ព័ត៌មានទាន់ហេតុការណ៍
 1. ឯកឧត្តម ងួន រតនៈ អភិបាលខេត្តបាត់ដំបង បានចុះពិនិត្យមើលស្ពានបេឡេថ្មីមួយខ្សែ ជាអំណោយសម្តេចក្រឡាហោម ស ខេង ដែលទើបសាងសង់រួចរាល់ ស្ថិតនៅក្នុងស្រុកបាណន់ ខេត្តបាត់ដំបង  2. សម្តេចប្រមុខរាជរដ្ឋាភិបាល ប្រកាសអនុញ្ញាតឱ្យមន្រ្តីរាជការ កម្មករនិយោជិត ឈប់សម្រាក៥ថ្ងៃ ចាប់ពីថ្ងៃទី១៧-២១ ខែសីហា ជំនួសឱ្យថ្ងៃឈប់ចូលឆ្នាំថ្មីប្រពៃណីជាតិកន្លងទៅ  3. សម្តេចតេជោ ហ៊ុន សែន បានសម្រេចឯកភាពជាផ្លូវការ ក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ ដោយគិតចាប់ពី១៧- ២១ ខែសីហា ខាងមុខនេះ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ ឆ្នាំ២០២០  4. សម្ដេចតេជោ ហ៊ុន សែន នឹងអញ្ជើញចុះពិនិត្យមើលវឌ្ឍនភាព នៃមជ្ឈមណ្ឌលស្រាវជ្រាវ និងអភិវឌ្ឍន៍ វារីវប្បកម្មទឹកសាប នៅខេត្តព្រៃវែង នាព្រឹកនេះ  5. កម្ពុជារកឃើញករណីវិជ្ជមានវីរុសកូវីដ១៩ ថ្មី ចំនួន ១៥នាក់ នៅថ្ងៃទី១១ ខែកក្កដា ឆ្នាំ២០២០

ពានរង្វាន់កីឡាវាយកូនហ្គូល ស៊ី ជី អេ លើក១៦ មានអ្នកចុះឈ្មោះចូលរួម ប្រកួតចំនួន១០០នាក់ហើយ
ថ្ងៃ សុក្រ ទី ១៨ ខែ តុលា ឆ្នាំ ២០១៩

ឯកឧត្តម ឯក វណ្ណឌី ប្រធានក្លិបកីឡាវាយកូនគោល ក្លិប ស៊ីជីអេ បានបញ្ជាក់ថា ចំនួននៃចុះឈ្មោះសុំសិទ្ធចូលរួមប្រកួត មាន១០០នាក់ហើយ ។

ប្រធានក្លិបរូបនេះ អះអាងទៀតថា ព្រឹត្តិការណ៍ប្រកួត កីឡាវាយ កូនគោលពានរង្វាន់មួយនេះ ក្លិប ស៊ី ជី អេ គឺបានបង្កើតឡើងរៀង រាល់៣ខែម្តង ក្នុងគោលដៅរួមចំណែកបំផុសឲ្យកីឡាវាយកូន គោល នៅកម្ពុជាកាន់តែមានសកម្មភាពផុសផុលរីកចំរើន ជាពិសេស គឺចង់ផ្តល់ឱកាសដល់កីឡាករ កីឡាការិនីមិនមែនអាជីពបានចូលរួមប្រកួតប្រជែងបញ្ចេញនូវសមត្ថភាព បង្កើនសាមគ្គី មិត្តភាព និងភាពសប្បាយរីករាយ ជាពិសេសលេងកីឡាដើម្បី សុខភាពផងដែរ ។

លោក ម៉ុន សុខជា អ្នកចាត់ការទូទៅក្លិប ស៊ី ជី អេ បានលើក ឡើងថា ព្រឹត្តិការណ៍ប្រកួតនេះ មាន៧ ពានរង្វាន់ ចែកចេញជា ៧ កម្រិត ។ អ្នកចាត់ការទូទៅ បញ្ជាក់ទៀតថា តាមរយៈការប្រកួត ដែលក្លិបស៊ីជីអេរៀបចំរៀងរាល់៣ខែម្តងនេះ បានចូលរួមចំណែក យ៉ាងសំខាន់ក្នុងការពង្រឹងសមត្ថភាពកីឡាករ កីឡាការិនីកម្ពុជាឲ្យយល់ដឹងកាន់តែច្បាស់ពីលក្ខន្តិកៈ និងច្បាប់របស់កីឡាវាយកូនគោល ។

សូបញ្ជាក់ថា ការប្រកួតកីឡាវាយកូនគោល លើកទី១៦ ដែល ដំណើរការប្រកួតផ្លូវការ នៅថ្ងៃទី១៩ ខែតុលា ឆ្នាំ២០១៩ ខាងមុខ នេះ ក្រោមការឧបត្ថម្ភធំដោយសាលាអន្តរជាតិវេស្ទើន។ គួររំលឹកថា ក្លិបកីឡាវាយកូនគោលស៊ីជីអេ បានបង្កើនឡើង ដើម្បីចូលរួមចំណែកក្នុងការបណ្តុះបណ្តាលកីឡាករការិនីកូនគោល និងបំផុសលើកស្ទួយវិស័យកីឡាកូនគោលនៅកម្ពុជា ហើយរហូត មកដល់ពេលនេះ ក្លិបវាយកូនគោលមួយនេះបាន គៀងគរ សមាជិក ដែលស្រលាញ់កីឡាវាយកូនគោលប្រមាណជាជាង២០០នាក់ហើយ៕ធ.ដ