ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

រថយន្តកុងតឺន័របើកបុករថយន្តស្ទួចធុនធំពីក្រោយ រងការខូចខាតយ៉ាងដំណំ
ថ្ងៃ ពុធ ទី ២៧ ខែ វិច្ឆិកា ឆ្នាំ ២០១៩

ភ្នំពេញ៖ មានករណីគ្រោះថ្នាក់ចរាចរណ៍មួយរវាងរថយន្តកុងតឺន័រ បានបុករថយន្តស្ទួចដែលចតអែមចញ្ចើមផ្លូវ បណ្ដាលឲ្យរងការខូចខាតយ៉ាងដំណំ តែមិនបណ្ដាលឲ្យអ្នកបើកបរ និងអ្នករួមដំណើររងរបួស។  ហេតុការណ៍ខាងលើនេះបានកើតឡើងកាលពីវេលាម៉ោង១២ និង១០នាទីរំលងអាធ្រាត្រ ឈានចូលថ្ងៃទី២៧ ខែវិច្ឆិកា ឆ្នាំ២០១៩ ក្បែរអតីតលូប្រាំ តាមបណ្ដោយផ្លូវវេងស្រេង ក្នុងសង្កាត់ស្ទឹងមានជ័យទី៣ ខណ្ឌមានជ័យ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា ដំបូងគេឃើញរថយន្តស្ទួចធុនធំ ពណ៌ក្រហម ពាក់ស្លាកលេខភ្នំពេញ 5A-1459 ធ្វើដំណើរតាមបណ្ដោយផ្លូវវេងស្រេង ទិសដៅពីកើតមកលិច ខណៈមកដល់ចំណុចកើតហេតុក៏បានអែមរថយន្តមកចញ្ចើមផ្លូវ រួចដើរទៅហូបបាយដោយមិនបានដាក់ផ្លាកសញ្ញា ។

បន្ទាប់ក្រោយមកក៏មានរថយន្តកុងតឺន័រ ពណ៌ខៀវ ពាក់ស្លាកលេខភ្នំពេញ 3E-7970 បានបើកបរមកពីក្រោយដោយសង្ស័យតែអ្នកបើកបរងងុយដេក ក៏ជ្រុលចង្កូតមកបុករថយន្តស្ទួចពីក្រោយពេញទំហឹង បណ្ដាលឲ្យក្បាលរថយន្តកុងតឺន័រផ្នែកខាងស្ដាំ រងការខូចខាតយ៉ាងដំណំ ។ចំណែករថយន្តស្ទួចខូចខាតតិចតួចដោយសារកាងរថយន្តដែកក្រាស់ ។

ក្នុងហេតុគ្រោះថ្នាក់ចរាចរណ៍ខាងលើនេះ មិនមានអ្នកណាម្នាក់រងរបួសនោះទេ ហើយភ្លាមៗភាគីទាំងសងខាងក៏បានសម្របសម្រួលគ្នាដែរ តែដោយសារភាគីទាំង២ជជែករកតែត្រូវរៀងៗខ្លួនទើបដោះស្រាយមិនចេញ។ ក្រោយមកសមត្ថកិច្ចមូលដ្ឋានបានចុះទៅដល់ រួចទាក់ទងទៅជំនាញចរាចរណ៍ឲ្យមកធ្វើការវាស់វែងយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមក្រោយ៕ធ.ដ


អត្ថបទទាក់ទង