ព័ត៌មានទាន់ហេតុការណ៍
 1. ឯកឧត្តម ងួន រតនៈ អភិបាលខេត្តបាត់ដំបង បានចុះពិនិត្យមើលស្ពានបេឡេថ្មីមួយខ្សែ ជាអំណោយសម្តេចក្រឡាហោម ស ខេង ដែលទើបសាងសង់រួចរាល់ ស្ថិតនៅក្នុងស្រុកបាណន់ ខេត្តបាត់ដំបង  2. សម្តេចប្រមុខរាជរដ្ឋាភិបាល ប្រកាសអនុញ្ញាតឱ្យមន្រ្តីរាជការ កម្មករនិយោជិត ឈប់សម្រាក៥ថ្ងៃ ចាប់ពីថ្ងៃទី១៧-២១ ខែសីហា ជំនួសឱ្យថ្ងៃឈប់ចូលឆ្នាំថ្មីប្រពៃណីជាតិកន្លងទៅ  3. សម្តេចតេជោ ហ៊ុន សែន បានសម្រេចឯកភាពជាផ្លូវការ ក្នុងការផ្តល់ជូនថ្ងៃឈប់សម្រាកចំនួន ៥ថ្ងៃ ដោយគិតចាប់ពី១៧- ២១ ខែសីហា ខាងមុខនេះ ជំនួសឱ្យថ្ងៃឈប់សម្រាកបុណ្យចូលឆ្នាំខ្មែរ ឆ្នាំ២០២០  4. សម្ដេចតេជោ ហ៊ុន សែន នឹងអញ្ជើញចុះពិនិត្យមើលវឌ្ឍនភាព នៃមជ្ឈមណ្ឌលស្រាវជ្រាវ និងអភិវឌ្ឍន៍ វារីវប្បកម្មទឹកសាប នៅខេត្តព្រៃវែង នាព្រឹកនេះ  5. កម្ពុជារកឃើញករណីវិជ្ជមានវីរុសកូវីដ១៩ ថ្មី ចំនួន ១៥នាក់ នៅថ្ងៃទី១១ ខែកក្កដា ឆ្នាំ២០២០

ប្រាក់រង្វាន់ជាង២០៩លានរៀល ត្រូវបានរាជរដ្ឋាភិបាលប្រគល់ជូនម្ចាស់ជ័យលាភី លើ៣ប្រភេទកីឡា
ថ្ងៃ ព្រហស្បតិ៍ ទី ១៩ ខែ កញ្ញា ឆ្នាំ ២០១៩

ម្ចាស់ជ័យលាភីលើ៣ប្រភេទកីឡា គឺកីឡារាំ កីឡាចំបាប់ និងកីឡាកាយវប្បកម្ម នាព្រឹកថ្ងៃទី១៩ ខែកញ្ញានេះ ត្រូវបានក្រសួងអប់រំ យុវជន និងកីឡា នាំយកថវិកាលើកទឹកចិត្តរបស់រាជរដ្ឋាភិបាល សរុបចំនួន ២០៩,៦០០,០០០រៀល ស្មើនឹងប្រមាណ៥២,៤០០ដុល្លារ ប្រគល់ជូនដល់គ្រូបង្វឹក និងកីឡាករ-កីឡាការិនី ដែលដណ្ដើមបានជយលាភីពីព្រឹត្តិការណ៍អន្ដរជាតិ នាពេលកន្លងទៅ។

ពិធីប្រគល់ប្រាក់រង្វាន់លើកទឹកចិត្តអត្តពលិកដណ្ដើមបានជយលាភីនេះ ត្រូវបានធ្វើឡើងនៅមជ្ឈមណ្ឌលជាតិ ហ្វឹកហ្វឺនកីឡា ក្រោមអធិបតីភាពឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា តាមប្រកាសអន្ដរក្រសួង លេខ៧១៦ សហវ.ប្រក ចុះថ្ងៃទី០៧ ខែកក្កដា ឆ្នាំ២០១៥ ស្ដីពីគោលការណ៍ចំណាយសម្រាប់ការប្រមូលផ្ដុំហ្វឹកហាត់ជម្រើសជាតិ និងការប្រកួតលក្ខណៈអន្ដរជាតិផ្លូវការប្រចាំឆ្នាំ។

តាមការបញ្ជាក់ពីលោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា បានឲ្យដឹងថា ប្រាក់រង្វាន់ដែលផ្តល់ជូននាពេលនេះ គឺមានកីឡារាំ ដែលបានចូលរួមការប្រកួតជ្រើសរើសឯកអាស៊ី នៅចិន ចាប់ពីថ្ងៃទី១៤-១៦ ខែកញ្ញា ឆ្នាំ២០១៨ ដណ្ដើមបានមេដាយសំរឹទ្ធិ ១វិញ្ញាសា (រាំគូ២នាក់)។ ទទួលបានប្រាក់រង្វាន់១១លានរៀល។ សរុបប្រាក់រង្វាន់ទាំងគ្រូបង្វឹក និងអត្តពលិកចំនួន៣៣លានរៀល។ រីឯកីឡាចំបាប់ ដែលដណ្តើមបានមេដាយសរុប ១៥គ្រឿង មាស៣, ប្រាក់៤ និងសំរឹទ្ធិ៨ ពីការប្រកួតក្នុងព្រឹត្តិការណ៍ជ្រើសរើសជើងឯកអាស៊ីអាគ្នេយ៍ លើកទី១ នៅប្រទេស ហ្វីលីពីន ឆ្នាំ២០១៨ ក្នុងនោះ មេដាយមាស១ ទទួលបាន៩លានរៀល មេដាយប្រាក់ទទួលបាន៨លានរៀល និងមេដាយសំរឹទ្ធិ ទទួលបាន៧លានរៀល។

សរុបប្រាក់រង្វាន់ទាំងគ្រូបង្វឹក គ្រូជំនួយ និងកីឡាករចំនួន១៣៦,៦០០,០០០រៀល។ ចំណែកឯកីឡាកាយវប្បកម្ម បានចូលរួមប្រកួតជ្រើសរើសជើងឯកពិភពលោក លើកទី១០ នៅប្រទេសថៃ ចាប់ពីថ្ងៃទី ១១-១៧ ខែធ្នូ ឆ្នាំ២០១៨ ដោយមាន៥១ប្រទេសចូលរួម ក្រុមកីឡាកាយវប្បកម្មកម្ពុជា ដណ្ដើមបានមេដាយ មាស១ ដោយកីឡាករ សំបូរ សុភណ្ឌ។ មេដាយមាស ទទួលបានប្រាក់រង្វាន់ ២០លានរៀល។ សរុបប្រាក់រង្វាន់ ទាំងគ្រូបង្វឹក និងកីឡាករ សរុប៤០លានរៀ៕ធ.ដ