ព័ត៌មានទាន់ហេតុការណ៍
 1. វីរុស COVID-19 រាតត្បាតដល់២១៣ប្រទេសនៅទូទាំងពិភពលោក ខណៈអ្នកឆ្លងកើនជិត៥.៧លាននាក់ ក្នុងនោះស្លាប់ជាង៣៥ម៉ឺននាក់ និងជាសះស្បើយជាង២.៤លាននាក់  2. សម្តេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតសាធារណរដ្ឋទីម័រខាងកើត ទើបតែងតាំងថ្មីប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ  3. រាជរដ្ឋាភិបាលកម្ពុជា៖ អនុក្រឹត្យស្តីពីការបង្កើតតំបន់បេតិកភណ្ឌធម្មជាតិ ភ្នំទាក់ទ្រាំង  4. ឯកឧត្តមនាយឧត្តមសេនីយ៍ នេត សាវឿន អគ្គស្នងការ នគរបាលជាតិ បានព្រមានស្នងការរាជធានី-ខេត្ត ទាំងអស់មិនត្រូវដាក់បារ៉ាស់ នៅតាមដងផ្លូវទៀតនោះទេ  5. ក្រសួងអប់រំ អនុញ្ញាតឲ្យសហព័ន្ធកីឡាជាតិ ធ្វើសកម្មភាពហាត់ហ្វឹកហ្វឺន និងប្រកួតលីគឡើងវិញជាជំហានៗ

ក្រសួងសុខាភិបាលរកឃើញអ្នកជំងឺកូវីដ១៩ ថ្មីមួយករណីទៀត នៅថ្ងៃទី២១ ឧសភានេះ
ថ្ងៃ ព្រហស្បតិ៍ ទី ២១ ខែ ឧសភា ឆ្នាំ ២០២០

ក្រសួងសុខាភិបាលនៃព្រះរាជាណាចក្រកម្ពុជា នៅថ្ងៃទី២១ ខែឧសភា ឆ្នាំ២០២០នេះ បានប្រកាសអំពីករណីវិជ្ជមានជំងឺកូវីដ-១៩ថ្មី ចំនួន០១ករណី លើបុរសជនជាតិខ្មែរ ដែលមានអាយុ ២៦ឆ្នាំមានទីលំនៅនៅឃុំកំពង់ត្រាច ស្រុកកំពង់ត្រាច ខេត្តកំពត។ បុរសរូបនេះបានធ្វើដំណើរត្រឡប់មកពីប្រទេសហ្វីលីពីន ដោយបន្តជើងហោះហើរពីសាធារណរដ្ឋកូរ៉េ ហើយបានមកដល់កម្ពុជាកាលពីថ្ងៃទី២០ ខែឧសភា ឆ្នាំ២០២០។

ក្រសួងសុខាភិបាលបានឱ្យដឹងដែរថា អ្នកដំណើរជាមួយបុរសនោះ ចូលមកប្រទេសកម្ពុជាសរុបចំនួន ៦៣នាក់ ដែលមានជនជាតិកូរ៉េ ២៣នាក់ជនជាតិប៊ែលហ្សិកម្នាក់ ជនជាតិតៃវ៉ាន់ម្នាក់ ជនជាតិហូឡង់ម្នាក់ ជនជាតិជប៉ុន៣នាក់ និងជនជាតិខ្មែរ៣៤នាក់ ហើយត្រូវបានត្រួតពិនិត្យសុខភាពដោយក្រុមគ្រូពេទ្យ និងបានដាក់ឲ្យនៅរង់ចាំកន្លែងធ្វើចត្តាឡីស័កនៅជិតអាកាសយានដ្ឋានអន្តរជាតិភ្នំពេញ នៅពេលមកដល់រាជធានីភ្នំពេញភ្លាម ហើយបានយកវត្ថុសំណាកទៅធ្វើវិភាគទាំងអស់ ដែលជាលទ្ធផលបង្ហាញថា មានជំងឺកូវីដ-១៩ លើបុរសជនជាតិខ្មែរម្នាក់ខាងលើតែម្នាក់ប៉ុណ្ណោះ៕


អត្ថបទទាក់ទង