ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

គិតមកដល់ឆ្នាំសិក្សា២០១៨-២០១៩ សិស្សអាហាររូបករណ៍របស់ក្រុមហ៊ុន តូយ៉ូតា ខេមបូឌា មានចំនួនសរុប៧៩រូប
ថ្ងៃ ពុធ ទី ២៧ ខែ វិច្ឆិកា ឆ្នាំ ២០១៩

ភ្នំពេញ៖ ឆ្នំានេះគឺជាឆ្នំាទី៨ហើយ ដែលក្រុមហ៊ុនតូយ៉ូតា ខេមបូឌា ធ្វើការប្រគល់នូវអាហារូបករណ៍ ជូនដល់សិស្សក្រីក្រ ដែលពុំមានលទ្ធភាពក្នុងការបង់ថ្លៃសិក្សា ដើម្បីឱ្យពួកគាត់មានឱកាសទទួលបាននូវចំណេដឹង ចំណេះធ្វើ និងជំនាញមួយច្បាស់លាស់ ដែលពាក់ព័ន្ធនឹងបច្ចេកទេសជួសជុលរថយន្ត ក៏ដូចជាដើម្បីចូលរួមដល់ការបណ្តុះបណ្តាលធនធានមនុស្ស ក្នុងវិស័យយានយន្ត និងរួមចំណែកកាត់បន្ថយភាពក្រីក្រនៅកម្ពុជា ។

នេះជាប្រសាសន៍របស់លោកឧកញ៉ា គង់ នួន ប្រធានក្រុមហ៊ុន តូយ៉ូតា ខេមបូឌា បញ្ជាក់ក្នុងពិធីប្រគល់អាហារូបករណ៍បច្ចេកទេសជួសជុលរថយន្តជូនដល់សិស្សក្រីក្រជំនាន់ទី៨ និងពិធីអបអរសារទរការបញ្ចប់ថ្នាក់អាហារូបករណ៍ជំនាញបច្ចេកទេសជួសជុលរថយន្តរបស់សិស្សក្រីក្រជំនាន់ទី៦ ដែលពិធីនេះធ្វើឡើងនៅទីស្នាក់ការកណ្តាលក្រុមហ៊ុន តូយ៉ូតា ផ្លូវទឹកថ្លា រាជធានីភ្នំពេញ នាព្រឹកថ្ងៃទី ២៧ ខែវិច្ឆិកា ឆ្នាំ២០១៩នេះ ។

លោកឧកញ៉ាប្រធានក្រុមហ៊ុនបានបញ្ជាក់ថា ស្របពេលដែលកំណើននៃការលក់រថយន្ត និងតម្រូវការទីផ្សារការងារនៃជាងជួសជុលរថយន្តមានការកើនឡើងពីមួយឆ្នំាទៅមួយឆ្នាំគួរឱ្យកត់សម្គាល់ផងដែរនោះ កម្មវិធីអាហារូបករណ៍នេះ គឺជាការចូលរួមចំណែកមួយយ៉ាងសកម្ម ក្នុងការបង្កើតការបណ្តុះបណ្តាលធនធានមនុស្ស ក្នុងវិស័យយានយន្តនៅក្នុងសង្គម ។

លោកឧកញ៉ា គង់ នួន បន្ថែមថា គិតមកដល់ឆ្នំាសិក្សា២០១៨-២០១៩នេះ សិស្សអាហាររូបករណ៍របស់ក្រុមហ៊ុន តូយ៉ូតា ខេមបូឌាមានចំនួនសរុប ៧៩រូប ដែលក្នុងនោះ សិស្សអាហារូបករណ៍ជំនាន់ទី១មាន ១៦រូប  សិស្សជំនាន់ទី២មាន ១០រូប  សិស្សជំនាន់ទី៣មាន ១០រូប  សិស្សជំនាន់ទី៤មាន ១០រូប សិស្សជំនាន់ទី៥មាន ៩រូប សិស្សជំនាន់ទី៦មាន ១១រូប ដែលពួកគាត់ទើបតែប្រលងបញ្ចប់ការសិក្សា កាលពីខែសីហាកន្លងទៅនេះ និងសិស្សជំនាន់ទី៧មាន១៣រូប  ដែលពួកគាត់កំពុងបន្តការសិក្សានៅសាលា។

លើសពីនេះទៅទៀត ក្រុមហ៊ុនក៏បានប្រគល់អាហារូបករណ៍ (រួមមាន៖ ថ្លៃសិក្សា ការស្នាក់នៅ និងប្រាក់ឧបត្ថម្ភប្រចាំខែ) ជូនដល់សិស្សក្រីក្រជំនាន់ទី៨ ចំនួន ៩រូប ផ្សេងទៀត ដែលមកពីបណ្តាខេត្ត៧ផ្សេងៗគ្នា រួមមានៈ ខេត្តស្ទឹងត្រែង កំពត តាកែវ កណ្តាល ខេត្តកំពង់ឆ្នាំង រាជធានីភ្នំពេញ និងខេត្ដព្រះសីហនុ ឲ្យសិក្សានិងស្នាក់នៅ នៅសាលាមធ្យមសិក្សាបច្ចេកទេស ហ្ស៊ី វ៉េ សេ (JVC) ផងដែរ ។

ឆ្លៀតក្នុងឳកាសនេះ លោកឧកញ៉ាក៏បានសម្តែងនូវសេចក្តីត្រេកអរដល់សិស្សជំនាន់ទី៦ ទាំង ១១រូប ដែលពួកគាត់បានតស៊ូអស់ពីកម្លាំងកាយចិត្ត ដើម្បីប្រលងបញ្ចប់ការសិក្សា ជាមួយនឹងលទ្ធផលដ៏ល្អប្រសើរ ហើយពួកគាត់ទាំងអស់ ទទួលបានការងារធ្វើគ្រប់ៗគ្នា នៅតាមស្ថាប័នក្នុងប្រទេស ក្រៅប្រទេស និងយានដ្ឋានផ្សេងៗ ជាមួយនឹងជំនាញច្បាស់លាស់ ដែលអាចទទួលបាន ប្រាក់ចំណូលសមល្មម ក្នុងការផ្គត់ផ្គង់ខ្លួនឯង និងក្រុមគ្រួសារផងដែរ ៕ធ.ដ