សម្តេចតេជោហ៊ុនសែន និងសម្តេចកិត្តិព្រឹទ្ធបណ្ឌិត ឧបត្ថម្ភគ្រួសារសពដែលស្លាប់ ដោយជំនន់ទឹកភ្លៀងមួយគ្រួសារៗចំនួន១០លានរៀល
ថ្ងៃ សៅរ៏ ទី ១៧ ខែ តុលា ឆ្នាំ ២០២០

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន  នៅល្ងាចថ្ងៃទី១៧ ខែតុលា ឆ្នាំ២០២០នេះ បានប្រកាសឧបត្ថម្ភថវិកាដល់គ្រួសារសពដែលបានស្លាប់ដោយសារជំនន់ទឹកភ្លៀងសរុប២០នាក់នៅទូទាំងប្រទេស ដោយក្នុងមួយគ្រួសារៗទទួលបាន១០លានរៀល ។

ជាមួយគ្នានេះ សម្តចតេជោនាយករដ្ឋមន្រ្តីនិងសម្តេចកិត្តិព្រឹទ្ធបណ្ឌិត ក៏បានប្រកាសផ្តល់ថវិកា១០ម៉ឺនដុល្លារបន្ថែមទៀតដល់ខេត្តបន្ទាយមានជ័យ ដែលរងគ្រោះខ្លាំងជាងគេដោយសារជំនន់ទឹកភ្លៀង បន្ទាប់ពីសម្តេច បានឧបត្ថម្ភដល់ខេត្តនេះ កាលពីលើកទីមួយចំនួន១០ម៉ឺនដុល្លាររួចមកហើយ។

សូមបញ្ជាក់ថា កម្ពុជាកំពុងរងគ្រោះជំនន់ទឹកភ្លៀង។ រហូតមកដល់ពេលនេះ គ្រោះមហន្តរាយ បានបណ្តាលឱ្យមនុស្សស្លាប់២០នាក់ហើយ ហើយបានប៉ះពាល់ប្រជាពលរដ្ឋជាង២៤ម៉ឺននាក់និងបានប៉ះពាល់ដល់រាជធានី-ខេត្តចំនួយ១៩ ស្មើនឹង ៧១ក្រុង/ស្រុក/ខណ្ឌ។

 

 

 


អត្ថបទទាក់ទង