ព័ត៌មានទាន់ហេតុការណ៍
 1. សម្តេចប្រមុខរាជរដ្ឋាភិបាល ប្រកាសអនុញ្ញាតឱ្យមន្រ្តីរាជការ កម្មករនិយោជិត ឈប់សម្រាក៥ថ្ងៃ ចាប់ពីថ្ងៃទី១៧-២១ ខែសីហា ជំនួសឱ្យថ្ងៃឈប់ចូលឆ្នាំថ្មីប្រពៃណីជាតិកន្លងទៅ  2. សម្តេចតេជោ ហ៊ុន សែន បានសម្រេចឯកភាពជាផ្លូវការ ក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ ដោយគិតចាប់ពី១៧- ២១ ខែសីហា ខាងមុខនេះ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ ឆ្នាំ២០២០  3. សម្ដេចតេជោ ហ៊ុន សែន នឹងអញ្ជើញចុះពិនិត្យមើលវឌ្ឍនភាព នៃមជ្ឈមណ្ឌលស្រាវជ្រាវ និងអភិវឌ្ឍន៍ វារីវប្បកម្មទឹកសាប នៅខេត្តព្រៃវែង នាព្រឹកនេះ  4. កម្ពុជារកឃើញករណីវិជ្ជមានវីរុសកូវីដ១៩ ថ្មី ចំនួន ១៥នាក់ នៅថ្ងៃទី១១ ខែកក្កដា ឆ្នាំ២០២០  5. ធនាគារអេស៊ីលីដា ភីអិលស៊ី ចុះកិច្ចព្រមព្រៀងសហប្រតិបត្តិការហិរញ្ញប្បទានរយៈពេលវែង ជាមួយធនាគារ CHINA DEVELOPMENT BANK GUANGXI BRANCH

អតីតកីឡាការិនី តេក្វាន់ដូ WT ត្រូវបានសហព័ន្ធកីឡាហុកគីអាស៊ី ផ្តល់សេចក្តីទុកចិត្ត ឲ្យចូលរួមកាត់សេចក្តី ក្នុងស៊ីហ្គេម នៅហ្វីលីពីន
ថ្ងៃ ព្រហស្បតិ៍ ទី ៣១ ខែ តុលា ឆ្នាំ ២០១៩

សហព័ន្ធកីឡាហុកគីកម្ពុជា ទទួលបានកិត្តិយស ដែលសហព័ន្ធកីឡាហុកគីអាស៊ី ផ្តល់ការទុកចិត្តដល់កម្ពុជាជាលើកដំបូង ដោយអ្នកស្រី ឈឿង ពុទ្ធារីម ជាអតីតកីឡាការិនី តេក្វាន់ដូ WT ឲ្យក្លាយជាអាជ្ញាកណ្តាលអន្តរជាតិ ដើម្បីចូលរួមកាត់សេចក្តី នៅក្នុងការប្រកួតកីឡាស៊ីហ្គេម លើកទី៣០ នៅប្រទេសហ្វីលីពីន នាចុងឆ្នាំ២០១៩នេះ ។

លោក កាំង សុធា អគ្គលេខាធិការសហព័ន្ធកីឡាហុកគីកម្ពុជា បញ្ជាក់ថា ក្នុងនាមសហព័ន្ធពិតជាមានមោទនភាពយ៉ាងខ្លាំង សម្រាប់ការទទួលបានកិត្តិយស ដែលសហព័ន្ធហុកគីអាស៊ី ផ្តល់សិទ្ធិជូនកម្ពុជា ក្នុងការកាត់សេចក្តីជាលក្ខណ:អន្តរជាតិជាលើកដំបូង ពីព្រោះហុកគីកម្ពជា ចាប់តាំងពីកកើតមក មិនធ្លាប់បានកាត់សេចក្តី នៅក្នុងគណ:កម្មការអន្តរជាតិណាមួយឡើយ ។

អគ្គលេខាធិការរូបនេះ បានចាត់ទុកថា ការចូលរួមកាត់សេចក្តីរបស់ ឈឿង ពុទ្ធារីម នឹងបង្ហាញនូវកម្រិតសមត្ថភាពរបស់មន្រ្តីអាជ្ញាកណ្តាលកម្ពុជាលើឆាកអន្តរជាតិ ជាពិសេសគឺធ្វើឲ្យកីឡាការិនីជម្រើសជាតិហុកគី ដែលកំពុងហ្វឹកហាត់ត្រៀមចូលរួម ស៊ីហ្គេម ឆ្នាំ២០១៩នេះ កាន់តែមានទំនុកចិត្តខ្ពស់ ក្នុងការប្រកួតប្រជែងកាន់តែអស់ពីសមត្ថភាព និងភាពកក់ក្តៅផងដែរ ។

សូមបញ្ជាក់ថា ក្រៅពីអ្នកស្រី ឈឿង ពុទ្ធារីម ត្រូវបានសហព័ន្ធកីឡាហុកគីអាស៊ី ផ្តល់សេចក្តីទុកចិត្តឲ្យចូលរួមកាត់សេចក្តី ជាលក្ខណៈអន្តរជាតិជាលើកដំបូង ក៏មានក្រុមកីឡាការិនីជម្រើសជាតិហុកគីកម្ពុជា មានចំនួន១២នាក់ ដែលកំពុងហ្វឹកហាត់បង្កើនគុណភាពបច្ចេកទេស នៅប្រទេសថៃ រយ:ពេល១ខែកន្លះ ដើម្បីត្រៀមចូលរួមប្រកួតប្រជែងមេដាយ នៅក្នុងព្រឹត្តិការណ៍កីឡាស៊ីហ្គេម នៅហ្វីលីពីន ផងដែរ ៕ធ.ដ


អត្ថបទទាក់ទង