ព័ត៌មានទាន់ហេតុការណ៍
 1. សេចក្តីជូនដំណឹងស្តីពីការប្រកួតវីដេអូខ្លីស្តីពីបរិស្ថាន ប្រធានបទ៖ « សម្រស់ស្រុកយើង »  2. រដ្ឋបាលខេត្តសៀមរាបទុករយៈពេល១០ថ្ងៃ សម្រាប់ការរុះរើសំណង់រំលោភលើដីផ្លូវ ដីចំណីផ្លូវ អូរ ប្រឡាយ និងដីចំណីស្ទឹងសៀមរាបសម្រាប់ការអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខែ្ស  3. ប្រមុខរាជរដ្ឋាភិបាលកម្ពុជា សម្រេចលើកពេលរៀបចំបុណ្យសមុទ្រនៅខេត្តព្រះសីហនុ ដើម្បីបង្ការការ រីករាលដាលជំងឺកូវីដ-១៩  4. ទូតរុស្ស៉ីថ្មី ប្តេជ្ញាប្រឹងប្រែងពង្រីកមិត្តភាព និងទំនាក់ទំនងកម្ពុជា-រុស្ស៉ី ជាពិសេសលើវិស័យការអភិវឌ្ឍធនធានមនុស្ស វិស័យសេដ្ឋកិច្ច ពាណិជ្ជកម្ម វប្បធម៌ ការទូត ក៏ដូចជាវិស័យដទៃទៀត ឱ្យកាន់តែរឹងមាំត ឱ្យកាន់តែរឹងមាំ  5. សុន្ទរកថារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងកិច្ចប្រជុំជាន់ខ្ពស់រំលឹកខួបលើកទី ៧៥ នៃអង្គការសហប្រជាជាតិ

គណៈកម្មការផ្សារច្បារអំពៅបង្កើនការយកចិត្តទុកដាក់ទៅលើសុខភាពអាជីវករ និងអតិថិជន
ថ្ងៃ ព្រហស្បតិ៍ ទី ២៦ ខែ មិនា ឆ្នាំ ២០២០

ភ្នំពេញ៖ អនុវត្តន៍តាមគោលការណែនាំរបស់រាជរដ្ឋាភិបាល និងក្រសួងសុខាភិបាល លោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅ បានដាក់ផែនការអោយគណៈកម្មការផ្សារច្បារអំពៅទាំង២ ត្រូវបង្កើនការយកចិត្តទុកដាក់ទៅលើសុខភាពអាជីវករ និងអតិថិជនដែលចូលទៅទិញសម្ភារផ្សេងៗនៅក្នុងផ្សារ ដោយប្រើប្រាស់ឧបករណ៍ត្រួតពិនិត្យកំដៅនៅក្នុងខ្លួន ប្រើទឹកអាល់កុលសម្រាប់លាងដៃ និងពាក់ម៉ាស់។

យុទ្ធនាការបញ្ជ្រាបការយល់ដឹងអំពីការឆ្លង និងវិធីបង្កាទប់ស្កាត់មេរោគ Covid 19 បានធ្វើឡើងរយៈពេល៤ថ្ងៃមកហើយនៅក្នុងផ្សារ ដឹកនាំដោយលោកគួច ចំណាន ប្រធានគណៈកម្មការផ្សាច្បារអំពៅលើ និងលោកគ្រី ហ៊ុច អនុប្រធានគណៈកម្មការផ្សារ ដោយប្រើប្រាស់ឧបករណ៍ត្រួតពិនិត្យកំដៅនៅក្នុងខ្លួនអាជីវករនិងអតិថិជន ដាក់ឧបករណ៍បំពងសម្លេងអោយអាជីវករស្តាប់ពីវិធីការពារ និងទប់ស្កាត់ កុំអោយឆ្លងមេរោគCovid 19 ដែលកំពុងតែគំរាមកំហែងសុខភាពប្រជាពលរដ្ឋនៅលើពិភពលោក  ដោយឡែកនៅក្នុងប្រទេសកម្ពុជាយើងក៏កំពុងតែជួបនូវបញ្ហាឆ្លងមេរោគCovid 19 ផងដែរ ។

យុទ្ធនាការនេះធ្វើជារៀងរាល់ថ្ងៃដោយដាក់ផែនការជាក់លាក់ និងផ្លាស់ប្តូរវេនគ្នាធ្វើ នៅគ្រប់ច្រកចេញ ចូលផ្សារ  ហើយផ្សារច្បារអំពៅ បេីកដំណេីរការលក់ដូរធម្មតា ក្នុងនោះគណៈកម្មការផ្សារ បានបន្តដឹកនាំក្រុមការងារ ចុះផ្សប់ផ្សាយខ្លឹមសារ  ណែនាំអំពីវិធីការពារ របស់ក្រសួងសុខា ភិបាល នឹងវាស់កំដៅ បាញ់អាកុល លាងសំអាតដៃ ជូនដល់បងប្អូ អាជីវករ ប្រជាពលរដ្ឋ  ដែលចេញចូលមកផ្សារច្បារអំពៅ។ ជាពិសេស សូមបងប្អនចូលរួម  ធ្វេីអនាម័យទាំងអស់គ្នា ដេីម្បីសុខភាព សុវត្ថភាពយេីង ៕ ដោយ៖ សណ្តោស


អត្ថបទទាក់ទង