ព័ត៌មានទាន់ហេតុការណ៍
 1. ខណៈលោកអធិការខណ្ឌដង្កោ ប្រទះឃើញអាវុធម៉ាក AK មួយដើមដែលមានបង់ ៤បង់ និងគ្រាប់ ១២០គ្រាប់ ច្រកក្នុងការ៉ុង ក្នុងស្រះទឹកក្បែរមណ្ឌលអប់រំកែប្រែព្រៃស  2. តំបន់មួយចំនួននៃប្រទេសកម្ពុជានឹងរងអាកាសធាតុចុះត្រជាក់ចាប់ពីថ្ងៃ២១ដល់២៧វិច្ឆិកា  3. "ក្រុមហ៊ុនដែលទទួលបានសិទ្ធជួសជុល ស្ថាបនាផ្លូវទាំង ៣៤ខ្សែ ក្នុងខេត្តព្រះសីហនុ កំពុងសស្រាក់សស្រាំអនុវត្តន៍ការងារនៅតាមការដ្ឋានរបស់ខ្លួន និងបានស្នើអាជ្ញាធរមានសមត្ថកិច្ចក៏ដូចជាប្រតិបត្តិករជាប់ពាក់ព័ន្ធជួយសម្របសម្រួលសហការ"  4. រោងចក្រផលិតកាបូប កាតាប និងអាវពោងសុវត្ថិភាព ដែលឆាបឆេះនៅខណ្ឌដង្កោកាលពីថ្ងៃមុន ឥឡូវបានឆាបឆេះជាថ្មីម្តងទៀតហើយ  5. ធ្លាក់ដែកពីលើសំណង់អគារ៤២ជាន់ ចុះក្រោម ត្រូវរថយន្តមួយគ្រឿង រងការខូចខាតយ៉ាងដំណំ

សហរដ្ឋអាមេ៉រិកស្នើឲ្យបង់ប្រាក់ប្រមាណ៤.៧ពាន់លានដុល្លារ សម្រាប់ការថែទំាអាវុធ និងកងទ័ពរបស់ខ្លួននៅលើឧបទ្វីបកូរ៉េ
ថ្ងៃ សុក្រ ទី ០៨ ខែ វិច្ឆិកា ឆ្នាំ ២០១៩

កូរ៉េខាងត្បូង៖ ប្រព័ន្ធផ្សព្វផ្សាយកូរ៉េខាងត្បូង Chosun Ilbo បានចុះផ្សាយនៅថ្ងៃព្រហស្បតិ៍នេះថា សហរដ្ឋអាមេ៉រិកបានស្នើឱ្យទីក្រុងសេអ៊ូលចំណាយថវិការ៤.៧ពាន់លានដុល្លារ សម្រាប់ការថែទាំអាវុធ និងកងទ័ពរបស់ខ្លួន ដែលកំពុងឈរជើងនៅលើឧបទ្វីបកូរ៉េ ។

បើតាមប្រភពដដែលនេះ ទីប្រឹក្សាជាន់ខ្ពស់ នៃក្រសួងការបរទេសអាមេ៉រិកទទួលបន្ទុកកិច្ចចរចាផ្នែកសនិ្តសុខ លោក James DeHart បានបញ្ជាក់ថា ប្រទេសរបស់លោកបានស្នើឱ្យកូរ៉េខាងត្បូងបង់ប្រាក់៤.៧ពាន់លានដុល្លារ ដោយគ្របដណ្ដប់តែទៅលើការការពារជាតិប៉ុណ្ណោះ ហើយលោក ដូណាល់ ត្រាំ ក៏ចង់ឱ្យទីក្រុងសេអ៊ូលចេញថ្លៃចំណាយឱ្យកាន់តែច្រើនផងដែរ លើកិច្ចការពារជាតិដែលផ្ដល់ដោយយោធាអាមេ៉រិក ។

សូមបញ្ជាក់ផងដែរថា កងទ័ពអាមេ៉រិកជាង២ម៉ឺន៥ពាន់នាក់បច្ចុប្បន្ននេះ កំពុងឈរជើងនៅលើទឹកដីកូរ៉េខាងត្បូង រួមជាមួយប្រព័ន្ធមីស៊ីលការពារដែនអាកាស និងបរិក្ខាយោធាជាច្រើនទៀត ។ ប៉ុន្តែបើតាមសារព័ត៌មានកូរ៉េខាងត្បូងខាងលើ បច្ចុប្បន្នមានការព្រួយបារម្ភមួយចំនួនថា សហរដ្ឋអាមេ៉រិកអាចនឹងដកកងទ័ពចេញពីកូរ៉េខាងត្បូង បើសិនជាទីក្រុងសេអ៊ូលមិនព្រមបង់ថ្លៃការពារតាមការចង់បានរបស់ប្រធានាធិបតីអាមេ៉រិក ៕ធ.ដ


អត្ថបទទាក់ទង