ព័ត៌មានទាន់ហេតុការណ៍
 1. កូវីដ១៩៖ នាយករដ្ឋមន្ត្រីថៃសុំទោសជាសាធារណៈ ខណៈមានតម្រុយផ្ទុះការឆ្លងក្នុងសហគមន៍ជាថ្មី  2. ឯកឧត្តម ងួន រតនៈ អភិបាលខេត្តបាត់ដំបង បានចុះពិនិត្យមើលស្ពានបេឡេថ្មីមួយខ្សែ ជាអំណោយសម្តេចក្រឡាហោម ស ខេង ដែលទើបសាងសង់រួចរាល់ ស្ថិតនៅក្នុងស្រុកបាណន់ ខេត្តបាត់ដំបង  3. សម្តេចប្រមុខរាជរដ្ឋាភិបាល ប្រកាសអនុញ្ញាតឱ្យមន្រ្តីរាជការ កម្មករនិយោជិត ឈប់សម្រាក៥ថ្ងៃ ចាប់ពីថ្ងៃទី១៧-២១ ខែសីហា ជំនួសឱ្យថ្ងៃឈប់ចូលឆ្នាំថ្មីប្រពៃណីជាតិកន្លងទៅ  4. សម្តេចតេជោ ហ៊ុន សែន បានសម្រេចឯកភាពជាផ្លូវការ ក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ ដោយគិតចាប់ពី១៧- ២១ ខែសីហា ខាងមុខនេះ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ ឆ្នាំ២០២០  5. សម្ដេចតេជោ ហ៊ុន សែន នឹងអញ្ជើញចុះពិនិត្យមើលវឌ្ឍនភាព នៃមជ្ឈមណ្ឌលស្រាវជ្រាវ និងអភិវឌ្ឍន៍ វារីវប្បកម្មទឹកសាប នៅខេត្តព្រៃវែង នាព្រឹកនេះ

កងកម្លំាងយោធារុស្ស៊ី និងតួកគី ចាប់ផ្តើមល្បាតរួមគ្នាលើកដំបូងនៅភាគឦសានប្រទេសស៊ីរី
ថ្ងៃ សៅរ៏ ទី ០២ ខែ វិច្ឆិកា ឆ្នាំ ២០១៩

រុស្ស៊ី៖ កងទ័ពតួកគី និងរុស្ស៊ីនៅក្នុងរថពាសដែកបានធ្វើការល្បាតលើដីរួមគ្នាជាលើកដំបូងនៅភាគឦសានប្រទេសស៊ីរី ក្នុងថ្ងៃសុក្រសប្តាហ៍នេះ ស្ថិតក្រោមកិច្ចព្រមព្រៀងមួយរវាងប្រទេសទាំងពីរ ដែលតំរូវឲ្យក្រុមជីវពលឃឺដចេញឆ្ងាយពីព្រំដែនតួកគី ។

ក្រសួងការពារជាតិតួកគី បានលើកឡើងថា កងឯកភាពជើងគោក និងអាកាស បានចូលរួមការល្បាតនៅម្តុំទីប្រជុំជនព្រំដែនស៊ីរី ដាបាស៊ីយ៉ា ហើយបើតាមសន្តិសុខតួកគី រថពាសដែករុស្ស៊ី០៤គ្រឿង និង យន្តហោះដ្រូនមួយគ្រឿងបានចូលរួមការល្បាតនៅក្នុងថ្ងៃសុក្រសប្តាហ៍នេះ ។ ប្រភពបានឱ្យដឹងទៀតថា ការល្បាតនឹងពង្រីកនៅតាមព្រំដែន ហើយប្រើយន្តហោះដ្រូន ដើម្បីឲ្យដឹងថាតើពួកយុទ្ធជនឃឺដ YPG បានចាកចេញពីតំបន់នេះហើយឬនៅ ។

សូមរំលឹកផងដែរថា កាលពីថ្ងៃព្រហស្បតិ៍សប្តាហ៍នេះ ប្រធានាធិបតីតួកគីលោក តាយយីប អឺដូហ្គាន់ បាននិយាយថា ប្រទេសរបស់លោកមានផែនការបង្កើតទីប្រជុំជនជនភៀសខ្លួននៅតំបន់សុវត្ថិភាព ជាទីដែលកងកម្លាំងឃឺដបានដកចេញដើម្បីជម្លៀសជនភៀសខ្លួនស៊ីរីរាប់លាននាក់ចេញពីតួកគី ហើយកាលពីថ្ងៃសុក្រនេះ លោក អឺដូហ្គាន់ ក៏បានជួបពិភាក្សាជាមួយប្រមុខអង្គការសហប្រជាជាតិ ស្តីពីផែនការបង្កើតទីក្រុងជនភៀសខ្លួននេះដែរ ដោយនឹងត្រូវចំណាយប្រាក់ជាង៣០លានដុល្លារអាមេ៉រិក៕ធ.ដ


អត្ថបទទាក់ទង