លោកតាវ័យ៩០ឆ្នាំម្នាក់បណ្តេីរកង់ឆ្លងផ្លូវ៥០ម៉ែត្រ ត្រូវរថយន្តបុកបណ្តាលឱ្យស្លាប់ពេលបញ្ជូលដល់មន្ទីរពេទ្យ
ថ្ងៃ អង្គារ ទី ០៣ ខែ ធ្នូ ឆ្នាំ ២០១៩

  ភ្នំពេញ ៖  លោកតាវ័យចំណាស់ម្នាក់អាយុប្រហែល៩០ឆ្នាំខណ:ដែលកំពុងបណ្តេីរកង់ឆ្លងផ្លូវក៏ត្រូវរថយន្តដឹកទំនិញចាប់ហ្រ្វាំងមិនទាន់បុកកិនកង់ពីក្រោមរថយន្ត  ចំណែកលោកតាវ័យចំណាស់នោះដួលបោកក្បាល  បណ្តាលឱ្យរងរបួសធ្ងន់  ត្រូវបានរថយន្តសង្គ្រោះបន្ទាន់ដឹកទៅមន្ទីរពេទ្យ  តែជាអកុសល  ដោយសារតែរងរបួសធ្ងន់ធ្ងរពេកបណ្តាលឲ្យលោកតាដាច់ខ្យល់ស្លាប់តាមផ្លូវមុនពេលបញ្ជូលដល់មន្ទីរពទ្យ។  ហេតុការណ៍នេះបានកេីតឡេីងនៅវេលាម៉ោង១២ និង៣០នាទី ថ្ងៃទី៣ ខែធ្នូ ឆ្នាំ២០១៩  នៅតាមបណ្តោយផ្លូវអន្លងគោងថ្មី៥០ម៉ែត្រ  សង្កាត់ព្រៃស  ខណ្ឌដង្កោ ។

    តាមប្រភពព័ត៌មានពីសាច់ញាតិរបស់លោកតាដែលបានជួបគ្រោះថ្នាក់ចរាចរណ៍រហូតបណ្តាលឱ្យស្លាប់បាត់បង់ជីវិតនេះ  បានប្រាប់ឱ្យដឹងថា  លោកតាមានឈ្មោះ  ងិន  វិន  អាយុ៩០ឆ្នាំ  បច្ចុប្បន្នគាត់ស្នាក់នៅផ្ទះក្នុងភូមិគោរលំ  សង្កាត់សាក់សំពៅ  ខណ្ឌដង្កោ  ហេីយជានិច្ចកាលគាត់តែតែងជិះកង់ទៅហូបកាហ្វេ  ទៅនិងជិះកង់ទៅផ្ទះចៅៗដែលនៅក្បែរកន្លែងកេីតហេតុ  ស្រាប់តែថ្ងៃនេះបានជួបគ្រោះអកុសលបែបនេះតែម្តង។

     ប្រភពពីសមត្ថកិច្ចពីកន្លែងកេីតហេតុក៏បានឱ្យដឹងថា  មុនពេលកេីតហេតុ  លោកតាបានបណ្តេីរកង់ចេញពីភូមិគោរលំ  ក្នុងទិសដៅពីត្បូងទៅជេីង  ពេលឆ្លងផ្លូវបានពាក់កណ្តាលផ្លូវចំណុចកេីតហេតុខាងលេី  ស្រាប់តែមានរថយន្តដឹកទំនិញដែលមានស្លាកលេខភ្នំពេញ3C-7372  បេីកវ៉ាជែងរថយន្តមួយគ្រឿងផ្សេងទៀត ផុត  ក៏ស្រាប់តែវ៉ាក់អេីឃេីញលោកតាបណ្តេីរកង់ នៅចំទ្រូងផ្លូវ  ក៏ជាន់ហ្វ្រាំងមិនជាប់  បណ្តាលឱ្យបុកកង់ចូលក្រោមរថយន្ត  ចំណែកលោកតាបានដួលបោកក្បាលសន្លប់ស្តូកស្តឹងតែម្តង។  ប្រភពព័ត៌មានបានបន្ថែមទៀតថា  ក្រោយពេលមានរថយន្តសង្រ្គោះបន្ទាន់មន្ទីរពេទ្យសួគ៌ាដឹកបញ្ជូនទៅសង្គ្រោះនៅមន្ទីរពេទ្យ  ប៉ុន្តែជាអកុសលលោកតាបានស្លាប់  បាត់ទៅហេីយ  មុនពេលបញ្ជូនមន្ទីរពេទ្យ។

      ក្រោយពេលកេីតហេតុសមត្ថកិច្ចបានចុះទៅវាស់វែងនៅកន្លែងកេីតហេតុ  ដេីម្បីយកថយន្តនិងកង់ខាងលេីទៅរក្សាទុកបណ្តោះអសន្នរង់ចាំធ្វេីការដោះស្រាយនៅពេលក្រោយ  ចំណែកសពជនងគ្រោះ  សមត្ថកិច្ចបានធ្វេីកុះណត់ហេតុរួចប្រគល់ទៅឱ្យក្រុមគ្រួសារធ្វេីបុណ្យ ផ្ទះតាមប្រពៃណី៕

 

 

 


អត្ថបទទាក់ទង