ព័ត៌មានទាន់ហេតុការណ៍
 1. ទំនប់វារីអគ្គិសនីកំចាយនឹងត្រូវបើកទ្វារទឹកនៅ រសៀលថ្ងៃនេះ បើសិនភ្លៀងបន្តធ្លាក់  2. ហេតុការណ៍ផ្ទុះដ៏កក្រើកនៅជាប់តំបន់ឆ្នេរនៃរដ្ឋធានីរបស់ប្រទេសលីបង់ ផ្តាច់ជីវិតមនុស្ស៧៨នាក់ និងជិត៤ពាន់នាក់រងរបួស  3. កម្ពុជាបានប្រកាសតាមរយៈ ក្រសួងសុខាភិបាល នៅព្រឹកថ្ងៃទី០៥ ខែសីហា ឆ្នាំ២០២០នេះ បានប្រកាសថារកឃើញករណីវិជ្ជមានវីរុសកូវីដ-១៩ ថ្មី ០២នាក់ និងករណីជាសះស្បើយ០២នាក់  4. រាជរដ្ឋាភិបាលកម្ពុជា បានចេញសេចក្តីសម្រេចកែសម្រួលនូវលក្ខខណ្ឌធ្វើដំណើររបស់ជនបរទេស មកកាន់ប្រទេសកម្ពុជា  5. ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច៖ សារលិខិតគោរពជូនពរ សម្តេចតេជោ ក្នុងឱកាសនៃថ្ងៃខួបកំណើតគម្រប់៦៩ឆ្នាំ

កិត្តិសព្ទកម្ពុជាក្នុងការងារអេដស៍កំពុងត្រូវបានលើកកម្ពស់លើឆាកអន្តរជាតិ
ថ្ងៃ សុក្រ ទី ១៥ ខែ វិច្ឆិកា ឆ្នាំ ២០១៩

ហ្សឺណែវ៖ នៅថ្ងៃសុក្រ ៤រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៩ នៅទីស្នាក់ការកណ្តាលមូលនិធិសកល (Global Fund HQ at Global Health Campus) ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ សមាជិកក្រុមប្រឹក្សាភិបាលមូលនិធិសកលនៃមណ្ឌលតំណាងតំបន់ប៉ាស៊ីហ្វិកខាងលិច បន្តធ្វើបទអន្តរាគមន៍លើចំណុចគន្លឹះៗតំណាងតំបន់ប៉ាស៊ីហ្វិកខាងលិច នៅក្នុងកិច្ចប្រជុំក្រុមប្រឹក្សាមូលនិធិសកល លើកទី៤២ ដែលប្រព្រឹត្តទៅនៅទីក្រុងហ្សឺណែវ ប្រទេសស្វ៊ីសពីថ្ងៃទី១២ដល់១៥ ខែវិច្ឆិកា ដោយមានការចូលរួមពីតំណាងមកពីតំបន់នានានៅជុំវិញសកលលោក។

ក្នុងរយៈពេលពីរថ្ងៃនៃកិច្ចប្រជុំក្រុមប្រឹក្សាភិបាលនេះ អង្គប្រជុំបានកោតសរសើរកម្ពុជាអំពីសមិទ្ធផលដែលយើងបានធ្វើឱ្យសម្រេចក្នុងការងារប្រយុទ្ធនឹងមេរោគអេដស៍ និងជំងឺអេដស៍។ ជាមួយគ្នានេះ លោកបណ្ឌិត ដូណាល់ កាបេរូកា (Dr Donald Kaberuka)ប្រធានក្រុមប្រឹក្សាភិបាលបានចាប់ផ្តើមពិធីបើកកិច្ចប្រជុំ ដោយសរសើរកម្ពុជា។

លោកបណ្ឌិតប្រធានបានទៅធ្វើ ទស្សនកិច្ចនៅប្រទេសកម្ពុជា កាលពីថ្ងៃទី២៩ និង៣០ ខែតុលា កន្លងទៅថ្មីៗនេះ។ ចំណែកឯប្រទេសមួយចំនួន រួមទាំងតំណាងអង្គការ សុខភាពពិភពលោកប្រចាំអាហ្រ្វិកផងដែរ បានសុំរៀនសូត្រពីកម្ពុជាយើងអំពីការងារឆ្លើយតបនឹងមេរោគអេដស៍ និងជំងឺអេដស៍ជាពហុវិស័យ។ តាមរយៈការកោតសរសើរ និងវាយតម្លៃខ្ពស់ពីតំណាងនានា និងអង្គប្រជុំទាំងមូល កិត្តិសព្ទកម្ពុជាយើងកំពុងត្រូវបានលើកកម្ពស់នៅលើឆាកអន្តរជាតិ៕ធ.ដ


អត្ថបទទាក់ទង