ព័ត៌មានទាន់ហេតុការណ៍
 1. ខណៈលោកអធិការខណ្ឌដង្កោ ប្រទះឃើញអាវុធម៉ាក AK មួយដើមដែលមានបង់ ៤បង់ និងគ្រាប់ ១២០គ្រាប់ ច្រកក្នុងការ៉ុង ក្នុងស្រះទឹកក្បែរមណ្ឌលអប់រំកែប្រែព្រៃស  2. តំបន់មួយចំនួននៃប្រទេសកម្ពុជានឹងរងអាកាសធាតុចុះត្រជាក់ចាប់ពីថ្ងៃ២១ដល់២៧វិច្ឆិកា  3. "ក្រុមហ៊ុនដែលទទួលបានសិទ្ធជួសជុល ស្ថាបនាផ្លូវទាំង ៣៤ខ្សែ ក្នុងខេត្តព្រះសីហនុ កំពុងសស្រាក់សស្រាំអនុវត្តន៍ការងារនៅតាមការដ្ឋានរបស់ខ្លួន និងបានស្នើអាជ្ញាធរមានសមត្ថកិច្ចក៏ដូចជាប្រតិបត្តិករជាប់ពាក់ព័ន្ធជួយសម្របសម្រួលសហការ"  4. រោងចក្រផលិតកាបូប កាតាប និងអាវពោងសុវត្ថិភាព ដែលឆាបឆេះនៅខណ្ឌដង្កោកាលពីថ្ងៃមុន ឥឡូវបានឆាបឆេះជាថ្មីម្តងទៀតហើយ  5. ធ្លាក់ដែកពីលើសំណង់អគារ៤២ជាន់ ចុះក្រោម ត្រូវរថយន្តមួយគ្រឿង រងការខូចខាតយ៉ាងដំណំ

ទេសរដ្ឋមន្ត្រី គន់ គីម ចុះពិនិត្យមើលការសងសង់ព្រះវិហារ នៅក្នុងវត្តជីក្រែង ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត
ថ្ងៃ អាទិត្យ ទី ១៣ ខែ តុលា ឆ្នាំ ២០១៩

ឯកឧត្តមនាយឧត្តមសេនីយ៍ គន់ គីម ទេសរដ្ឋមន្ត្រី ទទួលបន្ទុកបេសកកម្មពិសេស និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ និងឯកឧត្តមឧកញ៉ាបណ្ឌិត សៀង ណាំ អ្នកតំណាងរាស្ត្រមណ្ឌលសៀមរាប អមដំណើរដោយលោក ង៉ាន់ ភិរុណ អភិបាលរងខេត្តសៀមរាប កាលថ្ងៃទី១២       ខែតុលា ឆ្នាំ២០១៩ បានចុះពិនិត្យមើលការសងសង់ព្រះវិហារ នៅក្នុងវត្តជីក្រែង ដែលជាអំណោយរបស់    សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលមានឯកឧត្តមឧកញ៉ាបណ្ឌិត សៀង ណាំ ជាអ្នកគ្រប់គ្រងមើលការសាងសង់ ដែលបច្ចុប្បន្នដំណើរការសាងសង់បាន៨០%ហើយ។

តាមសង្ឃដីកាលោកគ្រូចៅអធិការវត្តជីក្រែង បានឲ្យដឹងថា ក្នុងការសាងសង់ព្រះវិហារមកដល់ពេលនេះ គឺក្រុមជាងនៅតែធ្វើការរៀបចំបំពាក់តុបតែងនូវរូបគ្រុឌនៅតាមជ្រុងសសរព្រះវិហារ ព្រមទាំងធ្វើការឆ្លាក់នូវក្បាច់ផ្កាភ្ញី នៅតាមជញ្ជាំង និងស៊ុមទ្វារ បង្អូច ព្រមទាំងការគូគំនូររូបភាព ពាក់ព័ន្ធពីពុទ្ធប្រវត្តិនៃព្រះសម្មាសម្ពុទ្ធ ព្រះបរមគ្រូនៃយើង និងបានរៀបចំដាក់ព្រះរូបបដិមាហើយរួចរាល់នៅផ្នែកខាងក្នុង នៅតែការក្រាលការ៉ូតែប៉ុណ្ណោះ។
ឯកឧត្តមនាយឧត្តមសេនីយ៍ គន់ គីម ទេសរដ្ឋមន្ត្រី ក៏បានធ្វើការកោតសរសើរពីភាពយកចិត្តទុកដាក់របស់ឧកញ៉ាបណ្ឌិត សៀង ណាំ និងលោកគ្រូចៅអធិការ និងគណៈកម្មការវត្ត សំខាន់ចំពោះក្រុមជាង ដែលបានធ្វើការផ្ចិតផ្ចង់ ក្នុងការសាងសង់ និងការរចនានូវរូបចម្លាក់ទាំងឡាយ។ ម៉្យាងទៀតចំពោះការរៀបចំនូវផ្នែកខាងក្នុងនៃព្រះវិហារ ក៏ព្រះអង្គមានការរៀបចំទៅតាមរចនាបទនៃតម្រារបស់ព្រះសម្មាសម្ពុទ្ធផងដែរ។ ឯកឧត្តម នាយឧត្តមសេនីយ៍ ក៏បានសំណូមពរ និងណែនាំដល់លោកគ្រូចៅអធិការ ក៏ដូចក្រុមជាងត្រូវធ្វើការរៀបចំទីកន្លែង ដើមី្បចារឹកឈ្មោះម្ចាស់អំណោយ អ្នកសាងសង់ ឲ្យបានសមរម្យទៅនឹងកិត្តិនាមរបស់ថ្នាក់ដឹកនាំ។ ទោះបីសម្តេចទាំងពីរគាត់ មិនបានមកផ្ទាល់ក្នុងការសាងសង់ តែមានឧកញ៉ាបណ្ឌិត សៀង ណាំ ជាតំណាង ព្រមទាំងរួមថវិការបស់បងប្អូនពុទ្ធបរិស័ទនៅខេត្តសៀមរាប សំខាន់ក្នុងស្រុកជីក្រែង។ ឯកឧត្តមសូមឲ្យក្រុមជាងយកចិត្តទុកដាក់ខ្ពស់ ចំពោះកិច្ចជំនាញរបស់ខ្លួន ពីព្រោះថាសមទ្ធិផលដ៏មហាសារនេះ ជាអំណោយរបស់សម្តេចទាំងពីរ ប្រគេនជូនដល់ព្រះសង្ឃ និងពុទ្ធបរិស័ទក្នុងឃុំជីក្រែង ដើមី្បជាទីកន្លែងបូជាសក្ការៈរបស់បងប្អូនទៅអនាគត៕ម.ន ដោយៈ ម៉ី សុខារិទ្ធ