីកចម្រើន បន្ថែមទៀត ការបោះឆ្នោតជ្រើសរើសតំណាងរាស្រ្ត នីតិកាលទី៦ខាងមុខនេះ មានសារៈសំខាន់ណាស់សម្រាប់ប្រជាពលរដ្ឋ នៅតាមមូលដ្ឋាន និងសង្គមជាតិយើងទាំងមូល ដូច្នេះសូមឲ្យបងប្អូនប្រជាពលរដ្ឋ អញ្ជើញទៅចូលរួមបោះឆ្នោតឲ្យបានគ្រប់ៗ គ្នា និងបោះឆ្នោតជូនគណបក្សប្រជាជនកម្ពុជា មានគណបក្សប្រជាជនកម្ពុជាមានការអភិវឌ្ឍន៍ និងមានសុខសន្តិភាពពេញ បរិបូណ៌ ៕

អត្ថបទទាក់ទង