ព័ត៌មានទាន់ហេតុការណ៍
 1. ទំនប់វារីអគ្គិសនីកំចាយនឹងត្រូវបើកទ្វារទឹកនៅ រសៀលថ្ងៃនេះ បើសិនភ្លៀងបន្តធ្លាក់  2. ហេតុការណ៍ផ្ទុះដ៏កក្រើកនៅជាប់តំបន់ឆ្នេរនៃរដ្ឋធានីរបស់ប្រទេសលីបង់ ផ្តាច់ជីវិតមនុស្ស៧៨នាក់ និងជិត៤ពាន់នាក់រងរបួស  3. កម្ពុជាបានប្រកាសតាមរយៈ ក្រសួងសុខាភិបាល នៅព្រឹកថ្ងៃទី០៥ ខែសីហា ឆ្នាំ២០២០នេះ បានប្រកាសថារកឃើញករណីវិជ្ជមានវីរុសកូវីដ-១៩ ថ្មី ០២នាក់ និងករណីជាសះស្បើយ០២នាក់  4. រាជរដ្ឋាភិបាលកម្ពុជា បានចេញសេចក្តីសម្រេចកែសម្រួលនូវលក្ខខណ្ឌធ្វើដំណើររបស់ជនបរទេស មកកាន់ប្រទេសកម្ពុជា  5. ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច៖ សារលិខិតគោរពជូនពរ សម្តេចតេជោ ក្នុងឱកាសនៃថ្ងៃខួបកំណើតគម្រប់៦៩ឆ្នាំ

ឯកឧត្តម ទៀ សីហា បានអញ្ជើញជាអធិបតីភាព ក្នុងពិធីប្រកាសសមាសភាពថ្នាក់ដឹកនាំគណបក្សស្រុកស្រីស្នំខេត្តសៀមរាប
ថ្ងៃ សុក្រ ទី ១៤ ខែ កុម្ភៈ ឆ្នាំ ២០២០

សៀមរាប៖ នៅរសៀលថ្ងៃទី១៣ ខែកុម្ភៈ ឆ្នាំ២០២០នេះ ឯកឧត្តម ទៀ សីហា សមាជិកគណៈកម្មាធិការកណ្តាលនៃគណបក្សប្រជាជនកម្ពុជា និងជាប្រធានគណៈកម្មាធិការនៃគណបក្សខេត្តសៀមរាប បានអញ្ជើញជាអធិបតីភាពក្នុងពិធីប្រកាសសមាសភាពថ្នាក់ដឹកនាំគណបក្សស្រុកស្រីស្នំខេត្តសៀមរាប ដោយមានវត្តមានឯកឧត្តម លោក លោកស្រី ក្រុមការងារគណបក្សចុះជួយស្រុកស្រីស្នំ និងបណ្តាឃុំ ក្នុងស្រុកស្រីស្នំជាច្រើននាក់បានអញ្ជើញចូលរួមផងដែរ។

ក្នុងពិធីប្រកាសសមាសភាពថ្នាក់ដឹកនាំគណបក្សស្រុកស្រីស្នំ ដែលបានប្រារព្ធឡើងនាពេលនេះ ឯកឧត្តម ទៀ សីហា បានមានប្រសាសន៍ថា ស្របតាមសភាពជាក់ស្តែងនៃការប្រែប្រួលមន្ត្រីថ្នាក់ដឹកនាំគណបក្សស្រុក ដោយផ្ទាល់ នៅស្រុកស្រីស្នំ លោកប្រធានគណបក្សស្រុកមានការផ្លាស់ប្តូរភារកិច្ចថ្មី ធ្វើឲ្យជួរគណៈអចិន្ត្រៃយ៍មានការថយចុះ ។ ដោយហេតុនេះ ការប្រកាសតែងតាំងសមាសភាពថ្នាក់ដឹកនាំគណបក្សស្រុកនាពេលនេះ បានឆ្លើយតបទៅនឹងសំណូមពរ ភារកិច្ចរបស់គណបក្សក្នុងដំណាក់កាលថ្មីនេះ ។ ជាក់ស្ដែងថ្ងៃនេះ សមាសភាពក្នុងជួរគណៈកម្មាធិការនៃគណបក្សស្រុកមានចំនួន៣៦រូប (ស្រី០៤រូប) ដែលមានតំណែងជាអនុប្រធានចំនួន០២រូប សមាជិកគណៈអចិន្ត្រៃយ៍ចំនួន១០រូប និងសមាជិកគណៈកម្មាធិការនៃគណបក្សស្រុកមានចំនួន២៤រូប (ស្រី០៤រូប) ។

ក្នុងឱកាសនេះ ឯកឧត្តម មានប្រសាសន៍បន្តថា សូមឲ្យមានការយោគយល់ អធ្យាស្រ័យ អំពីលោកប្រធានគណៈជំនាញ មួយចំនួនដែលមានវ័យចំណាស់ តែងមានជំងឺ ឈឺស្កាត់ច្រើន ដោយមិនបានឲ្យបន្តការងារតទៅទៀតឡើយ តែគណបក្សនៅរក្សាឲ្យនៅជាសមាជិកគណៈអចិន្ត្រៃយ៍គណបក្សស្រុកដដែល ដើម្បីជាម្លប់ក្នុងការដឹកនាំ ពិភាក្សា ផ្តល់យោបល់ និងអនុម័តក្នុងកិច្ចប្រជុំគណៈអចិន្ត្រៃយ៍ គណៈកម្មាធិការនៃគណបក្សស្រុកបន្តទៅទៀត ។

