ព័ត៌មានទាន់ហេតុការណ៍
 1. សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញជួបស្វាគមន៍ដល់អ្នកដំណើរចំនួន ២២០០នាក់ នៅលើនាវា ទេសចរណ៍ WESTERDAM នៅកំពង់ផែ ខេត្តព្រះសីហនុ  2. ព្រឹកនេះសម្តេចតេជោ បានអញ្ជើញដល់ខេត្តព្រះសីហនុហើយ ដើម្បីស្វាគមន៍ដល់អ្នកដំណើរចំនួន២២០០នាក់ នៅលើនាវាទេសចរណ៍ WESTERDAM  3. មានករណីសត្វដំរីព្រៃធ្លាក់រណ្តៅ ក្នុងដែនជម្រកសត្វព្រៃកែវសីមា  4. អ្នកជម្ងឺសរុប៧៦១នាក់ចុះឈ្មោះទទួលការព្យាបាលដោយប្រើថ្នាំ រ៉េមដឺស៊ីវើ របស់សហរដ្ឋអាម៉េរិក ក្រោយទទួលបានការអនុញ្ញាតពីចិន  5. វីរុសផ្លូវដង្ហើមកូរ៉ូណាឆក់យកអាយុជីវិតមនុស្សម្នាក់ថែមទៀត ដែលសរុបកើនឡើងដល់៤២៦នាក់ហើយ ខណៈមនុស្ស២០.៤៧១នាក់ឆ្លងមេរោគ

ជូនដំណឹង! សូមពលរដ្ឋ១៧៧ខ្នងផ្ទះ នៅលើដីចំណីផ្លូវលេខ១៨០០ «ប្លង់គោលក្នុងតំបន់អភិវឌ្ឍន៌ឫស្សីកែវ» និងពលរដ្ឋនៅលើដីឡូត៌ទិញពីអតីតសាលាក្រុងភ្នំពេញ នាំគ្នាទៅចាប់ឆ្នោតយកដី នាថ្ងៃទី២៣ខាងមុខ
ថ្ងៃ អាទិត្យ ទី ២០ ខែ តុលា ឆ្នាំ ២០១៩

(ភ្នំពេញ)៖ គណៈកម្មការសម្រាប់បែងចែកដីឡូត៌ក្នុងតំបន់អភិវឌ្ឍន៌ខណ្ឌឫស្សីកែវ របស់រដ្ឋបាលរាជធានីភ្នំពេញ សូមជម្រាបជូនដំណឹង អំពីការបែងចែកដីប្រទានកម្មរបស់រដ្ឋ ជូនប្រជាពលរដ្ឋ ចំនួន១៧៧ខ្នងផ្ទះ តាមរយៈការចាប់ឆ្នោត ដែលប្រព្រឹត្តទៅនៅសាលប្រជុំចាស់ជាន់ទី២ សាលារាជធានីភ្នំពេញ នាវេលាម៉ោង១៤៖៣០នាទីរសៀលថ្ងៃទី២៣ ខែតុលា ឆ្នាំ២០១៩ ខាងមុខនេះ។ នេះបើតាមសេចក្ដីជូនដំណឹងផ្លូវការមួយ របស់រដ្ឋបាលខណ្ឌឫស្សីកែវ ដែលភ្នាក់ងារព័ត៌មាន ទទួលបាននៅល្ងាចថ្ងៃទី១៩ ខែតុលា ឆ្នាំ២០១៩នេះ។

ក្នុងសេចក្ដីជូនដំណឹងរបស់រដ្ឋបាលខណ្ឌឫស្សីកែវ បានជូនដល់ប្រជាពលរដ្ឋ ចំនួន១៧៧ខ្នងផ្ទះ ដែលកំពុងស្នាក់នៅលើដីចំណីផ្លូវសាធារណៈលេខ១៨០០ គម្រោងផ្លូវសាធារណៈមួយចំនួន (ប្លង់គោលតំបន់អភិវឌ្ឍន៍ឫស្សីកែវ) និងស្នាក់នៅលើដីឡូត៌របស់ប្រជាពលរដ្ឋ ដែលទិញពីសាលារាជធានីភ្នំពេញ (អតីតសាលាក្រុងភ្នំពេញ) ឫដីមានប័ណ្ណកម្មសិទ្ធិរួចហើយ ស្ថិតក្នុងតំបន់អភិវឌ្ឍន៍ឫស្សីកែវ ភូមិទួលពពែ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ឲ្យបានជ្រាបថា គណៈកម្មការសម្រាប់បែងចែកដីឡូត៌ជូនបង-ប្អូនប្រជាពលរដ្ឋ ក្នុងតំបន់អភិវឌ្ឍន៍ឫស្សីកែវ របស់រដ្ឋបាលរាជធានីភ្នំពេញ និងធ្វើការបែងចែកដីប្រទានកម្មរបស់រដ្ឋ ជូនប្រជាពលរដ្ឋទាំង១៧៧ខ្នងផ្ទះ តាមរយៈការចាប់ឆ្នោត ដែលប្រព្រឹត្តទៅនាថ្ងៃទី២៣ ខែតុលា ឆ្នាំ២០១៩ វេលាម៉ោង១៤៖៣០នាទីរសៀល នៅសាលប្រជុំចាស់ជាន់ទី២ សាលារាជធានីភ្នំពេញ។

ដូចនេះ សូមប្រជាពលរដ្ឋទាំង១៧៧ខ្នងផ្ទះ ចូលរួមចាប់ឆ្នោតដោយផ្ទាល់ទៅតាមកាលបរិឆ្ឆេទ និងទីកន្លែងខាងលើដោយភ្ជាប់មកជាមួយនូវសលាកបត្រ ឯកសារបញ្ជាក់អត្តសញ្ញាណ និងឯកសារពាក់ព័ន្ធផ្សេងៗ៕ ដោយ ហាស់ កំសាន្ដ

 


អត្ថបទទាក់ទង