ព័ត៌មានទាន់ហេតុការណ៍
 1. រដ្ឋបាលខេត្តត្បូងឃ្មុំច្រានចោល និងថ្កោលទោសការផ្សាររបស់វិទ្យុសម្លេងសហរដ្ឋអាមេរិក VOA  2. សម្តេចតេជោ ហ៊ុន សែន ណែនាំដល់ប្រជាជនកម្ពុជា បន្តចូលចូលរួមទប់ស្កាត់ការឆ្លងរីករាលដាលជំងឺកូវីដ-១៩ នាថ្ងៃកាន់បិណ្ឌទី៧នេះ  3. សម្តេចអគ្គមហាពញាចក្រី ហេង សំរិន ប្រធានរដ្ឋសភានឹងអញ្ជើញថ្លែងសុន្ទរកថាទៅកាន់មហាសន្និបាតអន្តរសភាអាស៊ានលើកទី៤១ តាមប្រព័ន្ធវីដេអូ នៅថ្ងៃទី៨ ខែកញ្ញា ឆ្នាំ២០២០  4. ស្ថានភាពជំងឺកួវីដ-១៩នៅថ្ងៃទី៦កញ្ញានេះ គឺមិនមានអ្នកឆ្លងថ្មី និងមិនមានអ្នកជាសះស្បើយថ្មីដែរ  5. សម្ដេចតេជោ ហ៊ុន សែន បន្តណែរនាំដល់អាជ្ញាធរគ្រប់លំដាប់ថ្នាក់ បង្កើនកិច្ចការពារសុវត្ថិភាព សន្តិសុខ សណ្តាប់ធ្នាប់ និងសម្រួលចរាចរណ៍ឱ្យបានល្អប្រសើរ នៅក្នុងថ្ងៃកាន់បិណ្ឌទី៣ នៃពិធីបុណ្យភ្ជំបិណ្ឌ

អង្គបុរេជំនុំជម្រះនៃអ.វ.ត.ក.បើកសវនាការស្តាប់ទឡ្ហីករណ៍ពីភាគីនៅក្នុងសំណុំរឿង ០០៣ ទាក់ទងនឹងលោក មាស មុត
ថ្ងៃ ពុធ ទី ២៧ ខែ វិច្ឆិកា ឆ្នាំ ២០១៩

អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា ចាប់ផ្តើមសវនាការដែលមានរយៈពេលបីថ្ងៃ នៅក្នុងសំណុំរឿង ០០៣ ប្រឆាំង មាស មុត នៅថ្ងៃទី២៧ ខែវិច្ឆិកា ឆ្នាំ ២០១៩ នេះ។ ជាសវនាការដែលលោក នេត្រ ភក្ត្រា ប្រធានផ្នែកកិច្ចការសាធារណៈនៃ អ.វ.ត.ក. ថ្លែងថា ធ្វើឡើងដើម្បីស្តាប់នូវ អំណះអំណាងដោយផ្ទាល់មាត់របស់ភាគីពាក់ព័ន្ធនានាក្នុងសំណុំរឿង ០០៣ ដែលមាន មាស មុត ជា ជនត្រូវចោទ។

លោក នេត្រ ភក្ត្រា បានថ្លែងថា សវនាការនៅពេលនេះ មិនមែនជាសវនាការលើអង្គ សេចក្តី ពិនិត្យលើភស្តុតាងឡើយ ប៉ុន្តែជាសវនាការលើបណ្តឹងឧទ្ធរណ៍ក្នុងសំណុំរឿង ០០៣ ដែលភាគីពាក់ព័ន្ធនានាបានប្តឹងជំទាស់នឹងដីកាដំណោះស្រាយរបស់សហចៅក្រមស៊ើបអង្កេត ដែលបានចេញនាពេលកន្លងទៅ។
ជាកិច្ចចាប់ផ្តើម ប្រធានអង្គជំនុំជម្រះប្រកាសបើកសវនាការជាសាធារណៈ បន្ទាប់មកមានការអានរបាយការណ៍នៃសំណុំរឿងនេះជាសាធារណៈ ដែលលើកឡើងនូវអង្គហេតុពាក់ព័ន្ធនានា និងប្រវត្តិនីតិវិធីនៃសំណុំរឿង ០០៣ ព្រមទាំងសេចក្តីលម្អិតនៃបណ្តឹងឧទ្ធរណ៍នានាដែលបានដាក់នៅចំពោះមុខអង្គជំនុំជម្រះ។ របាយការណ៍នេះត្រូវបានចេញក្នុងនាមអង្គបុរេជំនុំជម្រះទាំងមូល និងបានដាក់បញ្ចូលទៅក្នុងសំណុំរឿង។ សាធារណជនជាង៥០០ នាក់បានចូលរួមស្តាប់សវនាការដែលបើកជាសាធារណៈដោយផ្ទាល់។

