ឥណ្ឌាអះអាងពីជោគជ័យ ក្នុងការធ្វើតេស្តមីស៊ីលដែលអាចបំពាក់ក្បាលគ្រាប់នុយក្លេអ៊ែរ
ថ្ងៃ ច័ន្ទ ទី ១៨ ខែ វិច្ឆិកា ឆ្នាំ ២០១៩

ឥណ្ឌា៖ យោធាឥណ្ឌាបានធ្វើការប្រកាសពីភាពទទួលជោគជ័យរបស់ខ្លួន ក្នុងការបាញ់សាកល្បងមីស៊ីល សម្រាប់វាយប្រហារក្នុងលក្ខណៈយុទ្ធសាស្រ្តមានឈ្មោះថា Agni-II ដែលការធ្វើតេស្តនេះ ធ្វើឡើងកាលពីយប់ថ្ងៃសៅរ៍សប្តាហ៍មុននេះ នៅរដ្ឋ Odisha ភាគខាងកើតប្រទេស ។

បើតាមប្រព័ន្ធផ្សព្វផ្សាយក្នុងតំបន់ គ្រាប់មីស៊ីល Agni-II ស្ថិតក្នុងចំណោមស៊េរីទាំង៦នៃត្រកូលមីស៊ីល Agni ដែលសម្រាប់ប្រើប្រាស់ក្នុងលក្ខណៈយុទ្ធសាស្រ្តរបស់ប្រទេសឥណ្ឌា ។ ប្រភពបន្តថា គ្រាប់មីស៊ីលនេះ អាចបំពាក់ក្បាលគ្រាប់បានច្រើនប្រភេទ រួមទាំងក្បាលគ្រាប់នុយក្លេអ៊ែរ និងហោះបានចម្ងាយចន្លោះ២,០០០គីឡូម៉ែត្រទៅ៣,៥០០គីឡូម៉ែត្រ ៕ធ.ដ


អត្ថបទទាក់ទង