ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

រថយន្តធុនធំមួយគ្រឿង បើកចេញពីអគារស៊ីការមួយកន្លែងជ្រុលទៅបុកម៉ូតូបណ្តាលឲ្យបុរសម្នាក់រងរបួសធ្ងន់
ថ្ងៃ ពុធ ទី ១៥ ខែ មករា ឆ្នាំ ២០២០

ភ្នំពេញ ៖ រថយន្តធុនធំមួយគ្រឿង បានបើកចេញពីអគារសុីការមួយកន្លែងជ្រុលទៅបុកម៉ូតូមួយគ្រឿងទៀតបណ្ដាលឲ្យបុរសម្នាក់ដួលរងរបួសធ្ងន់ រួចរថយន្តបង្កបើករត់គេចខ្លួនបាត់។

ហេតុការនេះកើតឡើងកាលពីវេលាម៉ោង ១២ និង ២០ នាទីយប់រំលងអាធ្រាត្រឈានចូលថ្ងៃទី ១៥ ខែមករាឆ្នាំ ២០២០ នៅចំណុចមុខអាគារស៊ីការមួយកន្លែង មុខនឹងផ្សារអ៊ីអន២ តាមបណ្តោយផ្លូវ ១០០៣ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

តាមប្រភពពីរសន្តិសុខយាមនៅនឹងកន្លែងកើតហេតុបានឲ្យដឹងថា មុនកើតហេតុគេឃើញរថយន្តធន់ធំមួយគ្រឿងមិនចាំស្លាកលេខបានដឹករថយន្តចូលទៅក្នុងអាគារនៅកន្លែងកើតហេតុខាងលើ បន្ទាប់ពីដាក់រថយន្តរួចរថយន្តបង្កបានបើកចេញមកក្រៅវិញដោយទិសដៅពីលិចទៅកើតលុះមកដល់ចំណុចកើតហេតុខាងលើ កែងនឹងផ្លូវ ១០០៣ បំរុងបត់ស្តាំដៃទៅទិសខាងត្បូងក៏ជ្រុលចង្កូតទៅបុកម៉ូតូម៉ាកឌ្រីមសង់ស៊េរី ឆ្នាំ២០១៩ មួយគ្រឿងពណ៌ខ្មៅ ពាក់ស្លាកលេខពោធិ៍សាត់1H-4566 ជិះដោយបុរសម្នាក់តាមបណ្ដោយផ្លូវ ១០០៣ ទិសដៅពីជើងទៅត្បូងពេញទំហឹងបណ្ដាលឲ្យជនរងគ្រោះដួលបោកនឹងថ្នល់រងរបួសធ្ងន់។ភ្លាមៗនោះរថយន្តបង្កឃើញសភាពជនរងគ្រោះមិនស្រួលបានបន្ថែមល្បឿនរថយន្តទៅមុខទៀតគេចខ្លួនបាត់។

ក្រោយកើតហេតុសមត្ថកិច្ចមូលដ្ឋានបានចុះទៅដល់ដោយមានអ្នកតំណាងនៅក្នុងអាគារកន្លែង កើតហេតុចេញមុខធានាខុសត្រូវរួចបានឲ្យសន្តិសុខយកម៉ូតូជនរងគ្រោះទៅរក្សាទុកនៅក្នុងអាគារមួយយប់សិនចាំស្អែក ឲ្យជនរងគ្រោះមកចចារ និងសម្របសម្រួលគ្នាដើម្បីបញ្ចប់រឿងនៅនឹងកន្លែងកើតហេតុ។ចំណែកជនរងគ្រោះត្រូវបានសាច់ញាតិបានបញ្ជូនតាមម៉ូតូកង់បីមួយគ្រឿងយកទៅព្យាបាលរបួសដោយខ្លួនឯង៕ធ.ដ


អត្ថបទទាក់ទង