ព័ត៌មានទាន់ហេតុការណ៍
 1. ទំនប់វារីអគ្គិសនីកំចាយនឹងត្រូវបើកទ្វារទឹកនៅ រសៀលថ្ងៃនេះ បើសិនភ្លៀងបន្តធ្លាក់  2. ហេតុការណ៍ផ្ទុះដ៏កក្រើកនៅជាប់តំបន់ឆ្នេរនៃរដ្ឋធានីរបស់ប្រទេសលីបង់ ផ្តាច់ជីវិតមនុស្ស៧៨នាក់ និងជិត៤ពាន់នាក់រងរបួស  3. កម្ពុជាបានប្រកាសតាមរយៈ ក្រសួងសុខាភិបាល នៅព្រឹកថ្ងៃទី០៥ ខែសីហា ឆ្នាំ២០២០នេះ បានប្រកាសថារកឃើញករណីវិជ្ជមានវីរុសកូវីដ-១៩ ថ្មី ០២នាក់ និងករណីជាសះស្បើយ០២នាក់  4. រាជរដ្ឋាភិបាលកម្ពុជា បានចេញសេចក្តីសម្រេចកែសម្រួលនូវលក្ខខណ្ឌធ្វើដំណើររបស់ជនបរទេស មកកាន់ប្រទេសកម្ពុជា  5. ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច៖ សារលិខិតគោរពជូនពរ សម្តេចតេជោ ក្នុងឱកាសនៃថ្ងៃខួបកំណើតគម្រប់៦៩ឆ្នាំ

សមត្ថកិច្ចឃាត់ខ្លួនមនុស្ស៣នាក់ ករណីវាយកាប់ចាក់គ្នាទៅវិញទៅមក
ថ្ងៃ ព្រហស្បតិ៍ ទី ២៦ ខែ មិនា ឆ្នាំ ២០២០

ភ្នំពេញ៖ ដោយសារតែមិនចេះយោគយល់នឹងអធ្យាស្រ័យឲ្យគ្នាជាមួយអ្នកជិតខាងទើបធ្វើឲ្យអ្នកទាំង៣ត្រូវសមត្ថកិច្ចខ្លួនព្រោះបង្ករហិង្សា វាយកាប់ចាក់គ្នាទៅវិញទៅមក។ ករណីនេះបានកើតឡើងកាលពីវេលាម៉ោ២១ និង២០នាទីថ្ងៃទី២៥ ខែមីនា ឆ្នាំ២០២០ នៅចំណុចតាមផ្លូវ៩២ ភូមិច្រេស សង្កាត់គោកឃ្លាង ខណ្ឌសែនសុខ។

សមត្ថកិច្ចមូលដ្ឋានបានឲ្យដឹងថាជនសង្ស័យដែលវាយកាប់គ្នានោះមាន០៣នាក់។ ភាគីទី១ មានគ្នាម្នាក់ ឈ្មោះ ម៉ី សារឿន ភេទប្រុស អាយុ៤៦ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ៤៧ ភូមិច្រេស សង្កាត់គោកឃ្លាង ខណ្ឌសែនសុខ របួសកំភួនដៃខាងឆ្វេង និងពកស្មាខាងឆ្វេង (គ្មានសារធាតុញៀន)។

ចំណែកភាគីទី២ មានគ្នា០២នាក់ ១-ឈ្មោះ ផុន ភារុន ភេទប្រុស អាយុ៣៥ឆ្នាំ ជនជាតិខ្មែរ មុខរបរពេទ្យយោធា ស្នាក់នៅផ្ទះលេខ២៨ ផ្លូវ៩២ ភូមិច្រេស សង្កាត់គោកឃ្លាង ខណ្ឌសែនសុខ(គ្មានសារធាតុញៀន), ២-ឈ្មោះ គឹម រដ្ឋា ភេទប្រុស អាយុ៥៣ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៤៦ ផ្លូវ៩២ ភូមិច្រេស សង្កាត់គោកឃ្លាង ខណ្ឌសែនសុខ (គ្មានសារធាតុញៀន) (របួសចំសៀតផ្កាខាងឆ្វេងដេរ១៥ថ្នេរ, របួសស្មារខាងស្តាំ, របួសកំភួនដៃខាងឆ្វេងដេរ៨ថ្នេរ សម្រាកព្យាបាលនៅមន្ទីរពេទព្រះសុសមៈ)  សម្ភារៈបន្សល់ទុក កាំបិតតាំងតោ១ ក្តាបន្ទះ០៣សន្លឹក ។

ប្រភពពីសមត្ថកិច្ចដដែលបានបន្តឲ្យដឹងទៀតថានៅមុនពេលកើតហេតុភាគីខាងទំនាស់ដែលមានគ្នា២នាក់បានអង្គុយផឹកស៊ី នៅមុខផ្ទះក្រោយមកស្រាប់តែភាគីដែលមានគ្នាតែម្នាក់នោះបានជិះម៉ូតូមកប៉ះកៅអីបណ្តាលអោយដួលហើយក៏ចូលទៅក្នុងផ្ទះ ក្រោយមកភាគីមានគ្នា២នាក់ក៏ទៅសួរកខុសត្រូវទើបបង្កើតជាទំនាស់ពាក្រសម្តីវាយកាប់គ្នាបណ្តាលឲ្យមានអ្នករងរបួសបែបនេះ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី ៕


អត្ថបទទាក់ទង