ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ក្រុមអត្តពលិកក្រសួងមហាផ្ទៃ ដណ្តើមបានមេដាយមាសច្រើនជាងគេពីការប្រកួត កីឡាសីដក់ និងឈិនឡូនកម្ពុជាជ្រើសរើសជើងឯកថ្នាក់ជាតិ ឆ្នាំ២០១៩
ថ្ងៃ ព្រហស្បតិ៍ ទី ២៦ ខែ ធ្នូ ឆ្នាំ ២០១៩

ក្រុមអត្តពលិកកីឡាក្រសួងមហាផ្ទៃ ដណ្តើមបានមេដាយមាសបានច្រើនជាងគេពីការប្រកួតកីឡាសីដក់ ជ្រើសរើសជើងឯកថ្នាក់ជាតិ ប្រចាំឆ្នាំ២០១៩ ដែលបានចាប់ផ្ដើមការប្រកួតតាំពីថ្ងៃទី២៣ ហើយបានបញ្ចប់ជាផ្លូវការនារសៀលថ្ងៃទី២៥ ខែធ្នូ ឆ្នាំ២០១៩ ។

ដែលពិធីបិទការប្រកួតមានការអញ្ជើញចូលរួមពីសំណាក់ឯកឧត្តម ប៊ូ ជុំសេរី អនុរដ្ឋលេខាធិការក្រសូងអប់រំ យុវជន និងកីឡា ឯកឧត្តម មាស សារិន ប្រធានសហព័ន្ធកីឡាសីដក់ និងឈិនឡូនកម្ពុជា រួមជាសមាជិកសមាជិការ សិស្សានុសិស្សយ៉ាងច្រើនកុះករ នៅក្នុងវិមានពហុកីឡដ្ឋានជាតិអូឡាំពិកកម្ពុជា។

ឯកឧត្តម មាស សារិន បានអោយដឹងថា ការប្រកួតកីឡាសីដក់ ជ្រើសរើសជើងឯកថ្នាក់ជាតិ ប្រចាំឆ្នាំ២០១៩ មាន១០ក្លិបមកពីបណ្តារាជធានី-ខេត្ត បានចូលរួមប្រកួតប្រជែង រួមមាន ក្លិបកីឡាសីដក់ក្រសួងមហាផ្ទៃ ក្លិបកីឡាសីដក់ក្រសួងការពារជាតិ ក្លិបកីឡាសីដក់មជ្ឈមណ្ឌលខ.ភ.ម ក្លិបកីឡាសីដក់វិទ្យាល័យព្រែកស្លែង ក្លិបកីឡាសីដក់មន្ទីរអប់រំខេត្តកណ្តាល ក្លិបកីឡាសីដក់យុវខេមរា ក្លិបកីឡាសីដក់អូឡាំពិក ក្លិបកីឡាសីដក់បាន លុង ក្លិបកីឡាសីដក់ដេអិន និងក្លិបកីឡាសីដក់អង្គការមិត្តសម្លាញ់ ដែលមានកីឡាករ-កីឡាការិនី ចំនួន១០៣នាក់ក្នុងនោះកីឡាការិនី២៩នាក់។

ដែលមាន ៣វិញ្ញាសា សម្រាប់ប្រកួត គឺ វិញ្ញាសាបុរស៣នាក់ ទល់៣នាក់ “កម្រិតក១” មានចំនួន៥ក្រុម វិញ្ញាសាបុរស៣នាក់ ទល់៣នាក់ “កម្រិតក២” មានចំនួន១០ក្រុម និង វិញ្ញាសានារី៣នាក់ ទល់៣នាក់ មានចំនួន៦ក្រុម។
សូមបញ្ជាក់ថា ការប្រកួតកីឡាសីដក់ ជ្រើសរើសជើងឯកថ្នាក់ជាតិ ប្រចាំឆ្នាំ២០១៩ វិញ្ញាសា៣នាក់ទល់៣នាក់ផ្នែកបុរស (ក១) លេខ១បានទៅក្រុមក្រសួងមហាផ្ទៃ លេខ២បានទៅក្រុម ក្រសួងការពារជាតិ និងលេង៣ បានទៅក្រុម មជ្ឃមណ្ឌល ខ.ភ.ម ។

វិញ្ញាសា៣នាក់ទល់៣នាក់ផ្នែកបុរស (ក២) ចំណាត់ថ្នាក់លេខ១បានទៅក្រុមក្រុសួងមហាផ្ទៃ លេខ២បានទៅក្រុមបានលុង និងលេង៣បានទៅក្រុម មជ្ឃមណ្ឌល ខ.ភ.ម។ វិញ្ញាសា៣នាក់ទល់៣នាក់ផ្នែកនារី ចំណាត់ថ្នាក់លេខ១បានទៅក្រុម មជ្ឃមណ្ឌល ខ.ភ.ម លេខ២បានទៅក្រុមក្រសួងការពារជាតិ និងលេង៣ បានទៅក្រុម ក្រសួងមហាផ្ទៃ ៕ធ.ដ


អត្ថបទទាក់ទង