ព័ត៌មានទាន់ហេតុការណ៍
 1. រដ្ឋបាលខេត្តព្រះសីហុន បានរៀបចំកម្លាំងតាមគោលដៅសំខាន់ៗទូទាំងខេត្ត ដេីម្បីអនុវត្តន៍បទបញ្ជារបស់រាជរដ្ឋាភិបាល ស្ដីពីការដាក់កំហិតលើការធ្វើដំណើរក្នុងប្រទេស ក្នុងគោលដៅបង្ការ និងទប់ស្កាត់ការរាតត្បាតនៃជំងឺកូវីដ១៩  2. រាជរដ្ឋាភិបាល សម្រេចដាក់កំហិតលើការធ្វើដំណើរក្នុងប្រទេស ក្នុងគោលដៅទប់ស្កាត់ការរីករាលដាលជម្ងឺកូវីដ១៩  3. កម្លាំងនគរបាលបញ្ជូនលោក សុវណ្ណ រិទ្ធី អគ្គនាយក TV FB ទៅតុលាការ  4. សម្តេចតេជោនាយករដ្ឋមន្ត្រី ទទួលជួបសន្ទនាតាមទូរស័ព្ទជាមួយ ឯកឧត្តម Mike Pompeo រដ្ឋមន្ត្រីការបរទេសសហរដ្ឋអាមេរិក  5. ក្រសួងការងារ ៖ សេចក្តីជូនដំណឹងស្តីពីការលើកពេលថ្ងៃឈប់សម្រាកក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំ២០២០

ក្រោយចាញ់ វិសាខា នៅសប្តាហ៍ទី៣ ក្នុងលីគកំពូលកម្ពុជា ជំនួយការគ្រូបង្វឹកក្រុមសូលទីឡូអង្គរ នឹងបង្កើនការហ្វឹកហាត់ សម្រាប់ត្រៀមការប្រកួតបន្ទាប់
ថ្ងៃ អង្គារ ទី ០៣ ខែ មិនា ឆ្នាំ ២០២០

បន្ទាប់ពីប្រកួតចាញ់ម្ចាស់ផ្ទះវិសាខា នៃការប្រកួតបាល់ទាត់លីគកំពូលកម្ពុជា សប្តាហ៍ទី៣ ជើងទី១ ក្នុងលទ្ធផល ៧ទល់១ កាលពីរថ្ងៃអាទិត្យ ទី០១ ខែមីនា ឆ្នាំ២០២០កន្លងទៅ លោកគ្រូ អ៊ុក សារ៉េត ជំនួយការគ្រូបង្វឹក ក្លឹបបាល់ទាត់ សូលទីឡូអង្គរបាននិយាយនៅក្នុងសន្និសីទសារព័ត៌មាន ថា ក្នុងការប្រកួតលើកនេះលោកមានការព្រួយបារម្មណ៍ខ្លះៗ សម្រាប់កូនក្រុមគឺពួកគេធ្វើបានល្អហើយ បន្តែឱកាសមិនអំណោយផលដូចអ្វីដែលបានគ្រោងទុក ។

លោកបន្តថា ក្នុងវគ្គខ្លះយើងប្រកួតត្រូវប្រើកម្លាំងរួមផ្អែកជាក្រុម នៅពេលយើងទទួលបាន១គ្រាប់នាំមុខហើយ តែបែរជាយើងភ្លេចខ្លួចថាត្រូវបន្តរកគ្រាប់បាល់បន្ថែមទៀត ជាហេតុដែលធ្វើអោយសត្រូវមានឱកាសវាយបក ដោយមិនអាចតដៃបានវិញ ។ បន្ទាប់ពីបរាជ័យក្នុងជំនួបនេះរួចមកលោកបានបង្ហើបថា នឹងផ្លាស់ប្តូទម្រង់លេង នឹងព្យាយាមបង្កើនការហ្វឹកហាត់បន្ថែមទៀតដល់កូនក្រុមសម្រាប់ត្រៀមការប្រកួតបន្ទាប់ ។
ក្នុងនោះដែលអ្នកចាត់ការទូទៅលោក COLUM CURTS គ្រូបង្វឹកវិសាខា ក៏បានលើកឡើងថា «សម្រាប់ការប្រកួតនេះ លោកពិតជាសរសើរទៅកូនក្រុមដែលបានព្យាយាមធ្វើបានល្អ» បើទោះបីជាត្រូវក្រុមសូលទីឡូអង្គរ ស៊ុតគ្រាប់នាំមុខមុន ១គ្រាប់ក៏ដោយ។

សូមបញ្ជាក់ថា ក្រុមបាល់ទាត់វិសាខា បានយកឈ្នះក្រុមសូលទីឡូអង្គរ ក្នុងលទ្ធផល ៧-១ នៃការប្រកួតបាល់ទាត់លីគកំពូលកម្ពុជា សប្តាហ៍ទី៣ ជើងទី១ ហើយគ្រាប់ជ័យជម្នះ រកបានដោយកីឡាករឆ្នើមទាំង ៦រូប ដោយមានខ្សែប្រយុទ្ធ រឹង ប៊ុនហៀង រកបាន ២គ្រាប់ម្នាក់ឯង បន្ទាប់ពីក្រុមសូលទីឡូអង្គរបានធ្វើការនាំមុខមុននៅតង់ទី១ ។
សម្រាប់លទ្ធផល ៧ទល់១ នេះបានធ្វើឲ្យវិសាខា ឡើងទៅឈរលេខរៀងទី៤ ក្នុងតារាងពិន្ទុបណ្តោះអាសន្ន ដោយមាន ៦ពិន្ទុ ក្នុងចំណោម ៣ប្រកួត គ្រាដែលក្រុមសូលទីឡូអង្គរ នៅមិនទាន់ទទួលបានជ័យជម្នះនោះទេ និងបន្តឈរបាតតារាងគ្មានពិន្ទុរាប់ដដែល៕ធ.ដ


អត្ថបទទាក់ទង