សវនាការនេះបានធ្វើឡើងជាសាធារណៈនៅពេលដែលចាប់ផ្តើមឧទ្ទេសនាមភាគីនៅក្នុងសំណុំរឿងជូនអង្គជំនុំជម្រះ នៅពេលដែលអង្គជំនុំជម្រះអានសេចក្តីរាយការណ៍អំពីសំណុំរឿងនេះ និងនៅពេល ចៅក្រមសួរសំនួរផ្សេងៗទៅកាន់ភាគី។ ក្រៅពីនេះ អង្គបុរេជំនុំជម្រះនឹងស្តាប់ទឡ្ហីករណ៍ពីភាគីនៅក្នុងសំណុំរឿងនៅក្នុងសវនាការសម្ងាត់វិញ។ សវនាការនឹងបន្តដំណើរការនៅថ្ងៃទី ២៨ និងថ្ងៃទី២៩ ខែវិច្ឆិកា ឆ្នាំ២០១៩ តទៅទៀត អនុលោមទៅតាមដីកាកំណត់កាលវិភាគសម្រាប់សវនាការ ដែលបានចេញនៅថ្ងៃទី២៤ ខែតុលា ឆ្នាំ២០១៩។

ជាមួយគ្នានេះ លោក នេត្រ ភក្ត្រា ប្រធានផ្នែកកិច្ចការសាធារណៈបានលើកឡើងថា កាលដែលនាំឱ្យមានការបើកសវនាការស្តាប់ទឡ្ហីករណ៍ក្នុងសំណុំរឿង ០០៣ នេះគឺដោយសារតែ អង្គបុរេជំនុំជម្រះនៃ អ.វ.ត.ក បានទទួលបណ្តឹងឧទ្ធរណ៍ដាក់ដោយសហព្រះរាជអាជ្ញាជាតិនៅថ្ងៃទី៥ ខែមេសា ឆ្នាំ២០១៩ បណ្តឹងឧទ្ធរណ៍ដាក់ដោយសហមេធាវីការពារក្តីឱ្យ មាស មុត នៅថ្ងៃទី៨ ខែមេសា ឆ្នាំ២០១៩ ប្រឆាំងនឹងដីកាដំណោះស្រាយដែលចេញដោយសហចៅក្រមស៊ើបអង្កេតអន្តរជាតិ នៅថ្ងៃទី២៨ ខែវិច្ឆិកា ឆ្នាំ២០១៨ នៅក្នុងសំណុំរឿង ០០៣ ដែលបានចោទប្រកាន់ មាស មុត និងបណ្តឹងឧទ្ធរណ៍ដាក់ដោយសហព្រះរាជអាជ្ញាអន្តរជាតិ នៅថ្ងៃទី៨ ខែមេសា ឆ្នាំ២០១៩ ប្រឆាំងនឹងដីកាលើកលែងចោទប្រកាន់លើមាស មុត ដែលចេញដោយសហចៅក្រមស៊ើបអង្កេតជាតិ នៅថ្ងៃទី២៨ ខែវិច្ឆិកា ឆ្នាំ២០១៨ នៅក្នុងសំណុំរឿង ០០៣។

អង្គបុរេជំនុំជម្រះបានសម្រេចថា សវនាការនឹងត្រូវធ្វើឡើងនៅក្នុងសំណុំរឿង ០០៣ ដើម្បីស្តាប់ទឡ្ហីករណ៍ពីភាគីនៅក្នុងសំណុំរឿង មុនពេលដែលអង្គបុរេជំនុំជម្រះចេញសាលដីកា លើបណ្តឹងឧទ្ធរណ៍ទាំងនោះ។ លោក នេត្រ ភក្ត្រា បានថ្លែងថា អង្គបុរេជំនុំជម្រះបានព្យាករថានឹងអាចចេញសាលដីកា លើបណ្តឹងឧទ្ធរណ៍ប្រឆាំងនឹងដីកាដំណោះស្រាយក្នុងសំណុំរឿង ០០៣ នេះនៅត្រឹមត្រីមាសទី១ ឆ្នាំ ២០២០ ខាងមុខ ថាតើសំណុំរឿងនេះត្រូវបញ្ជូនទៅជំនុំជម្រះ ឬការទម្លាក់ចោល គឺអាស្រ័យលើការសម្រេចរបស់ចៅក្រុមនៃអង្គបុរេជំនុំជម្រះដែលមានចៅក្រមជាតិ ៣ រូប និងចៅក្រមអន្តរជាតិចំនួន ២ រូប៕ធ.ដ


អត្ថបទទាក់ទង