ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

អត្តពលិកកីឡាវាយកូនបាល់កម្ពុជា យកឈ្នះ គីជីស្ថាន ថ្ងៃបើកឆាក ព្រឹត្តិការណ៍ Davis Cup គ្រុបទី៣
ថ្ងៃ ព្រហស្បតិ៍ ទី ១២ ខែ កញ្ញា ឆ្នាំ ២០១៩

អត្តពលិកកីឡាវាយកូនបាល់កម្ពុជា យកឈ្នះ គីជីស្ថាន ថ្ងៃបើកឆាកព្រឹត្តិការណ៍ Davis Cup គ្រុបទី៣ ថ្ងៃទី១១ ខែកញ្ញាម្សិលមិញ ក្នុងវគ្គជម្រុះតំបន់អូសេអានី ដែលរៀបចំ នៅប្រទេស Jordan ក្នុងលទ្ធផល ៣-០ ។

ជ័យជំនះរបស់កម្ពុជាប្រកួតទី១ លើវិញ្ញាសាឯកក្តជន ដោយកីឡាករ ប៊ុន កេន្នី ឈ្នះកីឡាករ គីជីស្ថាន២សិត០ ជាមួយពិន្ទុ ៦-៤ និង៦-២ ។ ប្រកួតទី២ ឯកក្តជនដោយកីឡាករ ម៉ម ផល្គុណ ឈ្នះ ២:០ ជាមួយពិន្ទុ ៦-០ និង៦-០ ។ ប្រកួតទី៣ លើវិញ្ញាសាវាយគូ កីឡាករ តាន់ នីសាន ចាប់ដៃជាមួយកីឡាករ ទេព ទីម៉ូទី យកឈ្នះ ២:០ ជាមួយពិន្ទុ ៦-២ និង៦-២ ។

នេះបើតាមការអះអាង ពីលោក ជា ពៅ អគ្គលេខាធិការរងសហព័ន្ធកីឡាវាយកូនបាល់កម្ពុជា ពីប្រទេស Jordan កាលពីយប់ថ្ងៃទី១១ ខែ កញ្ញាម្សិលមិញ ។ ចំណែកឯប្រកួតទី២ ក្រុមអត្តពលិកកីឡាវាយកូនបាល់កម្ពុជា ត្រូវជួបប្រទេស តាជីស្ថាន នៅល្ងាចថ្ងៃទី១២ ខែកញ្ញានេះ តែម្តង ។

គួរបញ្ជាក់ថា ព្រឹត្តការណ៍ Davis Cup គ្រុបទី៣ ក្រុមកម្ពុជា ស្ថិតក្នុងពូល D មាន៤ប្រទេស គឺ អារ៉ាប់រួម តាជីគីស្ថាន គីជីស្ថាន និងក្រុមកម្ពុជា ។ ដោយឡែកពូល៣ផ្សេងទៀត ពូលA មាន ៣ប្រទេស ។ ពូលB មាន៣ប្រទេស និងពូលC មាន៤  និងពូលD មាន៤ប្រទេសដូចកម្ពុជាដែរ ។ លោក ជា ពៅ បន្តថា ការប្រកួតក្នុងគ្រុបទី៣កម្ពុជាឈ្នះ  និងមានសិទ្ធឡើងទៅកាន់គ្រុបទី២វិញ  នៃព្រឹត្តិការណ៍Davis Cup ។

សូមបញ្ជាក់ថា មូលហេតុដែលក្រុមកម្ពុជាធ្លាក់ចេញពីគ្រុបទី៣ពីឆ្នាំមុន មានសិទ្ធមកប្រកួតគ្រុបទី៣ជាមួយប្រទេសដែលរក្សាតំណែងជាប់នៅក្នុងគ្រប់ទី៣នេះបាន ដោយសាតែលក្ខន្តិកៈថ្មីរបស់ព័ន្ធកីឡាវាយកូនបាល់អន្តរជាតិបានរំលាយគ្រុបទី៤ នៃលក្ខន្តិកៈច្បាប់បទបញ្ជាចាស់ បង្កើតយកត្រឹមគ្រុបទី៣វិញ ៕ធ.ដ


អត្ថបទទាក់ទង