ព័ត៌មានទាន់ហេតុការណ៍
 1. វីរុស COVID-19 រាតត្បាតដល់២១៣ប្រទេសនៅទូទាំងពិភពលោក ខណៈអ្នកឆ្លងកើនជិត៥.៧លាននាក់ ក្នុងនោះស្លាប់ជាង៣៥ម៉ឺននាក់ និងជាសះស្បើយជាង២.៤លាននាក់  2. សម្តេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតសាធារណរដ្ឋទីម័រខាងកើត ទើបតែងតាំងថ្មីប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ  3. រាជរដ្ឋាភិបាលកម្ពុជា៖ អនុក្រឹត្យស្តីពីការបង្កើតតំបន់បេតិកភណ្ឌធម្មជាតិ ភ្នំទាក់ទ្រាំង  4. ឯកឧត្តមនាយឧត្តមសេនីយ៍ នេត សាវឿន អគ្គស្នងការ នគរបាលជាតិ បានព្រមានស្នងការរាជធានី-ខេត្ត ទាំងអស់មិនត្រូវដាក់បារ៉ាស់ នៅតាមដងផ្លូវទៀតនោះទេ  5. ក្រសួងអប់រំ អនុញ្ញាតឲ្យសហព័ន្ធកីឡាជាតិ ធ្វើសកម្មភាពហាត់ហ្វឹកហ្វឺន និងប្រកួតលីគឡើងវិញជាជំហានៗ

ក្រុមប្រឹក្សាសន្តិសុខអង្គការសហប្រជាជាតិបើកកិច្ចប្រជុំជាបន្ទាន់មួយ ក្រោយតួកគី ចាប់ផ្តើមប្រតិបត្តិការយោធានៅស៊ីរី
ថ្ងៃ ព្រហស្បតិ៍ ទី ១០ ខែ តុលា ឆ្នាំ ២០១៩

បរទេស៖ ក្រុមប្រឹក្សាសន្តិសុខអង្គការសហប្រជាជាតិ នឹងរៀបចំកិច្ចប្រជុំជាបន្ទាន់មួយនៅក្នុងថ្ងៃ ព្រហស្បត្តិ៍នេះ ដើម្បីពិភាក្សាគ្នាពីប្រតិបត្តិការយោធារបស់តួកគី ប្រឆាំងក្រុមសកម្មប្រយុទ្ធឃើដក្នុងប្រទេសស៊ីរី។

កិច្ចប្រជុំបិទទ្វារខាងលើ ត្រូវបានស្នើឡើងពីសំណាក់ប្រទេសបែលហ្ស៊ិក បារាំង អាល្លឺម៉ង់ និងអង់គ្លេស ។ ដោយឡែកសម្ព័ន្ធអារ៉ាប់ ក៏គ្រោងនឹងបើកកិច្ចប្រជុំជាបន្ទាន់មួយផងដែរ នៅថ្ងៃសៅរ៍ចុងសប្ដាហ៍នេះ ដើម្បីពិភាក្សាគ្នាជុំវិញប្រតិបត្តិការយោធារបស់តួកគីនៅស៊ីរី។

ការសម្រេចចិត្តបើកកិច្ចប្រជុំបន្ទាន់ខាងលើ ធ្វើឡើងតបតាមសំណើរបស់ប្រទេសអេហ្ស៊ីប ដោយរដ្ឋមន្ត្រីការបរទេសនៃសមាជិកសម្ព័ន្ធអារ៉ាប់ នឹងត្រូវជួបប្រជុំគ្នាក្នុងទីក្រុងគែរ ប្រទេសអេហ្ស៊ីប នៅថ្ងៃសៅរ៍ចុងសប្ដាហ៍នេះ ខណៈកងទ័ពតួកគី កំពុងបើកប្រតិបតិ្តការបោសសំអាតក្រុមសកម្មប្រយុទ្ធឃើដ YPG ដែលជាសម្ព័ន្ធមិត្តរបស់សហរដ្ឋអាម៉េរិកនៅភាគខាងជើងប្រទេសស៊ីរី។

សូមជម្រាបថា កងកម្លាំងតួកគី បានចាប់ផ្ដើមធ្វើប្រតិបត្តិការយោធាវាយលុកចូលតំបន់ភាគខាងជើងប្រទេសស៊ីរី កាលពីថ្ងៃពុធសប្តាហ៍នេះក្នុងគោលបំណងបង្កើតតំបន់សុវត្ថិភាពសម្រាប់ជនភៀសខ្លួន និង កម្ទេចក្រុមសកម្មប្រយុទ្ធឃើដ YPG ដែលតួកគីចាត់ទុកថា ជាពួកភេរវករ បន្ទាប់ពីសហរដ្ឋអាម៉េរិកប្រកាសមិនលូកដៃ ចូលប្រតិបត្តិការយោធានេះ៕ធ.ដ


អត្ថបទទាក់ទង