ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ក្រុម Possible ក្លាយជាជើងឯកពានបាល់បោះនារី វិញ្ញាសាថ្មី ៣ទល់៣ របស់វិទ្យាស្ថាន ខេមអ៊ែត
ថ្ងៃ ច័ន្ទ ទី ០៩ ខែ កញ្ញា ឆ្នាំ ២០១៩

  ក្រុម Possible ក្លាយជាជើងឯកពានបាល់បោះនារី វិញ្ញាសាថ្មី ៣ទល់៣ របស់វិទ្យាស្ថាន ខេមអ៊ែត លើកទី៥ ឆ្នាំ២០១៩ ដោយមាន១៦ក្រុមចូលរួម កាលពីចុងសប្តាហ៍កន្លងទៅ ។
មុននឹងក្លាយជាជើងឯកក្រុម Possible បានយកឈ្នះក្រុម Oyeo ។ ខណៈលេខ៣បានលើក្រុម Wanderer រីឯកីឡាការិនី សន ទិត្យធីនីកា ក្លាយជាអ្នកស៊ុតច្រើនជាងគេ គឺ ២៧ ពិន្ទុ ។
លោក Cassey Barnett នាយកគ្រឹះស្ថានអប់រំខាងលើធ្លាប់ ប្រាប់ឲ្យដឹង ក្នុងពិធី បើកថា អ្វីដែលប្លែកសម្រាប់ឆ្នាំ២០១៩នេះ ដោយគណៈកម្មការរៀបចំ បានសម្រេចចិត្តជ្រើសរើស វិញ្ញាសា៣ទល់នឹង៣ ក្នុងគោលបំណងបង្កើតភាពងាយស្រួលដល់នារីៗអាចចូលរួមបានច្រើន ។
នាយកវិទ្យាស្ថាន CamEd លោក Cassey Barnettបញ្ជាក់ទៀតថា ឆ្នាំ២០១៩នេះ ចំនួនក្រុមចូលរួមមានការកើនឡើង ជាងឆ្នាំមុន ហើយអ្វីដែលប្លែកនោះ វិទ្យាស្ថានសម្រេច ចិត្តជ្រើស រើសវិញ្ញាសា ៣ទល់នឹង៣ យកមកធ្វើការប្រកួត ដើម្បីស្វែងរកកីឡាការិនីខ្លាំងៗ ត្រៀមចូលរួមប្រកួត កីឡាសកលវិទ្យាល័យ ឆ្នាំ២០២០ តមតាមការលើកទឹកចិត្ត ពីមន្រ្តីជាន់ក្រសួងអប់រំ យុវជន និងកីឡា និងការណែនាំ ពីឯកឧត្តម អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា ។ នាយកវិទ្យាស្ថាន CamEd រូបនេះ បន្ថែមថា ការៀបចំការប្រកួតកីឡានេះ ធ្វើឡើងដើម្បីរឹតចំណងមិត្តភាព សាមគ្គីភាព បង្ើនកិច្ចសហការរវាងនិស្សិត និងនិស្សិត្ស និងជំរុញឲ្យចេះធ្វើការជាក្រុមកាន់តែខ្លាំង ឆ្ពោះទៅរកជោគជ័យក្នុងការងាររបស់ខ្លួននាថ្ងៃអនាគត  ។
សូមបញ្ជាក់ថា វិទ្យាស្ថាន CamEd Business School តែងតែរៀបចំ ការប្រកួតកីឡាជារៀងរាល់ឆ្នាំ សម្រាប់និស្សិតរបស់ខ្លួន ដូចជា បាល់បោះ បុរស-នារី បាល់ទាត់បុរស-នារី  អត្តពលកម្ម ប៉េតង់ ហើយឆ្នាំក្រោយគ្រោងនឹងបង្កើនកីឡាហែលទឹកមួយទៀត អ្វីគួរឲ្យកត់សម្គាល់នោះ បាល់បោះនារីក៏ធ្លាប់បាន មេដាយមាស ព្រឹត្តិការណ៍កីឡាជាតិ និងជាពិសេសកម្រិតឧត្តមសិក្សាដល់ទៅ៣សម័យជាប់គ្នាថែមទៀត ៕

 

 

 


អត្ថបទទាក់ទង