ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ចាប់បញ្ជូនឈ្មួញឈើម្នាក់ទៅតុលាកា និងដកហូតឈើប្រណិតជិត ២០ម៉ែត្រត្រីគុណ ចំកណ្ដាលស្រុកភ្នំក្រវាញ
ថ្ងៃ អង្គារ ទី ០៣ ខែ ធ្នូ ឆ្នាំ ២០១៩

 ខេត្តពោធិ៍សាត់៖ ដោយមានការសម្របសម្រួលពីព្រះរាជអាជ្ញាអមសាលាដំបូងខេត្ត កម្លាំងចំរុះខេត្តពោធិ៍សាត់ និងអង្គការសម្ព័ន្ធមិត្តសត្វព្រៃ សហការធ្វើការបង្រ្កាប និងឆែកឆេលំនៅដ្ឋានមួយកន្លែង ចំកណ្ដាលស្រុកភ្នំក្រវាញ រកឃើញឈើប្រភេទប្រណិតច្រើនប្រភេទជិត ២០ម៉ែត្រត្រីគុណ និងឃាត់ខ្លួនអ្នកជំនួញឈើម្នាក់ផងដែរ ។

 ប្រតិបត្តិការខាងលើធ្វើឡើងនៅវេលាម៉ោង១០ និង៣០នាទី ព្រឹកថ្ងៃទី១ ខែធ្នូ ឆ្នាំ២០១៩ ត្រង់ចំណុចផ្ទះមួយកន្លែង ស្ថិតក្នុងភូមិ.ឃុំលាច ស្រុកភ្នំក្រវាញ ខេត្តពោធិ៍សាត់ ។

 ប្រតិបត្តិការពីកម្លាំងចុះប្រត្តិបត្តិការបង្ហើបថា ការឆែកឆេជាលទ្ធផល៖ កម្លាំងរកឃើញ និងធ្វើការដកហូតរួមមាន ឈើប្រភេទប្រណិត(ធ្នង់)ចំនួន ៦៧៤ដុំ ស្មើនឹងចំនួន ៩,០៤៤ម៉ែត្រត្រីគុណ(ប្រាំបួនម៉ែត្រត្រីគុណសូនម៉ែត្រសែសិបបួន) ឈើប្រភេទប្រណិត(បេង)ចំនួន ៤២ដុំ ស្មើនឹងចំនួន  ១,២៥៦ម៉ែត្រត្រីគុណ(មួយម៉ែត្រត្រីគុណពីរយហាសិបប្រាំមួយ) ឈើប្រភេទប្រណិត(នានួន)ចំនួន ២៦ដុំ ស្មើនឹង ០,៤៨១ម៉ែត្រត្រីគុណ(សូនម៉ែត្រត្រីគុណបួនរយប៉ែតសិបមួយ) ឈើប្រភេទប្រណិត(ក្រញូង)ចំនួន ៩៧ដុំ ស្មើនឹងចំនួន ០,០៧៧ម៉ែត្រត្រីគុណ(សូនម៉ែត្រត្រីគុណសូនចិត្តសិបប្រាំពី) ឈើប្រភេទលេខ១ត្រសេកចំនួន ៥ដុំ ស្មើនឹងចំនួន ០,៥០០(សូនម៉ែត្រត្រីគុណប្រាំរយ) និងឈើប្រភេទលេខ១សុក្រមចំនួន ១២ដុំ ស្មើនឹងចំនួន ០,៥៧០ម៉ែត្រត្រីគុណ(សូនម៉ែត្រត្រីគុណ) សរុបចំនួន ១៣,៧០៩ម៉ែត្រត្រីគុណ(ដប់បីម៉ែត្រត្រីគុណប្រាំពីរយប្រាំបួន)។  ប្រភពខាងលើបន្តថា ក្នុងនោះកម្លាំងឃាត់ចាប់ខ្លួនស្រ្តីជំនួញឈើជាម្ចាស់ផ្ទះម្នាក់ផងដែរ ឈ្មោះ ថេត ចន្ទី អាយុ ៣០ឆ្នាំ ជនជាតិខ្មែរ រស់នៅភូមិ.ឃុំកើតហេតុ ដែលគេស្គាល់ប្ដីរបស់គាត់ឈ្មោះ រ៉ា ហើយស្រ្តីជាប់ពាក់ព័ន្ធករណីខាងលើនេះ បានបំពេញនីតិវិធីបញ្ជូនទៅសាលាដំបូងខេត្តពោធិ៍សាត់ ចំណែកវត្ថុតាង(ឈើ)ទាំងអស់ដឹកជញ្ជូនយកទៅរក្សាទុកជាបណ្ដោះអាសន្ន នៅស្នាក់ការអង្កការមិត្តសម្ព័នសត្វព្រៃរវៀង ៕

 


អត្ថបទទាក់ទង