ព័ត៌មានទាន់ហេតុការណ៍
 1. ថ្ងៃនេះក្រសួងសុខាភិបាល បានរកឃើញអ្នកកើតជំងឺកូវីដ១៩ ចំនួន ១៥នាក់ថ្មីទៀត  2. អ្នកឆ្លង COVID-19 នៅទូទាំងពិភពលោកកើនឡើងជាង១៩.៥លាននាក់ ក្នុងនោះស្លាប់ជាង៧២ម៉ឺននាក់ និងជាសះស្បើយជាង១២.៥លាននាក់  3. ទំនប់វារីអគ្គិសនីកំចាយនឹងត្រូវបើកទ្វារទឹកនៅ រសៀលថ្ងៃនេះ បើសិនភ្លៀងបន្តធ្លាក់  4. ហេតុការណ៍ផ្ទុះដ៏កក្រើកនៅជាប់តំបន់ឆ្នេរនៃរដ្ឋធានីរបស់ប្រទេសលីបង់ ផ្តាច់ជីវិតមនុស្ស៧៨នាក់ និងជិត៤ពាន់នាក់រងរបួស  5. កម្ពុជាបានប្រកាសតាមរយៈ ក្រសួងសុខាភិបាល នៅព្រឹកថ្ងៃទី០៥ ខែសីហា ឆ្នាំ២០២០នេះ បានប្រកាសថារកឃើញករណីវិជ្ជមានវីរុសកូវីដ-១៩ ថ្មី ០២នាក់ និងករណីជាសះស្បើយ០២នាក់

ប្រភេទកីឡាប្រពៃណី និងកីឡាទំនើប បានសម្តែងអបអរថ្ងៃឆ្លងឆ្នាំសកល ឆ្នាំ២០២០ នៅពហុកីឡដ្ឋានជាតិមរតកតេជោ ដើម្បីផ្សព្វផ្សាយ និងអនុវត្តន៍ផែនការមេ ដំណើរឆ្ពោះ ទៅព្រឹត្តការណ៍ ស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ
ថ្ងៃ ព្រហស្បតិ៍ ទី ០២ ខែ មករា ឆ្នាំ ២០២០

ឯកឧត្តម វ៉ាត់ ចំរើន រដ្ឋលេខាធិការ ក្រសួងទេសចរណ៍ និងជាអគ្គលេខាធិការ គណៈកម្មាធិការជាតិអូឡាំពិកកម្ពុជា បានបញ្ជាក់ថា ការរៀបចំឲ្យសម្តែងកីឡា ចំនូន៩ប្រភេទ ជូនសាធារណជនបានទស្សនា ដើម្បីអបអរថ្ងៃឆ្លងឆ្នាំសកល ឆ្នាំ២០១៩ចូល ឆ្នាំ២០២០ នៅពហុកីឡដ្ឋានជាតិមរតកតេជោ ជាឆ្នាំសម្រាប់កម្ពុជាត្រៀមលក្ខណៈក្នុងការអនុវត្តផែនការមេ ស៊ីហ្គេម ស៊ីហ្គេម លើកទី៣២ នាឆ្នាំ២០២៣ ។

ឯកឧត្តម វ៉ាត់ ចំរើន បានឲ្យដឹងថា ប្រភេទកីឡាដែលបានដាក់ឲ្យសម្តែងអបអរនេះ មានដូចជាកីឡារាំ គុនល្បុក្កតោ ដែលជាក្បាច់ គុនប្រលឹងវប្បធម៌ជាតិខ្មែរ វូស៊ូ តេក្វាន់ដូWT តេក្វាន់ដូ ITF វ៉ូវីណាម យូដូជាដើម និងការប្រគុំតន្ត្រីទេសចរណ៍។ ក្រៅពីការកម្សាន្តលើប្រភេទកីឡា ក៏មានការសម្តែងសិល្បៈចម្រុះ និងការបាញ់កាំជ្រួចអបអរ ផងដែរ។ ក៏ជាឆ្នាំ ដែលកម្ពុជាត្រៀមលក្ខណៈក្នុងការអនុវត្តផែនការមេ ស៊ីហ្គេម លើកទី៣២ ឆ្នាំ២០២៣។

ឯកឧត្តមបញ្ជាក់ថា នៅពេលនេះជាការបង្ហាញជូនមហាជនឲ្យបានជ្រួតជ្រាបអំពីការលេងកីឡា ការប្រគុំតន្រ្តីផ្សារភ្ជាប់នឹងការអបអរឆ្នាំទី២នៃវិមានឈ្នះឈ្នះផង ដែលទទួលបានការគាំទ្រយ៉ាង ពេញទំហឹងពីសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធាន CAMSOC ដើម្បីធ្វើឲ្យវិមានឈ្នះឈ្នះ និងពហុកីឡដ្ឋានជាតិមរតកតេជោ មានភាពអធិកអធមជាប្រចាំផង។

ក្រៅពីនេះយើងក៏មានកម្មវិធីបញ្ជៀបការយល់ដឹងជូនដល់ប្រជាពលរដ្ឋ ស្តីពីស៊ីហ្គេម ២០២៣ នៅកម្ពុជា ដោយជាកម្មវិធីសំនួរចម្លើយយករង្វាន់ ដើម្បីឲ្យប្រជាពលរដ្ឋបានយល់ដឹងពីស៊ីហ្គេម និងការចូលរួមរបស់ពួកគាត់។ ឆ្នាំ២០២០នេះ គឺជាឆ្នាំសាកល្បងនៃព្រឹត្តិការណ៍នេះ ហើយនៅឆ្នាំក្រោយយើងនឹងរិះរកវិធី ដើម្បីធ្វើឲ្យកម្មវិធីបែបនេះកាន់តែល្អប្រសើរបន្ថែមទៀត។

ឯកឧត្តម វ៉ាត់ ចំរើន បញ្ជាក់ទៀតថា យោងតាមអនុសាសន៍របស់ឯកឧត្តម ថោង ខុន គឺយើងធ្វើឲ្យកន្លែងនេះ ដែលមានវិមានឈ្នះឈ្នះ និងពហុកីឡដ្ឋានជាតិមរតកតេជោ ក្លាយជាតំបន់ទេសចរណ៍ ក្នុងស្រុកមួយដ៏ទាក់ទាញ ប៉ុន្តែយើងត្រូវតែរៀបចំព្រឹត្តិការណ៍កម្សាន្ត សិល្បៈ កីឡាចម្រុះ ដើម្បីទាក់ទាញប្រជាពលរដ្ឋឲ្យស្គាល់ពហុកីឡដ្ឋានជាតិមរតកតេជោ និងបញ្ជៀបការយល់ដឹងជូនប្រជាពលរដ្ឋ ក្នុងដំណើរឆ្ពោះទៅទទួលរៀបចំ ស៊ីហ្គេម លើកទី៣២ ឆ្នាំ២០២៣ ខាងមុខផងដែរ ។

សូមបញ្ជាក់ថា ប្រភេទកីឡាចំនូន៩ប្រភេទ ត្រូវបានរៀបចំឲ្យការសម្តែងបង្ហាញជូនសាធារណជន នៅពហុកីឡដ្ឋានជាតិមរតកតេជោ ដើម្បីចូលរួមអបអរសាទរបុណ្យឆ្លងឆ្នាំសកល ២០២០ យ៉ាងអធិកអម ក្រោមវត្តមានឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា រួមនឹងថ្នាក់ដឹងនាំកីឡា ប្រជាពលរដ្ឋយ៉ាងច្រើនកុះករ ៕ធ.ដ


អត្ថបទទាក់ទង