ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ប្រណាំងទូកថ្ងៃដំបូង ខេត្តពោធិ៍មានប្រជាពលរដ្ឋចូលរួមទស្សនាច្រើនកុះករ
ថ្ងៃ សុក្រ ទី ០៨ ខែ វិច្ឆិកា ឆ្នាំ ២០១៩

ឯកឧត្តម ម៉ៅ ធរនិន្ទ បញ្ជាក់ថា គ្រប់យ៉ាងដែលយើងមានដូចបច្ចុប្បន្ននេះគឺដោយសាតែតម្លៃសន្តិភាព ហើយ តម្លៃសន្តិភាពប្រជាពលរដ្ឋយើងអាចរស់ជួបជុំគ្រួសារសប្បាយរីករាយ។ ឯកឧត្តម ម៉ៅ ធនិន្ទ អភិបាលគណៈអភិបាលខេត្ត ពោធីសាត់ បានអះអាងថា តម្លៃសុខសន្តិភាពដែលកើនចេញពីការខិតខំប្រឹងប្រជែងរបស់ប្រមុខរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា គឺបានផ្តល់នៅម្លាប់សន្តិភាព និងភាពសប្បូសប្បាយជូនប្រជាពលរដ្ឋគ្រប់ស្រទាប់វណ្ណៈ។

ជាក់ស្តែងដូចជាពិធីប្រណាំងទូកដែលខេត្តពោធិ៍សាត់រៀបចំនេះ គឺប្រជាពលរដ្ឋមានឱកាសនាំគ្រួសារមកជួបជុំសប្បាយរីករាយ ដោយមិនមានការព្រួយបារម្មណ៍ ចំពោះសុខសុវត្ថិភាព ឬ ភាពអសន្តិសុខណាមួយឡើយ ពោល គឺប្រជាពលរដ្ឋបាននាំគ្នាមូលមីមកលេងកម្សាន្តយ៉ាងសប្បាយរីករាយអំឡុងពេលដែលខេត្តរៀបចំ។

ឯកឧត្តម បញ្ជាក់ទៀតថា តម្លៃសន្តិភាពដែលមានដូចបច្ចប្បន្ននេះ គឺបានកើតចេញពីការខិតខំប្រឹងប្រែងរបស់សម្តេចតេជោ ហ៊ុន សែន យកអាយុជីវិតទៅប្តូរទើបមានសន្តិភាព និងភាពរ៉ុងរឿងបែបនេះ។ ឯកឧត្តម អះអាងទៀតថា បន្ទាប់ពីបញ្ចប់ការប្រណាំងទូករយៈពេល២ថ្ងៃនេះ ខេត្តក៏បន្តរៀបចំពិធីអកអំបុក និងសំពះព្រះខែដែលជាការជួបជុំជារៀងរាល់ឆ្នាំនៅលើកោះសំពៅមាស ដើម្បីចូលរួមអបអរសាទរពិធីបុណ្យអុំទូក អកអំបុក បណ្តែតប្រទីប និងសំពះព្រះខែ ដែលជាពិធីបុណ្យប្រពៃណីជាតិរបស់យើង ពិសេស ក៏មនការប្រគុំតន្រ្តីបុរាណ និងសម័យដើម្បីបង្កភាពសប្បាយរីករាយជូនប្រជាពលរដ្ឋផងដែរ។

បងប្អូនប្រជាពលរដ្ឋដែលចូលមកទស្សនាការប្រណាំងទូកបានលើកឡើងថា ការរៀបចំពិធីប្រណាំងទូកនៅក្នុងខេត្តនេះ ពិតជាបានបង្កភាពសប្បាយរីករាយជូនប្រជាពលរដ្ឋខ្លាំងណាស់ ហើយពួកគាត់ចង់ឲ្យខេត្តបង្កើតកម្មវិធីប្រកួតនេះជារៀងរាល់ឆ្នាំ ព្រោះវាបានបង្កើតឱកាសជួបជុំសប្បាយរីករាយជាមួយសមាជិកគ្រួសារ។

សូមបញ្ជាក់ថា ពិធីប្រណាំងទូកដែលរៀបចំដោយខេត្ត ពោធិ៍សាត់លើកទី២នេះ មានរយៈពេលប្រកួតចំនួន២ថ្ងៃ ដោយមានទូកចូលរួមប្រកួតសរុបចំនួន៣១ស្មើនឹង១៥គូ និងទូក ថ្ងៃទី១ប្រកួត៣ជើង ដើម្បីជ្រើសរើសទូកខ្លាំងឡើងទៅប្រកួតថ្ងៃទី២ ចំពោះថ្ងៃទី២ដែលថ្ងៃប្រកួតផ្តាច់ព្រ័ត្រទូកនីមួយប្រកួតចំនួន៣ដង ទូកឈ្នះឡើងជួបទូកឈ្នះប្រកួតដណ្តើមផែនល្អដាច់គេមានចំនួន៤ទូក ទូកដែលធ្លាក់ពីការប្រកួតជាមួយផែនចំណាត់ល្អជួបអ្នកធ្លាក់ដូចគ្នា ដណ្តើមផែនលេខ២ចំនួន១២ទូក ទូកធ្លាក់ពីការប្រកួតក្នុងផែនលេខ២ និងជាប់ផែនលេខ៣ចំនួន១២ទូក និងទូកដែលធ្លាន់ពីផែនលេខ៣មកជាប់នៅផែនលេខ៤គឺមានចំនួន៣ទូក គឺទូកដែលខ្សោយជាងគេ៕ធ.ដ