ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

អភិបាលខេត្ត ប៉ៃលិន អះអាងថា ស្វាគមន៍ធ្វើជាម្ចាស់ផ្ទះគ្រប់ប្រភេទកីឡា ដែលគ្រោងមកប្រកួតនៅលើទឹកដីត្បូងពេជ្រមួយនេះ
ថ្ងៃ អង្គារ ទី ១៤ ខែ មករា ឆ្នាំ ២០២០

ឯកឧត្តម ផាន់ ចាន់ធុល អភិបាលខេត្តប៉ៃលិន បានសម្តែងនូវក្តីសប្បាយរីករាយ ខណៈដែលខេត្តទទួលធ្វើជាម្ចាស់ផ្ទះលើកដំបូង ការប្រកួតកីឡាវាយសីដណ្តើមពានរង្វាន់ ៧មករា លើកទី២០ បញ្ចប់ដោយជោគជ័យ ដោយទទួលបានការលើកសសើរពីកីឡាករការិនី និងប្រតិភូតាមបណ្តាខេត្តផ្សេងៗថាជាខេត្តដែលទទួលបដិសណ្ឋាកិច្ចល្អចំពោះភ្ញៀវមកចូលរួមប្រកួត នៅខេត្តរបស់ខ្លួន ហើយ ឯកឧត្តម អភិបាលខេត្តថែមទាំងប្រកាសទៀតថា ខេត្តប៉ៃលិនរីករាយស្វាគមន៍ជានិច្ចការទទួលធ្វើជាម្ចាស់ផ្ទះរៀបចំការប្រកួតកីឡាគ្រប់ប្រភេទ ។ ឯកឧត្តម ផាន់ ចាន់ធុល បានប្រកាសបែបនេះ ក្នុងពិធីបិទការប្រកួតកីឡាវាយសីដណ្តើមពានរង្វាន់ ៧មករា លើកទី២០ នៅសាលាខេត្តប៉ៃលិន ។

ឯកឧត្តម អភិបាលខេត្ត បញ្ជាក់ទៀតថា គិតមកដល់ពេលនេះ២១ឆ្នាំ ក្រោមនយោបាយឈ្នះឈ្នះរបស់ សម្តេចអគ្គមហាសេនាបតីតេជោ ហ៊ុន សែន បាននាំមកនូវសុខសន្តិភាពពេញបរិបូណ៍ទូទាំងប្រទេសកម្ពុជា និងការអភិវឌ្ឍន៍លើគ្រប់វិស័យ នៅគ្រប់ទីកន្លែង ។

ស្ថិតក្រោមម្លាប់ នៃសន្តិភាព ២១ឆ្នាំនេះខេត្តប៉ៃលិនបានអភិវឌ្ឍប្រែក្លាយខ្លួនពីតំបន់ចំការម៉ីន គួរឲ្យភ័យខ្លាច ទៅជាចំការដំណាំគ្រប់ប្រភេទសំបូរណ៍ទៅដោយរមណីដ្ឋានធម្មជាតិ មានហេដ្ឋារចនាសម្ព័ន្ធសង្គមរីកចំរើនគ្រប់វិស័យ ពិសេសសេដ្ឋកិច្ច ៧.១% ថេរ បង្កឱកាសដល់ខេត្តប៉ៃលិនមានលទ្ធភាពធ្វើជាម្ចាស់ផ្ទះការប្រកួតកីឡាវាយសីដណ្តើមពានរង្វាន់ ៧មករា លើកទី២០ ដែលជាកិត្តិយសដ៏ធំធេង និងជាព្រឹត្តិការណ៍លើកដំបូងបំផុតសម្រាប់ទឹកដី ។

ឯកឧត្តម អភិបាលខេត្ត អះអាងទៀតថា ក្រៅពីការប្រកួតអបអសាទរថ្ងៃប្រវត្តិសាស្រ្តនេះខេត្តប៉ៃលិន ចង់ទទួលធ្វើជាម្ចាស់ផ្ទះរៀបចំព្រឹត្តិការណ៍កីឡាគ្រប់ប្រភេទ ដ្បិតអីខេត្តប៉ៃលិនបច្ចប្បន្នទទួលបាននូវសុខសន្តិភាព និងការអភិវឌ្ឍរីកចំរើនគ្រប់វិស័យ ។ ដូច្នោះប្រភេទកីឡាអ្វីក៏ដោយក៏ខេត្តប៉ៃលិន ចង់ឲ្យមាន និងរីកចំរើនដូចបណ្តាខេត្តផ្សេងៗទៀត និងរាជធានីភ្នំពេញដែរ ។

ឯកឧត្តម ឧត្តមសេនីយ៍ឯក លី កុសល ប្រធានសហព័ន្ធកីឡាវាយសីកម្ពុជា បានលើកឡើងថា ការប្រកួតវាយសីអបអរសាទ រ៧មករា ដែលសហព័ន្ធរៀបចំឡើងនេះ មានគោលបំណងបំផុសឲ្យយុវជនយុវនារីជំនាន់ក្រោយបានដឹងពីអត្តន័យ ថ្ងៃជ័យជំនះ ៧មករា ១៩៧៩ ដែលជាថ្ងៃប្រវត្តិសាស្ត្របានផ្តល់កំណើតទី២ ជូនប្រជាជនកម្ពុជាក្រោមទង់សារណៈសេសង្គ្រោះជាតិកម្ពុជាដែលមានសម្តេចទាំង៣ ជាប្រមុខដឹកនាំផ្តួលរំលំរបបដ៏សាហាវ ជិះជាន់កាប់សម្លាប់ប្រជាជនខ្មែរស្នូតរត្រង់រាប់លាននាក់ គឺរបប ប៉ុល ពត ហើយបាននាំមកនូវសិទ្ធិសេរីភាព និងសុខសន្តិភាពជូនកម្ពុជា ដល់បច្ចុប្បន្ន ។

ឯកឧត្តម បញ្ជាក់ទៀតថា ព្រឹត្តិការណ៍ប្រកួតមួយនេះ ក្រៅពីចូលរួមអបអរសាទរខួបជាប្រវត្តិសាស្រ្តនេះ វាក៏ជាឱកាសបង្កើននូវចំណងសាមគ្គីភាព មិត្តភាព រវាងក្លិប និងក្លិប ដើម្បីចូលរួមអភិវឌ្ឍន៍វិស័យកីឡាវាយសីនៅកម្ពុជា ឲ្យរីកចំរើនផងដែរ។ សូមបញ្ជាក់ថា ព្រឹត្តិការណ៍ប្រកួតកីឡាវាយសីអបអរសាទរខួបអនុស្សាវរីយ៍ ទិវាជ័យជំនះ៧មករា ១៩៧៩ សហព័ន្ធកីឡាវាយសីកម្ពុជា បានបង្កើតឡើង២០ឆ្នាំមកហើយ ដោយចាប់ផ្តើមដំបូងគឺធ្វើនៅខេត្តកណ្តាល ក្រោមគំនិតផ្តួចផ្តើម ឯកឧត្តម ហុក ឡង់ឌី ដឹកនាំរៀបចំដោយ ឯកឧត្តម ជ័យ ញ៉ាន់ ដែលបច្ចុប្បន្នជាអភិបាលរងខេត្តប៉ៃលិន បន្ទាប់មក ឯកឧត្តម ឧត្តមសេនីយ៍ឯក លី កុសល ជាប្រធានមកដល់បច្ចុប្បន្ន ៕ធ.ដ