ឯកឧត្តម ទៀ សីហា សមាជិកគណៈកម្មាធិការកណ្តាលនៃគណបក្សប្រជាជនកម្ពុជា និងជាប្រធានគណៈកម្មាធិការនៃគណបក្សខេត្តសៀមរាប បានមានប្រសាសន៍បញ្ជាក់ទៀតថា ដើម្បីធ្វើឲ្យសម្រេចជោគជ័យលើការងារដឹកនាំរបស់គណបក្ស តាមបណ្តាថ្នាក់នីមួយៗ ថ្នាក់ដឹកនាំគណបក្សត្រូវប្រកាន់ខ្ជាប់នូវគោលការណ៍ សមូហភាពដឹកនាំ ម្នាក់ៗទទួលខុសត្រូវ និងការអនុវត្តតួនាទី ភារកិច្ច សិទ្ធិ និងរបៀបរបបធ្វើការងារ របស់អង្គការចាត់តាំងគណបក្ស លើកកម្ពស់ ស្មារតីស្នេហាជាតិ ពង្រឹងធ្លុងសាមគ្គីភាព ឯកភាពផ្ទៃក្នុងរឹងមាំ រក្សាការសម្ងាត់របស់បក្ស ។

ទោះបីបច្ចុប្បន្នសភាពការណ៍នយោបាយកំពុងផ្តល់ផលអនុគ្រោះយ៉ាងណាក៏ដោយ ក៏យើងមិនត្រូវស្កប់ស្កល់ ភ្លេចខ្លួននោះដែរ ព្រោះពួកប្រឆាំង ដែលមានបរទេសនៅពីក្រោយ នៅមិនទាន់បោះបង់ មហិច្ឆិតាផ្តួលរំលំរាជរដ្ឋាភិបាលស្របច្បាប់ឡើយ។ ស្ថិតនៅក្នុងបរិបទនយោបាយថ្មី ក្នុងនីតិកាលទី៦នេះ ទាមទារឲ្យមន្ត្រីគណបក្សគ្រប់ថ្នាក់ ត្រូវបង្កើនការខិតខំទ្វេរដងថែមទៀត ដើម្បីបន្តពង្រឹង ប្រៀបខ្លាំង ប្រៀបឈ្នះ និងខិតខំចូលរួមអនុវត្តកំណែទម្រង់របស់រាជរដ្ឋាភិបាលឲ្យបានខ្លាំងក្លា ទាន់ពេលវេលា និងមានប្រសិទ្ធភាព ។ ការងារសំខាន់ៗមួយចំនួន ដែលត្រូវគិតគូរ ដឹកនាំ រួមមាន ៖



-យកចិត្តទុកដាក់តាមដាន គ្រប់គ្រងសភាពការណ៍ សន្តិសុខ សណ្តាប់ធ្នាប់ សង្គម ចូលរួមអនុវត្តគោលនយោបាយភូមិ ឃុំ មានសុវត្ថិភាព ឲ្យទទួលបានលទ្ធផលល្អ ។
-មន្ត្រីគណបក្សត្រូវបង្កើនឆន្ទះ ពុះពារបំពេញលើការងារដែលបំរើដល់ផលប្រយោជន៍របស់ប្រជាជន ចុះជាប់ជិតស្និទ្ធដឹងសុខទុក្ខរបស់ប្រជាជន និងជួយដោះស្រាយឲ្យបានទាន់ពេលវេលានូវសំណូមពរចាំបាច់របស់ប្រជាជន ។ លើកកម្ពស់ប្រសិទ្ធភាព គុណភាព និងភាពស្អាតស្អំ ក្នុងការផ្តល់សេវាសាធារណៈ ជូនប្រជាជន ។
-បន្តជំរុញ ចលនាមហាជន ឲ្យកាន់តែទូលំទូលាយ ក្នុងចំណោយមហាជនគ្រប់ស្រទាប់ គ្រប់មជ្ឈដ្ឋាន ពិសេស យុវជន សិស្ស និងកម្មករ ។


-យកចិត្តទុកដាក់ឲ្យបានជាប្រចាំ ការកសាងពង្រីកសមាជិកបក្សបន្ថែមទៀត ពិសេស ក្នុងស្រទាប់យុវវ័យដែលទើបគ្រប់អាយុ និងយកចិត្តទុកដាក់កសាងបក្ស លើមុខសញ្ញាមន្ត្រីនៅតាមស្ថាប័នរដ្ឋ និងវិស័យឯកជន ស្របតាមគោលការណ៍ « រក្សាចាស់ពង្រីកថ្មី » ឲ្យធានាបានទាំងបរិមាណនិងគុណភាព ។
-បន្តបើកវគ្គអប់រំនយោបាយជូនដល់មន្ត្រីគណបក្ស នៅថ្នាក់ឃុំ ភូមិ និងក្រុមបក្ស ដើម្បីបង្កើននូវសមត្ថភាព យល់ដឹងពីប្រវត្តិ សកម្មភាព និងស្នាដៃរបស់គណបក្ស និងសភាពការណ៍ភារកិច្ចថ្មី ។ ខាងលើនេះ គ្រាន់តែជាគំនិតគោលៗតែប៉ុណ្ណោះ ប៉ុន្តែការងារគណបក្សគឺមានកិច្ចការជាច្រើនទៀត ដែលអស់លោក លោកស្រី ត្រូវស្វែងយល់ និងកំណត់យកកិច្ចការជាអទិភាព ស្របតាមស្ថានភាពជាក់ស្តែង នៅតាមមូលដ្ឋាននីមួយៗ ដើម្បីភាពជោគជ័យនៃការដឹកនាំរបស់គណបក្សគ្រប់ថ្នាក់៕ ដោយ ស៊ាន សុផាត


អត្ថបទទាក់ទង