ព័ត៌មានទាន់ហេតុការណ៍
 1. សេចក្តីជូនដំណឹងស្តីពីការប្រកួតវីដេអូខ្លីស្តីពីបរិស្ថាន ប្រធានបទ៖ « សម្រស់ស្រុកយើង »  2. រដ្ឋបាលខេត្តសៀមរាបទុករយៈពេល១០ថ្ងៃ សម្រាប់ការរុះរើសំណង់រំលោភលើដីផ្លូវ ដីចំណីផ្លូវ អូរ ប្រឡាយ និងដីចំណីស្ទឹងសៀមរាបសម្រាប់ការអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខែ្ស  3. ប្រមុខរាជរដ្ឋាភិបាលកម្ពុជា សម្រេចលើកពេលរៀបចំបុណ្យសមុទ្រនៅខេត្តព្រះសីហនុ ដើម្បីបង្ការការ រីករាលដាលជំងឺកូវីដ-១៩  4. ទូតរុស្ស៉ីថ្មី ប្តេជ្ញាប្រឹងប្រែងពង្រីកមិត្តភាព និងទំនាក់ទំនងកម្ពុជា-រុស្ស៉ី ជាពិសេសលើវិស័យការអភិវឌ្ឍធនធានមនុស្ស វិស័យសេដ្ឋកិច្ច ពាណិជ្ជកម្ម វប្បធម៌ ការទូត ក៏ដូចជាវិស័យដទៃទៀត ឱ្យកាន់តែរឹងមាំត ឱ្យកាន់តែរឹងមាំ  5. សុន្ទរកថារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងកិច្ចប្រជុំជាន់ខ្ពស់រំលឹកខួបលើកទី ៧៥ នៃអង្គការសហប្រជាជាតិ

អគ្គអូឡាំពិកម្ពុជា ស្នើរអោយសហព័ន្ធកីឡាយូដូ ពង្រឹងទំនាក់ទំនងជាសហព័ន្ធអន្តរជាតិ ដើម្បីជួយពង្រឹងគុណភាពគ្រូបង្វឹក នៅកម្ពុជា
ថ្ងៃ អង្គារ ទី ០៣ ខែ កញ្ញា ឆ្នាំ ២០១៩

អគ្គលេខាធិការ គណៈកម្មាធិការជាតិអូឡាំពិកម្ពុជា ឯ ឧ វ៉ាត់ ចំរើន ស្នើរអោយសហព័ន្ធកីឡាយូដូ ពង្រឹងទំនាក់ទំនងជាសហព័ន្ធអន្តរជាតិ ដើម្បីជួយពង្រឹងគុណភាពគ្រូបង្វឹក នៅកម្ពុជាអោយកាន់តែប្រសើរឡើងបន្ថែមទៀត ។
ការស្នើររបស់មន្រ្តីជាន់អូឡាំពិកកម្ពុជា ធ្វើឡើងក្នុងវគ្គសិក្សាសាមគ្គីអូឡាំពិក ស្តីពីគ្រូបង្វឹកកីឡាយូដូ ដែលបានបើកឲ្យដំណើរការនៅព្រឹកថ្ងៃទី៣ ខែសីហា ឆ្នាំ២០១៩ នៅទីស្នាក់ការគណៈកម្មាធិការជាតិអូឡាំពិកកម្ពុជា ។
ឯ ឧ វ៉ាត់ ចំរើន ជំរុញឲ្យសហព័ន្ធកីឡាយូដូកម្ពុជា ត្រូវបង្កើនទំនាក់ទំនងជាមួយសហព័ន្ធកីឡាយូដូអន្តរជាតិ ដើម្បីឲ្យគាត់បន្តជួយជ្រោមជ្រែងដល់គុណភាពឲ្យកាន់តែល្អប្រសើរបន្ថែមទៀត ។ ឯ ឧ បញ្ជាក់ថា កម្ពុជាកំពុងឆ្ពោះទៅទទួលរៀបចំត្រៀមធ្វើជាម្ចាស់ផ្ទះ កីឡាស៊ីហ្គេម លើកទី៣២ ឆ្នាំ២០២៣ខាងមុខ ដូច្នេះយើងត្រូវបង្ហាញនូវកម្មវិធីផែនការគោលដៅ រៀបចំស៊ីហ្គេមរបស់ខ្លួន ក៏ដូចជាប្រឹងប្រែងធ្វើកិច្ចការនេះឲ្យបានខ្លាំងក្លាផងដែរ ជាមួយសហព័ន្ធអន្តរជាតិ ដើម្បីទទួលបានបទពិសោធន៍ និងបច្ចេកទេសឲ្យទទួលបានជោគជ័យ ក្នុងនាមជាម្ចាស់ផ្ទះស៊ីហ្គេម ឆ្នាំ២០២៣ ក៏ដូចជាការត្រៀមចូលរួមប្រកួតប្រជែង ក្នុងកម្រិតតំបន់ និងពិភពលោកផងដែរ ។ បើមិនដូច្នេះទេ ខាងសហព័ន្ធអន្តរជាតិ ក៏គេមិនដឹងថា ជួយយើងតាមរបៀបណានោះឡើយ ។
ឯ ឧ បន្ថែមទៀតថា ឆ្នាំនេះយើងរៀបចំវគ្គបណ្តុះបណ្តាលគ្រូបង្វឹក ហើយនៅឆ្នាំក្រោយយើងត្រូវរៀបចំវគ្គសិក្សាមន្ត្រីអាជ្ញាកណ្តាល ចៅក្រមកម្ពុជា ដើម្បីជំរុញឲ្យពួកគេក្លាយជាអាជ្ញាកណ្តាល និងចៅក្រមកម្រិតអន្តរជាតិ ហើយការចេញទៅប្រឡង ឬការប្រកួតជាលក្ខណៈអន្តរជាតិនេះ កុំបារម្ភថា មិនថវិការឧបត្ថម្ភ ពីព្រោះបច្ចុប្បន្ន យើងមានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (SEA GAMES) លើកទី៣២ ឆ្នាំ២០២៣ (CAMSOC) គឺមានថវិកាគ្រប់គ្រាន់ ដើម្បីគាំទ្រកញ្ចប់ថវិកាផ្តល់ជូនដល់សហព័ន្ធកីឡាជាតិនានា ដោយធ្វើយ៉ាងណាឲ្យ មានអាជ្ញាកណ្តាល ចៅក្រមអន្តរជាតិសម្រាប់ជាតិរបស់ខ្លួន សម្រាប់បម្រើដល់ស៊ីហ្គេម ឆ្នាំ២០២៣ នៅកម្ពុជា ដោយមិនចាំបាច់ជួលអ្នកជំនាញអន្តរជាតិ ដោយក្នុង១ថ្ងៃ ១០០ដុល្លារ ហើយបើកម្ពុជា មានអ្នកជំនាញអន្តរជាតិខ្លួនឯង យើងនឹងទទួលបានកម្រៃឧបត្ថម្ភនេះ ។
សូមបញ្ជាក់ថា វគ្គសិក្សាសាមគ្គីអូឡាំពិកស្តីពីគ្រូបង្វឹកកីឡាយូដូនេះ ចាប់ផ្តើមដំណើរការពីថ្ងៃទី០៣ដល់ទី១៣ ខែកញ្ញា ឆ្នាំ២០១៩ បង្រៀនដោយគ្រូឧទ្ទេស អញ្ជើញមកពីសហព័ន្ធកីឡាយូដូអន្តរជាតិ គឺលោក Amar Meridia  ៕


អត្ថបទទាក់ទង