ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ការប្រកួតកីឡាវាយសី មិត្តភាពខ្លាចាស់លើកទី១ ឆ្នាំ២០១៩ បញ្ចប់ដោយភាពជោគជ័យ
ថ្ងៃ សៅរ៏ ទី ២៨ ខែ ធ្នូ ឆ្នាំ ២០១៩

ការប្រកួតកីឡាវាយសី មិត្តភាពខ្លាចាស់ លើកទី១ ឆ្នាំ២០១៩ ដែលរៀបចំដោយសមាគមន៍កីឡាវាយសីពហុកីឡដ្ឋានជាតិ បានបញ្ចប់ដោយបរិយាកាសសប្បាយរីករាយ នាល្ងាចថ្ងៃសុក្រ ទី២៧ ខែធ្នូម្សិលមិញនេះ នៅលើទីលានវាយក្នុងពហុកីឡដ្ឋានជាតិអូឡាំពិក ដោយមានការចូលរួមចំនួន ២២ក្រុម ប្រកួតតាមរូបមន្តជម្រុះក្នុងពូល ។

ដែលពិធីបិទការប្រកួតមានការអញ្ជើញចូលរួមពី ឯកឧត្តម ជា ច័ន្ទបរិបូណ៍ រដ្ឋលេខាធិការក្រសួងព័ត៌មាន លោក ឧត្តមសេនីយ៍ទោ ជាម សុភា អគ្គលេខាធិការរងសហព័ន្ធកីឡាវាយសីកម្ពុជា រួមនឹងសមាជិកសមាជិការ កីឡាករ កីឡាការិនី របស់សមាគមវាយសីពហុកីឡដ្ឋានជាតិ ជាច្រើនរូបទៀតផងដែរ ។

លោក ឧត្តមសេនីយ៍ទោ ជាម សុភា បានបញ្ជាក់ឲ្យដឹងថា ការបង្កើតអោយមានការប្រកួតកីឡាវាយសី មិត្តភាពខ្លាចាស់លើកទី១ ឆ្នាំ២០១៩ នេះឡើងក្នុ្ងគោលបំណង ក្នុងការផ្សព្វផ្សាយគៀងគរកីឡាករវ័យចាស់ ដែលស្រឡាញ់វិស័យកីឡាវាយសី និងរិតចំណងមិត្តភាព សាមគ្គីភាព ជាពិសេសដើម្បីអបអរសាទរ ក្នុងឱកាសបុណ្យចូលឆ្នាំសកលឆ្លងឆ្នាំ២០១៩  ដែលឈានចូលឆ្នាំ២០២០ខាងមុខ ។

អគ្គលេខាធិការរង ក៏សង្ឃឹមជឿជាក់ថា តាមរយៈព្រឹត្តិការណ៍ប្រកួតនេះ នឹងអាចបំផុស ដល់យុវជន អោយងាកមកមើលចាស់ៗជាគំរូ ចូលរួមលេងកីឡាទាំងអស់គ្នាចៀសឆ្ងាយពីគ្រឿងញៀន ។ លោក អគ្គលេខាធិការរង រូបនេះបានឲ្យដឹងទៀតថា សមាគម មានគំរោង នឹងរៀបចំអោយមានការប្រកួតមិត្តភាពខ្លាចាស់ នេះក្នុង១ឆ្នាំ២ដង ប៉ុន្តែលោកមិនទាន់ហានអះអាង នោះទេដោយលោកសន្យាថា ទោះជាយ៉ាងណាលោក នឹងរួមសហការគ្នាបង្កើតព្រឹត្តិការណ៍បែប អោយធំជាងនេះ យ៉ាងហោចណាស់ក៏បានក្នុង១ឆ្នាំម្តងដែរ ។

លោក ឧត្តមសេនីយ៍ទោ ជាម សុភា លើកឡើងថា ការលេងកីឡាវាយសីនេះ មិនត្រឹមតែនាំមកនូវ សុខភាពប៉ុណ្ណោះទេ តែក៏ជាការប្រកួតប្រជែងដណ្តើមពានរង្វាន់ផងដែរ ។ សូមបញ្ជាក់ថា នេះជាលើកទី១ ហើយដែលសមាគមន៍កីឡាវាយសីពហុកីឡដ្ឋានជាតិ បានរៀបចំអោយមានព្រឹត្តិការណ៍ប្រកួតនេះឡើង ដែលមាន ២២ក្រុមចូលរួម ធ្វើការចាប់ឆ្នោះតតាមពូលប្រកួតតាមរូបមន្តជម្រុះ ដោយជើងឯកការប្រកួតលើកទី១នេះបានទៅលើក្រុមលេខ៣០ មានកីឡាករ ប៊ុន សារ៉ាឌី និងកីឡាករ ទេព មនិទ្ទ បានយកឈ្នះក្រុមលេខ៤ ជើងឯករងមាន កីឡាករ រស់ អ៊ិនសុផល និងកីឡាករ កែវ ស៊ុង  នៅវគ្គផ្តាច់ព្រ័ត្តក្នុងលទ្ធផល សិតទី១ ២១ទល់៨ សិតទី២ ២១ទល់១៣ ៕ធ.ដ