ព័ត៌មានទាន់ហេតុការណ៍
 1. ឯកឧត្តម ងួន រតនៈ អភិបាលខេត្តបាត់ដំបង បានចុះពិនិត្យមើលស្ពានបេឡេថ្មីមួយខ្សែ ជាអំណោយសម្តេចក្រឡាហោម ស ខេង ដែលទើបសាងសង់រួចរាល់ ស្ថិតនៅក្នុងស្រុកបាណន់ ខេត្តបាត់ដំបង  2. សម្តេចប្រមុខរាជរដ្ឋាភិបាល ប្រកាសអនុញ្ញាតឱ្យមន្រ្តីរាជការ កម្មករនិយោជិត ឈប់សម្រាក៥ថ្ងៃ ចាប់ពីថ្ងៃទី១៧-២១ ខែសីហា ជំនួសឱ្យថ្ងៃឈប់ចូលឆ្នាំថ្មីប្រពៃណីជាតិកន្លងទៅ  3. សម្តេចតេជោ ហ៊ុន សែន បានសម្រេចឯកភាពជាផ្លូវការ ក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ ដោយគិតចាប់ពី១៧- ២១ ខែសីហា ខាងមុខនេះ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ ឆ្នាំ២០២០  4. សម្ដេចតេជោ ហ៊ុន សែន នឹងអញ្ជើញចុះពិនិត្យមើលវឌ្ឍនភាព នៃមជ្ឈមណ្ឌលស្រាវជ្រាវ និងអភិវឌ្ឍន៍ វារីវប្បកម្មទឹកសាប នៅខេត្តព្រៃវែង នាព្រឹកនេះ  5. កម្ពុជារកឃើញករណីវិជ្ជមានវីរុសកូវីដ១៩ ថ្មី ចំនួន ១៥នាក់ នៅថ្ងៃទី១១ ខែកក្កដា ឆ្នាំ២០២០

អ្នកលេងគុនខ្មែរ នី សុភី ប្តេជ្ញាយក៣ពិន្ទុ ឲ្យបានពីកីឡាករថៃ ក្នុងជំនួបជើងឯកខ្សែក្រវ៉ាត់អ្នកប្រយុទ្ធឆេមពាន
ថ្ងៃ សុក្រ ទី ១៨ ខែ តុលា ឆ្នាំ ២០១៩

អ្នកលេងគុនខ្មែរជួមុខនៅកម្ពុជា កីឡាករ នី សុភី ប្តេជ្ញាយក៣ពិន្ទុពីកីឡាករថៃ នៅថ្ងៃអាទិត្យទី២០ ខែតុលាខាងមុខនេះ ជាមួយជើងខ្លាំងឆ្លងដែន រ៉ុង ណាផា ក្នុងជំនួបវគ្គសន្សំពិន្ទុកម្មវិធីប្រដាល់ ជើងឯកខ្សែក្រវ៉ាត់អ្នកប្រយុទ្ធកំពូលថាមពលឆេមពាន បន្ទាប់ពីកីឡាកររូបនេះ ទើបតែឈ្នះមេដាយមាស ពីការប្រកួតជើងឯកថ្នាក់ជាតិថ្មីៗនេះ ។

អ្នកប្រដាល់សំបូរល្បិច នី សុភី អះអាងថា ក្នុងជំនួបទី២ នៃវគ្គសន្សំពិន្ទុនេះ ខ្លួនមិនបានព្រួយបារម្មណ៍នោះទេ ជាមួយកីឡាករថៃ រ៉ុង ណាផា ដោយខ្លួនធ្លាប់ផ្តួលកីឡាករថៃរូបនេះ ឲ្យសន្លប់២លើករួចមកហើយ កាលពីជំនួបមិត្តភាពអន្តរជាតិកន្លងមក ។ ដូច្នោះ ល្បិច និងបច្ចេកទេសរបស់ រ៉ុង ណាផា កីឡាករកម្ពុជាកម្ពស់ខ្ពស់រូបនេះ បានយល់ច្បាស់ ចំនុចសំខាន់មួយទៀត នី សុភី មិនមានការធ្វេសប្រហែសឡើយ ដោយប្រឹងប្រែងបានហ្វឹកហាត់ ដើម្បីត្រៀមជំនួបជាលើកទី៣នេះ ឲ្យកាន់តែជក់ចិត្តសម្រាប់ទស្សនិកជន។

គួររម្លឹកថា កីឡាករ នី សុភី គឺជាកីឡាករម្នាក់ក្នុងចំណោមអ្នកប្រដាល់គុនខ្មែរល្បី នៅកម្ពុជា ធ្លាប់សាងភាពល្បីល្បាញជាបន្តបន្ទាប់ ដោយកាលពីពេលថ្មីៗ ទើបតែប្រជែងបានខ្សែក្រវ៉ាត់មួយមកគ្រងបន្ថែមទៀត ក្រោយឈ្នះពិន្ទុជើងខ្លាំង រឿង សោភ័ណ្ឌ ។ ហើយបច្ចប្បន្នកីឡាកររូបនេះ កំពុងគ្រងខ្សែក្រវ៉ាត់ចំនួន៨គ្រឿងគិតត្រឹមឆ្នាំ២០១៩នេះ ប៉ុន្តែអ្នកលេងគុនខ្មែរវ័យរៀងជ្រេរូបនេះ នៅតែមានមហិច្ឆតាចង់គ្រងខ្សែក្រវ៉ាត់ជើងឯកខ្សែក្រវ៉ាត់ អ្នកប្រយុទ្ធកំពូលថាមពលឆេមពានមួយបន្ថែមទៀត ដើម្បីបង្កើនភាពល្បីល្បាញ ក្នុងវិស័យកីឡាគុនខ្មែរ ៕ធ.ដ


អត្ថបទទាក់ទង