អ៊ីរ៉ង់បាញ់ទម្លាក់យន្តហោះដ្រូនបរទេសមួយគ្រឿង ស្របពេលស្ថានការណ៍នៅតំបន់មជ្ឈឹមបូព៌ាកំពុងកើនឡើងកម្តៅ
ថ្ងៃ សៅរ៏ ទី ០៩ ខែ វិច្ឆិកា ឆ្នាំ ២០១៩

អ៊ីរ៉ង់៖ កងទ័ពការពារដែនអាកាសអ៊ីរ៉ង់ នៅថ្ងៃសុក្រនេះ បានបាញ់ទម្លាក់យន្តហោះគ្មានមនុស្សបើករបស់បរទេសមួយគ្រឿង ដែលហោះហើរនៅលើដែនអាកាសរបស់ទីក្រុង ម៉ាហាហ្សាហ៍ នេះបើតាមការសេចក្តីរាយការណ៍ពីទីភ្នាក់ងារសារព័ត៌មាន តាស្នីម ។

អភិបាលខេត្ត ឃូហ្សេស្ថាន នៅភាគនិរតីប្រទេសអ៊ីរ៉ង់ គឺលោក ហ្គោឡាមរ៉េហ្សា ហ្សារីយ៉ាទី បាននិយាយថា យន្តហោះដ្រូនដែលត្រូវបានបាញ់ទម្លាក់នោះ គឺច្បាស់ជារបស់ប្រទេសដទៃណាមួយ លោកថា បច្ចុប្បន្នអាជ្ញាធរអ៊ីរ៉ង់កំពុងធ្វើការប្រមែប្រមូលបំណែកយន្តហោះនោះ ដើម្បីយកទៅធ្វើការអង្កេត ។

ស្របពេលជាមួយគ្នានេះដែរ យោធាអាមេ៉រិកបានច្រានចោលនូវលទ្ធភាពដែលថា យន្តហោះដ្រូននោះគឺជារបស់កងទ័ពអាមេ៉រិក ព្រោះមិនមានយន្តហោះដ្រូនរបស់ខ្លួនណាមួយត្រូវបានគេបាញ់ធ្លាក់ឡើយ ខណៈដែលអ៊ីស្រាអែលក៏បានចេញមុខបដិសេធក្នុងការបញ្ចេញមតិជុំវិញបញ្ហានេះផងដែរ ៕ធ.ដដ


អត្ថបទទាក់ទង