ព័ត៌មានទាន់ហេតុការណ៍
 1. ខណៈលោកអធិការខណ្ឌដង្កោ ប្រទះឃើញអាវុធម៉ាក AK មួយដើមដែលមានបង់ ៤បង់ និងគ្រាប់ ១២០គ្រាប់ ច្រកក្នុងការ៉ុង ក្នុងស្រះទឹកក្បែរមណ្ឌលអប់រំកែប្រែព្រៃស  2. តំបន់មួយចំនួននៃប្រទេសកម្ពុជានឹងរងអាកាសធាតុចុះត្រជាក់ចាប់ពីថ្ងៃ២១ដល់២៧វិច្ឆិកា  3. "ក្រុមហ៊ុនដែលទទួលបានសិទ្ធជួសជុល ស្ថាបនាផ្លូវទាំង ៣៤ខ្សែ ក្នុងខេត្តព្រះសីហនុ កំពុងសស្រាក់សស្រាំអនុវត្តន៍ការងារនៅតាមការដ្ឋានរបស់ខ្លួន និងបានស្នើអាជ្ញាធរមានសមត្ថកិច្ចក៏ដូចជាប្រតិបត្តិករជាប់ពាក់ព័ន្ធជួយសម្របសម្រួលសហការ"  4. រោងចក្រផលិតកាបូប កាតាប និងអាវពោងសុវត្ថិភាព ដែលឆាបឆេះនៅខណ្ឌដង្កោកាលពីថ្ងៃមុន ឥឡូវបានឆាបឆេះជាថ្មីម្តងទៀតហើយ  5. ធ្លាក់ដែកពីលើសំណង់អគារ៤២ជាន់ ចុះក្រោម ត្រូវរថយន្តមួយគ្រឿង រងការខូចខាតយ៉ាងដំណំ

ជប៉ុនសន្យាបង្កើនកិច្ចខិតខំប្រឹងប្រែងជួយបន្ធូរបន្ថយភាពតានតឹងរវាងសហរដ្ឋអាមេ៉រិក និងអ៊ីរ៉ង់
ថ្ងៃ ព្រហស្បតិ៍ ទី ០៧ ខែ វិច្ឆិកា ឆ្នាំ ២០១៩

ជប៉ុន៖ រដ្ឋាភិបាលក្រុងតូក្យូនៅថ្ងៃពុធនេះបានបញ្ជាក់ថា ខ្លួននឹងខិតខំប្រឹងប្រែងប្រើប្រាស់ផ្លូវការទូតឲ្យអស់លទ្ធភាព ដើម្បីព្យាយាមជួយជ្រោមជ្រែងបន្ធូរបន្ថយភាពតានតឹងរវាងសហរដ្ឋអាមេ៉រិក និងអ៊ីរ៉ង់ ស្របពេលដែលទីក្រុងតេហេរ៉ង់បានប្រកាសពីជំហានទី៤ ក្នុងការកាត់បន្ថយការគោរពតាមកិច្ចព្រមព្រៀងនុយក្លេអ៊ែរឆ្នំា២០១៥ ។

រដ្ឋលេខាធិការគណៈរដ្ឋមន្រ្តីជប៉ុនលោក យ៉ូស៊ីហ៊ីដេ ស៊ូហ្គា បានថ្លែងថា ប្រទេសរបស់លោកសង្ឃឹមថា ខ្លួននឹងអាចដើរតួនាទីស្ថាបនានៅត្រង់ចំនុចនេះ ហើយថា ជប៉ុននឹងបន្តជំរុញឱ្យបង្កើនការចរចាគ្នា ដើម្បីជួយដោះស្រាយភាពតានតឹងរវាងរដ្ឋាភិបាលទីក្រុងវ៉ាស៊ីនតោន និងទីក្រុងតេហេរ៉ង់កន្លងមកនេះ ។ លោក ស៊ូហ្គា បានសង្កត់ធ្ងន់ទៀតថា រាល់កិច្ចខិតខំប្រឹងប្រែងផ្នែកកាទូតនឹងក្លាយជាមធ្យោបាយដ៏ប្រសើរ ដើម្បីលុបបំបាត់ភាពតានតឹងនៅក្នុងតំបន់មជ្ឈឹមបូព៌ា សំដៅស្វែងរកសន្តិភាព និងស្ថេរភាពក្នុងតំបន់ ។

សូមបញ្ជាក់ថា ប្រធានាធិបតីអ៊ីរ៉ង់លោក ហាស្សាន រ៊ូហានី នៅថ្ងៃអង្គារសប្តាហ៍នេះបានអះអាងថា ប្រទេសរបស់លោកកំពុងឈានជើងចូលជំហានទី៤ក្នុងការកាត់បន្ថយការប្តេជ្ញាចិត្តគោរពតាមកិច្ចព្រមព្រៀងនុយក្លេអ៊ែរឆ្នាំ២០១៥ បន្ទាប់ពីសហរដ្ឋអាមេ៉រិកបានដកខ្លួនចេញកាលពីឆ្នាំ២០១៨ ។ ទន្ទឹមគ្នានេះ  ទីភ្នាក់ងារឃ្លាំមើលថាមពលនុយក្លេអ៊ែរអន្តរជាតិ IAEA ក៏មានការព្រួយបារម្ភចំពោះជំហានរបស់ប្រទេសអ៊ីរ៉ង់ ហើយនឹងបន្តក្នុងការតាមដានផងដែរ ៕ធ.ដ


អត្ថបទទាក់ទង