ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

បើទោះបីមិនមានឈ្មោះប្រមូលផ្តុំក្នុងក្រុមជម្រើសរើសជាតិ ប៉ុន្តែអត្តពលិកកីឡាទាញព្រ័តកម្ពុជា បង្កើនការប្រកួតកម្រិតអន្តរជាតិច្រើន
ថ្ងៃ ពុធ ទី ០៤ ខែ កញ្ញា ឆ្នាំ ២០១៩

បើទោះបីមិនមានឈ្មោះប្រមូលផ្តុំក្នុងក្រុមជម្រើសរើសជាតិ របស់ក្រសួងអប់រំ ប៉ុន្តែអត្តពលិកកីឡាទាញព្រ័តកម្ពុជា បង្កើនការប្រកួតកម្រិតអន្តរជាតិច្រើន ដើម្បីបន្ស៊ាំខ្លួន និងបង្កើនសិទ្ធផលត្រៀមការប្រកួតនានា។ តួយ៉ាងព្រឹត្តិការណ៍ប្រកួតកីឡាទាញព្រ័ត្រ កម្រិតអន្តរជាតិ Indoor Club Championship នៅម៉ាឡេស៊ី កីឡាករ កីឡាការិនី ដណ្តើមបានមេដាយ២គ្រឿង ប្រាក់១ និងសំរិទ្ធ១ ជូនកម្ពុជា។

ថ្លែងមុនចេញដំណើរកាលពីពេលកន្លងទៅ ឯកឧត្តម មាស សារិន ប្រធានសហព័ន្ធកីឡាទាញព្រ័ត្រកម្ពុជា បញ្ជាក់ថា ការទៅចូលរួមរបស់អត្តពលិកកម្ពុជា គឺដើម្បីពង្រឹងសមត្ថភាព និងបទពិសោធន៍បន្ថែមតាមរយៈការប្រកួតកម្រិតអន្តរជាតិ។ ឯកឧត្តមបន្តថា កីឡាករ កីឡាការិនី ដែលចូលរួមគឺសុទ្ធសឹងតែ ជ្រើសរើសពីខេត្តបាត់ដំបងផ្ទាល់តែម្តង។ ជាមួយគ្នានេះ អគ្គលេខាធិការសហព័ន្ធកីឡាទាញព្រ័ត្រកម្ពុជា លោកស្រី ប្រាក់ សម្ផស្ស បានបញ្ជាក់ថា មិនមានការប្រមូលផ្តុំ និងមិនមានការហ្វឹកហាត់ទៀងទាត់ និងធ្វើឲ្យកីឡាករ កីឡាការិនីចុះខ្សោយ តែបើមានប្រមូលផ្តុំ ការហ្វឹកហាត់ត្រឹមត្រូវ និងការប្រកួតច្រើនពួកគេច្បាស់ជាមានការរីកចម្រើន។ ដូច្នេះហើយទើបអគ្គលេខាធិការជាស្រ្តីរូបនេះ គាំទ្រអនុសាសន៍របស់ឯកឧត្តម មាស សារិន  លើកទឹកចិត្តឲ្យចេញទៅប្រកួតក្រៅប្រទេស ដើម្បីដកស្រង់បទពិសោធន៍ និងសិក្សាបន្ថែមពីការរៀបចំការប្រកួត ត្រៀមធ្វើជាម្ចាស់ផ្ទះ នាពេលខាងមុខលើទឹកដីអង្គរ ខេត្តសៀមរាប នៅឆ្នាំ២០២០។ លោកស្រីបន្តទៀតថា ទោះបីការប្រកួតកម្រិតអន្តរជាតិ ក្លិប នឹងក្លិបនេះ មាន៦ប្រទេសចូលរួម ដូចជា ចិន ព្រុយណេ សិង្ហបូរី អាហ៊្វ្រិកខាងត្បូង កម្ពុជា និងម្ចាស់ផ្ទះម៉ាឡេស៊ី ហើយអត្តពលិកសរុប៣៧២នាក់។

សូមបញ្ជាក់ថា ព្រឹត្តិការណ៍ប្រកួតទាញព្រ័ត្រកម្រិតអន្តរជាតិ Indoor Club Championship នៅម៉ាឡេស៊ីនេះ អត្តពលិកកីឡាទាញព្រ័តកម្ពុជា គឺជ្រើសរើសចេញពីខេត្តបាត់ដំបង ដឹកនាំដោយ ឯកឧត្តម មាស សារិន ប្រធានសហព័ន្ធកីឡាទាញព្រ័តកម្ពុជា។ រីឯចំពោះសំបុត្រយន្តហោះ ការហូបចុកស្នាក់នៅទាំងអស់ រ៉ាប់រងដោយសហព័ន្ធ និងខេត្តបាត់ដំបង៕ម.ន