ព័ត៌មានទាន់ហេតុការណ៍
 1. វីរុស COVID-19 រាតត្បាតដល់២១៣ប្រទេសនៅទូទាំងពិភពលោក ខណៈអ្នកឆ្លងកើនជិត៥.៧លាននាក់ ក្នុងនោះស្លាប់ជាង៣៥ម៉ឺននាក់ និងជាសះស្បើយជាង២.៤លាននាក់  2. សម្តេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតសាធារណរដ្ឋទីម័រខាងកើត ទើបតែងតាំងថ្មីប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ  3. រាជរដ្ឋាភិបាលកម្ពុជា៖ អនុក្រឹត្យស្តីពីការបង្កើតតំបន់បេតិកភណ្ឌធម្មជាតិ ភ្នំទាក់ទ្រាំង  4. ឯកឧត្តមនាយឧត្តមសេនីយ៍ នេត សាវឿន អគ្គស្នងការ នគរបាលជាតិ បានព្រមានស្នងការរាជធានី-ខេត្ត ទាំងអស់មិនត្រូវដាក់បារ៉ាស់ នៅតាមដងផ្លូវទៀតនោះទេ  5. ក្រសួងអប់រំ អនុញ្ញាតឲ្យសហព័ន្ធកីឡាជាតិ ធ្វើសកម្មភាពហាត់ហ្វឹកហ្វឺន និងប្រកួតលីគឡើងវិញជាជំហានៗ

វេទិកាសុខភាព ស្តីពីការស្វែងយល់អំពីជំងឺទឹកនោមផ្អែម
ថ្ងៃ ព្រហស្បតិ៍ ទី ១០ ខែ តុលា ឆ្នាំ ២០១៩

លោកជំទាវ វង់ មយូរា រដ្ឋលេខាធិការ បានអញ្ជើញជាអធិបតីក្នុងវេទិកាសុខភាព ស្តីពីការស្វែងយល់អំពីជំងឺទឹកនោមផ្អែម នៅទីស្តីការក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នាព្រឹកថ្ងៃព្រហស្បត្តិ៍ ១២កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែតុលា ឆ្នាំ២០១៩។

លោកជំទាវ វង់ មយូរា បានមានប្រសាសន៍ថា កម្មវិធីនេះអាច ប្រព្រឹត្តទៅបានដោយសារតែមានកិច្ចសហការរវាងមន្ទីរពេទ្យ ព្រះកេតុមាលា និងក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ដែលស្ថានប័នទាំងពីរនេះបានចុះ អនុស្សរណៈយោគយល់គ្នាស្តីពីការលើកកម្ពស់សុខភាពសាធារណៈ កាលពីថ្ងៃទី៣០ ខែសីហា ឆ្នាំ ២០១៩ កន្លងទៅនេះ។

ក្នុងពិធីនោះផងដែរក៏មានការធ្វើបទបង្ហាញពីលោកវេជ្ជបណ្ឌិតឯកទេសចំនួន ៣រូប រូមមាន៖ ទី១)លោកវេជ្ជបណ្ឌិត ព្រំ វិសេស អនុប្រធានមន្ទីរពេទ្យព្រះកេតុមាលស ឯកទេសបេះដូង សសៃឈាម និងថតឆ្លុះសសៃឈាម ទី២)សាស្រ្តាចារ្យ ហែម សុគន្ធា អនុប្រធានអាគារវះកាត់សសៃប្រសាទ ឯកទេសវះកាត់សសៃប្រសាទ និងទី៣)លោកវេជ្ជបណ្ឌិត យុន សុភ័ស្ត ប្រធានផ្នែកពិគ្រោះជំងឺក្រៅ និងអេកូសាស្ត្រ បេះដូង និងសសៃឈាម។

ក្នុងបទបង្ហាញទាំងនោះ ក៏បានផ្តោតជាសំខាន់ទៅលើជំងឺទឹកនោមផ្អែម លើសឈាម និងកកសសៃរឈាមក្នុងបេះដូង ដោយបានលើកអំពីកត្តាមួយចំនួនដែលជារោគសញ្ញា បញ្ហាប្រឈម និងការព្យាបាលជូនដល់អង្គពិធីទាំងមូលផងដែរ៕ធ.ដ