ព័ត៌មានទាន់ហេតុការណ៍
 1. ឯកឧត្តម ហេង ចាន់ឌី ប្រធាននាយកដ្ឋានអធិការកិច្ចទី១ នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានស្ម័គ្រចិត្តចូលរួមបរិច្ចាគប្រាក់បៀវត្សផ្ទាល់ខ្លួន រយៈពេល០៤ខែ គិតចាប់ពីខែឧសភា ដល់ ខែសីហា ឆ្នាំ២០២០ ជូនដល់គណៈកម្មការជាតិប្រយុទ្ធប្រឆាំងនឹងជំងឺកូវីដ១៩  2. ក្រសួងសុខាពិបាល បានរកឃើញអ្នកផ្ទុកជម្ងឺកូវីដ១៩ ចំនួន ៤នាក់ទៀតហើយ នៅព្រឹកថ្ងៃទី២៨មីនានេះ  3. ក្រសួងមហាផ្ទៃ ចេញលិខិតជម្រាបជូន ឯកឧត្តម លោកជំទាវ អភិបាលខេត្តនៃគណៈអភិបាលរាជធានី ខេត្ត ស្ដីពីវិធានការគ្រប់គ្រង បងប្អូន ប្រជាពលរដ្ឋ ខ្មែរដែលវិលត្រលប់មកពីប្រទេសថៃចូលមកប្រទេសកម្ពុជាវិញ  4. គណបក្សប្រជាជនកម្ពុជា បានចេញសេចក្តីថ្លែងការស្តីពី ភាពជាដៃគូរ និងសាមគ្គីភាពជាសកលដើម្បីប្រយុទ្ធប្រឆំាងនឹងកូវីដ១៩ (Covid19)  5. រដ្ឋបាលរាជធានីភ្នំពេញសម្រេចផ្អាកការរៀបចំសង្ក្រាន្តវត្តភ្នំនាពេលបុណ្យចូលឆ្នាំថ្មីខាងមុខនេះដើម្បីចូលរួមទប់ស្កាត់ការរីករាលដាល និងការចម្លងមេរោគ covid-19

ឯកឧត្តម អ៊ុក សិទ្ធិជាតិ ៖ សកម្មភាពកីឡា របស់វិទ្យាស្ថាន Cam Ed ជាការរួមចំណែក ជួយបំផុស និងបានចូលរួមផ្សព្វផ្សាយវិស័យកីឡានៅកម្ពុជា
ថ្ងៃ ពុធ ទី ០៤ ខែ មិនា ឆ្នាំ ២០២០

កីឡាជាតិ ៖ ក្នុងឱកាសបិទការប្រកួតជើងឯកកីឡាអត្តពលកម្មវិទ្យាស្ថាន Cam Ed ឆ្នាំ២០២០ នៅពហុកីឡដ្ឋានជាតិ កាលពីពេលកន្លងទៅថ្មីៗ ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា និងជាប្រធានសហព័ន្ធខ្មែរអត្តពលកម្មស្ម័គ្រចិត្ត បានថ្លែងថា សកម្មភាពកីឡា របស់វិទ្យាស្ថាន Cam Ed បានក្លាយជាចលនាមួយក្នុងការរួមចំណែក ជួយបំផុស និងបានចូលរួមផ្សព្វផ្សាយវិស័យកីឡានៅកម្ពុជា ស្របតាមការអំពាវនាវ របស់ប្រមុខរាជរដ្ឋាភិបាលកម្ពុជា ឲ្យប្រជាពលរដ្ឋម្នាក់ត្រូវចេះលេងកីឡាមួយប្រភេទយ៉ាងតិច ក្នុងដំណើរឆ្ពោះទៅរៀបចំព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ ។

ឯកឧត្តម អ៊ុក សិទ្ធិជាតិ មានប្រសាសន៍បន្តថា ការប្រកួតកីឡាអត្តពលកម្មនេះ បានជួយបំផុតគំនិតយុវជន យុវតីក្នុងប្រទេសកម្ពុជា ជាពិសេសជំរុញឲ្យវិទ្យាស្ថាន សាកលវិទ្យាល័យ មហាវិទ្យាល័យនៅទូទំាងប្រទេស ត្រូវបង្កើតព្រឹត្តិការណ៍ការប្រកួត កីឡាគ្រប់ប្រភេទតាមសាលារបស់ខ្លួន ។ ឯកឧត្តម បានជំរុញឲ្យវិទ្យាស្ថាន Cam Ed រៀបចំព្រឹត្តិការណ៍ប្រកួតជើងឯកកីឡាអត្តពលកម្មនេះជារៀងរាល់ឆ្នាំ ហើយបំផុតឲ្យសិស្ស និស្សិតចូលរួមបានកាន់តែច្រើនបន្ថែមទៀត។ ក្នុងនាមក្រសួងអប់រំ យុវជន និងកីឡា និង សហព័ន្ធខ្មែរអត្តពលកម្មស្ម័គ្រចិត្ត សូមសម្តែងនូវការគាំទ្រ ចំពោះ ព្រឹត្តិការណ៍ការប្រកួតកីឡាអត្តពលកម្មក្រោមគំនិតផ្តួចផ្តើម របស់លោក ខេស៊ីបាណេត អគ្គនាយកវិទ្យាស្ថានផ្តាល់តែម្តង ។

ក្នុងឱកាសនោះដែលលោក Casey Barnett នាយកវិទ្យាស្ថាន Cam Ed និងជាស្ថាបនិកបង្កើតឲ្យមានព្រឹត្តិការណ៍កីឡា នៅក្នុងសាលានេះ បានថ្លែងថា៖ «ការលេងកីឡា វាមិនត្រឹមតែជួយឲ្យយើងមានសុខភាព និងបង្កើតបានចំណងមិត្តភាពប៉ុណ្ណោះទេ ប៉ុន្តែការលេងកីឡា វាបានជួយឲ្យអ្នកទាំងអស់គ្នា មានភាពអំណត់ តស៊ូព្យាយាម ពិសេសចេះធ្វើការងារជាក្រុមបានល្អ ហើយទាំងអស់នេះ ជាបទពិសោធដ៏ល្អ និងមេរៀននៃភាពជោគជ័យនៅពេលប្អូនៗចេញទៅធ្វើការងារ និងធ្វើអាជីវកម្មអ្វីមួយ»។

ជាមួយគ្នានេះ លោក Casey បានជំរុញឲ្យអ្នកដណ្តើមបានមេដាយបន្តព្យាយាមហ្វឹកហាត់ឲ្យបានកាន់តែល្អ សម្រាប់ត្រៀមចូលរួមប្រកួត National University Game ដែលរៀបចំដោយក្រសួងអប់រំ យុវជន និងកីឡា នៅក្នុងខែមិថុនា ឆ្នាំ ២០២០ នេះ ខណៈការប្រកួតលើកចុងក្រោយកាលពីឆ្នាំ ២០១៨ ក្រុមខេមអេដ ដណ្តើមបានមេដាយមាស ២ ប្រាក់ ២ និងសំរឹទ្ធចំនួន ៣ ដើម្បីឡើងមកឈរនៅលេខ ៣ ក្នុងចំណោមគ្រឹះស្ថានចូលរួមសរុបចំនួន ២១៕ធ.ដ