ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

រដ្ឋមន្ត្រីការបរទេសកម្ពុជាចូលរួមកិច្ចប្រជុំចង្អៀតអាស៊ាននៅវៀតណាម
ថ្ងៃ អង្គារ ទី ១៤ ខែ មករា ឆ្នាំ ២០២០

ឧបនាយករដ្ឋមន្រ្តីនិងជារដ្ឋមន្ត្រីការបរទេសកម្ពុជាលោក ប្រាក់ សុខុន គ្រោងនឹងដឹកនាំគណៈប្រតិភូអញ្ជើញ ទៅចូលរួមកិច្ចប្រជុំចង្អៀតរដ្ឋមន្រ្តីការបរទេសអាស៊ាន ក្នុងសប្ដាហ៏នេះនៅប្រទេសវៀតណាម។ ប្រទេសវៀត ណាមគឺជាប្រធានអាស៊ានប្តូរវេនសម្រាប់ឆ្នាំ២០២០នេះ។ កិច្ចប្រជុំចង្អៀតរដ្ឋមន្រ្តីការបរទេសអាស៊ាន នឹងប្រ ព្រឹត្តទៅពីថ្ងៃទី១៦ដល់ថ្ងៃទី១៧មករា នៅខេត្តញ៉ាចាងនៃសាធារណរដ្ឋសង្គមនិយមវៀតណាម។ យោងតាម សេចក្តីថ្លែងការណ៍របស់ក្រសួងការបរទេស កិច្ចប្រជុំចង្អៀតនោះនឹងស្ថិតក្រោមប្រធានបទ «ភាពស្អិតរមួត និងការឆ្លើយតប» ដែលជាវេទិកាមួយសម្រាប់រដ្ឋមន្ត្រីការបរទេសអាស៊ាន ធ្វើការផ្លាស់ប្ដូរការយល់ឃើញ និង គំនិតទៅលើវិធី និងមធ្យោបាយនានា ដើម្បីសម្រេចបាននូវចក្ខុវិស័យសហគមន៍អាស៊ានឆ្នាំ២០២៥ និងលើក កម្ពស់បន្ថែមទៀតនូវការឯកភាព សមាហរណកម្ម និងការតភ្ជាប់ អត្តសញ្ញាណរួមរបស់អាស៊ាន ព្រមទាំងការ ចូលរួមជាមួយនឹងសហគមន៍ពិភពលោក និងសមត្ថភាពស្ថាប័ន។
យោងតាមសេចក្តីថ្លែងការណ៍ ចំណុចអាទិភាពចំនួន៥ ដែលប្រ ទេសវៀតណាមជាប្រធានអាស៊ានក្នុងឆ្នាំ២០២០ បានផ្ដោតសំខាន់គឺ ការថែរក្សាសន្តិភាព សន្តិសុខនិងស្ថិរភាពតំបន់, ការជម្រុញឲ្យកាន់តែខ្លាំងនូវសមាហរណ កម្មសេដ្ឋកិច្ច និងការតភ្ជាប់អាស៊ាន, ការ លើកកម្ពស់អត្តសញ្ញាណអាស៊ាននិងការយល់ដឹងអំពីសហគមន៍ អាស៊ាន, ការពង្រឹងភាពជាដៃគូសកលរបស់ អាស៊ានដើម្បីសន្តិភាព និងការអភិវឌ្ឍប្រកបដោយចីរភាព និងការ បង្កើនប្រសិទ្ធភាព និងសមត្ថភាព របស់អា ស៊ាន។

 

 

 


អត្ថបទទាក់ទង