ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ប្រធានសហព័ន្ធកីឡាវាយកូនឃ្លីលើតុកម្ពុជា អះអាងថា កីឡាគ្រប់ប្រភេទទាំងអស់ទាមទារឲ្យហ្វឹកហាត់បង្កើនសមត្ថភាព ទើបសម្រេចបានជោគជ័យ
ថ្ងៃ ពុធ ទី ០៨ ខែ មករា ឆ្នាំ ២០២០

ប្រធានសហព័ន្ធកីឡាវាយកូនឃ្លីលើតុកម្ពុជា ឯកឧត្តម នាយឧត្តមសេនីយ៍ គៀត ច័ន្ទថារិទ្ធ បានថ្លែងលើកទឹកចិត្តដល់កីឡាករ កីឡាការិនីវាយកូនឃ្លីលើតុ ដែលមិនបានជាប់ជ័យលាភីឲ្យបន្តការខិតខំប្រឹងប្រែងហ្វឹកហាត់បន្ថែមទៀត ដើម្បីបង្កើនសមត្ថភាពត្រៀមប្រជែងដណ្តើមជើងឯក នៅឆ្នាំក្រោយ ដោយមិនត្រូវបាក់ទឹកចិត្តបង់បោះ ឬបង់ចោលការហ្វឹកហាត់នោះឡើយ ពោលគឺត្រូវប្រឹងប្រែងហ្វឹកហាត់ទ្វេរដង ទើបអាចក្លាយជាកីឡាករអាជីព ។

ឯកឧត្តម ប្រធាន បានពន្យល់ថា ដើម្បីក្លាយជាកីឡាករអាជីពដ៏ជោគជ័យ ត្រូវបន្ថែមការហ្វឹកហាត់អោយខ្លាំង មិនត្រូវបន្ថយដៃធ្វើឲ្យសមិទ្ធផលធ្លាក់ចុះនោះទេ ពីព្រោះវាអាចបរាជ័យនាពេលខាងមុខ ។ ប្រធានសហព័ន្ធរូបនេះ អះអាងថា ចំណុចសំខាន់របស់កីឡាទាំងអស់ ចាំបាច់ទាមទារឲ្យបង្កើនការហាត់ហ្វឹកហ្វឺនឲ្យបានច្រើន និងជាប់លាប់តាមនិយាមបច្ចេកទេស ទើបអាចឲ្យសម្រេចបានលទ្ធផលជោគជ័យនាពេលអនាគត ។

ដោយឡែក លោក ស៊ុន សុធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុកម្ពុជា បានអោយដឹងថា  ការប្រកួតជើងឯកឆ្នាំនេះ មានក្លិប-សមាគមចូលរួមចំនួន១៣ចូលរួម មានក្លិបក្រសួងមហាផ្ទៃ ក្លិបរដ្ឋសភាសែនជ័យ ក្លិបសាន់នីព្រីងធីង ក្លិបសន្ធរម៉ុកថ្មី ក្លិបដើមមៀន ក្លិបខេត្តព្រះសីហនុ ក្លិបអេលីហ្សា ក្លិបខេត្តកំពត ក្លិបស៊ីធីស្ពត ក្លិប AIS ក្លិបអ៊ីនធើស្ពៃឌីហ្សាញ់ ក្លិប All Stars និង ក្លិបមិត្តសម្លាញ់ ។  និងមានកីឡាករ-កីឡាការិនី៧៩នាក់ ចែកចេញជា២ ក១ និងក២ ។ រីឯលទ្ធផល ការប្រកួតវិញ ក្លិបក្រសួងមហាផ្ទៃ ដណ្តើមបានមេដាយច្រើនជាងគេ សរុបមេដាយមាស៣គ្រឿង កីឡា All Stars ឈរលេខ២ និងលេខ៣ ក្លិបខេត្តកំពត ៕ធ.ដ


អត្ថបទទាក់ទង