ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

កីឡាករចំណូលថ្មីទាំង៤រូបរបស់បឹងកេត សន្យាប្រឹងលេងឲ្យអស់ពីសមត្ថភាពដើម្បី យកលទ្ធផលល្អជូនក្លិបនារដូវកាលថ្មី
ថ្ងៃ ច័ន្ទ ទី ៣០ ខែ ធ្នូ ឆ្នាំ ២០១៩

កីឡាករចំណូលថ្មីទាំង៤រូបរបស់បឹងកេត រួមមានអ្នកចាំទី ថា ច័ន្ទឫទ្ធី ខ្សែការពារ សៅ វ៉ៃហ្វី ខ្សែការពារ ជុង មករា និងខ្សែប្រយុទ្ធ សៀង ចន្ធា បានសន្យានៅចំពោះមុខម្ចាស់ក្លឹប លោកស្រី ពុធ ធីតា ស្របពេលដែលក្លិបបានរៀបចំពិធីបង្ហាញសមាសភាពគ្រូបង្វឹក នឹងកីឡាករចំណូលថ្មីជាផ្លូវការ កាលពីចុងសប្តាហ៍ ថានឹងប្រឹងប្រែងលេងបញ្ចេញអោយអស់ពីសម្ថភាព ដើម្បីប្រជែងយកលទ្ធផលល្អមកជូនក្លិប ខណៈការប្រកួតនារដូវកាលថ្មី ។

ក្នុងឱកាសលោកស្រី ពុធ ធីតា ម្ចាស់ក្លិបបឹងកេតបានសម្តែងក្តីសោមនស្សរីករាយ យ៉ាងក្រៃលែងចំពោះវត្តមាន លោក Apisit Im Amphai រួមទាំងកីឡាករវ័យក្មេង ៤រូបទៀតមកពីសាលាបាល់ទាត់ជាតិបាទី។ អ្នកស្រី ពុធ ធីតា ឲ្យដឹងថា ការនាំចូលកីឡាករវ័យក្មេងៗនាដូវកាលថ្មីនេះ ព្រោះចង់អភិវឌ្ឍន៍ធនធានយុវជន ប្រសិនបើកូនក្រុមក្នុងស្រុកកើនសមត្ថភាពកាន់តែល្អនៅពេលអនាគត នោះក្លិបនឹងពិចារណាបន្ថយការយកកីឡាករបរទេស ដើម្បីផ្តល់ឱកាសឲ្យកីឡាករក្នុងស្រុកបញ្ចេញសមត្ថភាព ។

គួររំលឹកថា ក្លឹបបឹងកេតគឺជាម្ចាស់ជើងឯកនៃការប្រកួតពានរង្វាន់ សម្តេចតេជោ ហ៊ុន សែន ២០១៩ ដែលបានធ្វើឡើងនៅកីឡដ្ឋានខេមបូឌានអ៊ែរវ៉េ កាលពីពេលកន្លងទៅថ្មីៗនេះ ។ ហើយរដូវកាលថ្មីនេះ ក្លិបបាននាំយក កីឡាករថ្មី៤រូប មកចូលរួមជាមួយដែលសុទ្ធសឹងតែជាកីឡាករ មកពីសាលាបាល់ទាត់ជាតិបាទី ទាំងអស់ដើម្បីត្រៀមចូលរួមដណ្តើមពានរង្វាន់លីគកំពូលកម្ពុជា និងជាពានរង្វាន់សម្តេចតេជោ ហ៊ុន សែន រដូវកាល២០២០ ៕ធ.ដ


អត្ថបទទាក់ទង