សហរដ្ឋអាមេ៉រិកចល័តនាវាចម្បាំងមួយគ្រឿងទៀតឆ្លងកាត់ច្រកសមុទ្រតៃវ៉ាន់ បើទោះជាមានការរិះគន់ពីប្រទេសចិន
ថ្ងៃ ពុធ ទី ១៣ ខែ វិច្ឆិកា ឆ្នាំ ២០១៩

សហរដ្ឋអាមេ៉រិក៖ អ្នកនាំពាក្យអង្គភាពយោធាទី៧ របស់យោធាជើងទឹកអាមេ៉រិកបានប្រាប់ថា ថ្មីៗនេះនាវាចម្បាំង USS ឆេនស្លឺវីល បានធ្វើដំណើរឆ្លងកាត់ច្រកសមុទ្រតៃវ៉ាន់ ក្នុងការបំពេញប្រតិបត្តិការជាប្រចាំមួយ ដោយស្របទៅតាមច្បាប់អន្តរជាតិ ។

បើតាមអ្នកនាំពាក្យរូបនេះ ការចល័តនាវាចម្បាំងឆ្លងកាត់ច្រកសមុទ្រ បានបន្តស្តែងឲ្យឃើញនូវការប្តេជ្ញាចិត្តរបស់សហរដ្ឋអាមេ៉រិក ដើម្បីតំបន់ឥណ្ឌូ-ប៉ាស៊ីហ្វិក ដែលពោរពេញដោយសិទ្ធិសេរីភាព និងបើកចំហ ហើយយោធាជើងទឹកអាមេ៉រិក នឹងនៅតែចល័តយន្តហោះ និងនាវានៅតាមតំបន់នានាៗឲ្យតែច្បាប់អន្តរជាតិអនុញ្ញាត ។

គិតក្នុងឆ្នាំ២០១៩នេះ យោធាជើងទឹកអាមេ៉រិកបានធ្វើការចល័តបែបនេះ ចំនួន៩ដងហើយ ដែលឆ្លងកាត់ច្រកសមុទ្រតៃវ៉ាន់ ខណៈកាលពីលើកទី៨ ត្រូវបានធ្វើឡើងកាលពីចុងខែកញ្ញា នៅពេលនាវាចម្បាំងអាមេ៉រិក USS អ៊ែធីថាំ បានធ្វើដំណើរកាត់តំបន់នេះ ៕ធ.ដ


អត្ថបទទាក់ទង