ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

អ្នកនាង អ៊ុច បុទុម អតីតជាអ្នកលក់គុយទាវនៅសួនកម្សាន្តទ្រីមលែន ទទួលបានងារជាឧកញ៉ា ពីព្រះមហាក្សត្រ ក្រោយពេលទទួលបានជោគជ័យនឹងមុខរបរថ្មីមួយទៀតដែលជាអ្នកលក់គ្រឿងសម្អាងដ៏ធំមួយនៅក្នុងក្រុងភ្នំពេញ
ថ្ងៃ ពុធ ទី ២៧ ខែ វិច្ឆិកា ឆ្នាំ ២០១៩

ភ្នំពេញ៖ នាពេលថ្មីៗនេះ គេសង្កេតឃើញថា អ្នកនាង អ៊ុច បុទុម អតីតជាអ្នកលក់គុយទាវនៅសួនកម្សាន្តទ្រីមលែន បានកែប្រែជោគវាសនារបស់ខ្លួនពីអ្នកលក់គុយទាវសាមញ្ញ ក្រោយមកបានចាប់យកមុខរបរថ្មីមួយទៀតក្លាយជាអ្នកលក់គ្រឿងសម្អាងដ៏ធំមួយនៅក្នុងក្រុងភ្នំពេញ រហូតទទួលបានងារជាឧកញ៉ា ពីព្រះមហាក្សត្រ។

អ្នកនាងបានលើកឡើងថា៖ យើងចាប់ផ្តើមរកស៊ីដំបូងនៅឆ្នាំ២០១១ ជាមួយនឹងមុខរបរជាអ្នកលក់គុយទាវនៅសួនកម្សាន្ត Dreamland អ្នកនាងចាំបានថា អាជីវកម្មដំបូងបំផុតរបស់អ្នកនាង គឺបានមកពីការជួយរបស់បងប្រុស និងបងស្រីរបស់អ្នកនាង នៅក្នុងឆ្នាំ២០១៣ ក៏បានចាប់ផ្តើមផ្លាស់ប្តូរមុខរបរចាស់មកលក់ទំនិញ ២៥០០៛ វិញ ដោយប្រើដើមទុនចុងក្រោយបង្អស់របស់អ្នកនាងដែលនៅសល់ គឺមានទឹកប្រាក់ចំនួន $២,០០០ តែប៉ុណ្ណោះកាលនោះ ដោយឡែកផ្ទះដែលជួលបើកលក់គ្រឿងដេគរ័ពីមុនបានប្តូរមកជាហាងទំនិញ ២៥០០៛ ដែលមានយីហោ៦០សេន នៅលើផ្លូវ ៣១០ ដែលពេលនោះមានលុយត្រឹមតែ$២០០០ អ្នកនាង ក៏ទិញទំនិញម្តងបន្តិចៗ ដើម្បីយកមកលក់ ពេលលក់បានលុយហើយក៏ទៅទិញទំនិញបន្ថែមទៀត អតិថិជនក៏មានការគាំទ្រខ្លាំងជាមួយទំនិញ២៥០០៛ផងដែរ។

អ្នកនាងបានបន្តទៀតថា៖ រហូតមកដល់ពាក់កណ្តាល ខែ១២ ចុងឆ្នាំ២០១៧ ហើយបានឃើញការប្រកាសជ្រើសរើសតំណាងចែកចាយរបស់ក្រុមហ៊ុនគ្រួសារកក់ក្តៅ ពេលនោះមានចំណាប់អារម្មណ៍ខ្លាំងណាស់ ក៏ចាប់ផ្តើមខលសាកសួរព័ត៌មានលំអិត ដោយបានដឹងថា សម្រាប់ការងារចង់ក្លាយជាតំណាងចែកចាយរបស់ក្រុមហ៊ុនត្រូវចំណាយដើមទុនដំបូងបង្អស់$២០០ឯណោះ។

អ្នកនាង បានថ្លៃងថាៈ កាលនោះ$២០០ ពិតជាច្រើនណាស់កំពុងតែមានសំពាយបំណុលយ៉ាងធ្ងន់ធ្ងរជាប់នឹងខ្លួនផង ប៉ុន្តែដោយសារ ការមើលឃើញឱកាសទីផ្សារ ការជឿជាក់ទៅលើក្រុមហ៊ុន និងជាពិសេសដោយសារតែសំពាយបំណុលដ៏ធំមួយនេះហើយ បានរុញច្រានចិត្តឲ្យសម្រេចចាប់ផ្តើមផ្លាស់ប្តូរមុខរបរពីម្ចាស់ហាងទំនិញ២៥០០៛ មកក្លាយជាអ្នកចែកចាយគ្រឿងសំអាងរបស់ក្រុមហ៊ុនគ្រួសារកក់ក្តៅវិញ ដើម្បីរកស៊ីដោះបំណុលគេ។

គួរំលឹកផងដែរថា៖ អ្នកនាង អ៊ុច បុទុម ទើបតែទទួលបានងារជាឧកញ៉ា ពីព្រះមហាក្សត្រ កាលពីពេលថ្មីៗនេះ ក្រោយពីបានជោគជ័យក្នុងអាជីពជាអ្នកលក់គ្រឿសម្អាង រកស៊ីជាមួយក្រុមហ៊ុនគ្រួសារកក់ក្តៅ ហើយនេះជាជោគជ័យដំបូងបំផុតរបស់សមាជិកគ្រួសារកក់ក្តៅ ដែលទទួលបានងារជាឧកញ៉ា ពីព្រះមហាក្សត្រកម្ពុជា ព្រះរាជក្រឹត្យ នស/រកត ១១១៩១៧22, យើងព្រះករុណាព្រះបាទសម្តេចព្រះបរមនាថ នរោត្តម សីហមុនី
សមានភូមិជាតិសាសនា រក្ខតខត្តិយា ខេមរារដ្ឋរាស្ត្រ ពុទ្ធិន្ទ្រាធរាមហាក្សត្រ
ខេមរាជនា សមូហោភាស កម្ពុជឯករាជរដ្ឋបូរណសន្តិ សុភមង្គលា សិរីវិបុលា
ខេមរាស្រីពិរាស្ត្រ ព្រះចៅក្រុងកម្ពុជាធិបតី ( យោងតាមសេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា) ត្រាស់បង្គាប់ផ្តល់គោរមងារ: អ្នកស្រី អ៊ុច បុទុម ឧកញ៉ា ន. ១៩១៦ នរោត្តម សីហមុនី ធ្វើនៅព្រះបរមរាជវាំង ថ្ងៃទី ២៣ ខែ វិច្ឆិកា ឆ្នាំ ២០១៩៕ធ.ដ

ដោយ៖ ឯ.ឧ. ម៉ូទូល័ស ទីប្រឹក្សាក្រសួងព័ត៌មាន


អត្ថបទទាក់ទង