ព័ត៌មានទាន់ហេតុការណ៍
 1. សេចក្តីជូនដំណឹងស្តីពីការប្រកួតវីដេអូខ្លីស្តីពីបរិស្ថាន ប្រធានបទ៖ « សម្រស់ស្រុកយើង »  2. រដ្ឋបាលខេត្តសៀមរាបទុករយៈពេល១០ថ្ងៃ សម្រាប់ការរុះរើសំណង់រំលោភលើដីផ្លូវ ដីចំណីផ្លូវ អូរ ប្រឡាយ និងដីចំណីស្ទឹងសៀមរាបសម្រាប់ការអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខែ្ស  3. ប្រមុខរាជរដ្ឋាភិបាលកម្ពុជា សម្រេចលើកពេលរៀបចំបុណ្យសមុទ្រនៅខេត្តព្រះសីហនុ ដើម្បីបង្ការការ រីករាលដាលជំងឺកូវីដ-១៩  4. ទូតរុស្ស៉ីថ្មី ប្តេជ្ញាប្រឹងប្រែងពង្រីកមិត្តភាព និងទំនាក់ទំនងកម្ពុជា-រុស្ស៉ី ជាពិសេសលើវិស័យការអភិវឌ្ឍធនធានមនុស្ស វិស័យសេដ្ឋកិច្ច ពាណិជ្ជកម្ម វប្បធម៌ ការទូត ក៏ដូចជាវិស័យដទៃទៀត ឱ្យកាន់តែរឹងមាំត ឱ្យកាន់តែរឹងមាំ  5. សុន្ទរកថារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងកិច្ចប្រជុំជាន់ខ្ពស់រំលឹកខួបលើកទី ៧៥ នៃអង្គការសហប្រជាជាតិ

សីដក់ និងឈិនឡូនកម្ពុជា នាំយកមេដាយប្រាក់២គ្រឿងមកជូនកម្ពុជាពីការប្រកួតសីដក់ ជ្រើសរើសជើងឯកពិភពលោកលើកទី៣៤ នៅប្រទេសថៃ
ថ្ងៃ អង្គារ ទី ០៣ ខែ កញ្ញា ឆ្នាំ ២០១៩

ភ្នំពេញ៖ អត្តពលិក សីដក់ និងឈិឡូនកម្ពុជា៣៥នាក់ នាយប់ថ្ងៃទី២ ខែកញ្ញា ម្សិលមិញនេះ បានធ្វើដំណើរតាមរថយន្តក្រុងត្រឡប់មកដល់ប្រទេសកំណើតខ្លួនវិញហើយ ដោយនាំយកនូវមេដាយប្រាក់២គ្រឿង មកជូនកម្ពុជាពីការប្រកួតកីឡាសីដក់ជ្រើសរើសជើងឯកពិភពលោកលើកទី៣៤ ពានរង្វាន់ព្រះមហាក្សត្រថៃ ដែលដំណើរការប្រកួតចាប់ពីថ្ងៃទី២៣ ខែសីហា ដល់ថ្ងៃទី២ ខែកញ្ញា ឆ្នាំ២០១៩ នាទីក្រុងបាងកកប្រទេសថៃ។

កញ្ញា សួង ចាន់តួរ៉ាទី អគ្គលេខាធិការរងសហព័ន្ធកីឡាសីដក់ និងឈិនឡុនកម្ពុជា បានបញ្ជាក់ឲ្យដឹងថា ការប្រកួតសីដក់ជ្រើសរើសជើងឯកពិភពលោកលើកទី៣៤ នៃពានរង្វាន់ព្រះមហាក្សត្រថៃនេះ មានប្រទេសចូលរួមប្រកួតចំនួន៣១ប្រទេស។ ដោយឡែកសម្រាប់កម្ពុជាវិញ គឺបានបញ្ជូនអត្តពលិកទាំងកីឡាករការិនី និងប្រតិភូសរុប៣៥នាក់ធ្វើការប្រកួតលើ៣វិញ្ញាសា គឺវិញ្ញាសាហ៊ូប គឺទាល់សីចូលកន្រ្តក វិញ្ញាសាប្រកួតបុរស៣ទល់៣ជាក្រុម និងវិញ្ញាសាបុរស២ទល់២ ដោយដណ្តើមបានមេដាយ២គ្រឿង លើវិញ្ញាសាបុរស៣ទល់៣ និងវិញ្ញាសាប្រកួតបុរស២ទល់២។

កញ្ញាបានអះអាងទៀតថា ការឈ្នះមេដាយប្រាក់២គ្រឿងពីការប្រកួតជ្រើសរើសជើងឯកពិភពលោកលើកទី៣៤នេះ គឺជាមោទនភាពមួយសម្រាប់អត្តពលិកសីដកកម្ពុជា បន្ទាប់ពីខិតខំហ្វឹកហាត់សម្រួចសមត្ថភាពយ៉ាងយកចិត្តទុកដាក់មុន និងការទៅចូលរួម ដ្បិតអីការប្រកួតនេះអត្តពលិកកម្ពុជាត្រូវធ្វើការប្រកួតយ៉ាងស្វិតស្វាញជាមួយប្រទេសខ្លាំងៗ ចាប់ពីការប្រកួតជម្រុះក្នុងពូលរហូតដល់វគ្គដណ្តើមមេដាយ។

អគ្គរងសហព័ន្ធរូបនេះ បានចាត់ទុកសមិទ្ធផលជោគជ័យដែលអត្តពលិកសីដក់កម្ពុជា ដណ្តើមបានមកជូនកម្ពុជាលើកនេះ គឺបានបង្ហាញឲ្យឃើញពីការអភិវឌ្ឍន៍រីកចម្រើនផ្នែកសមត្ថភាព ហើយកញ្ញារំពឹងខ្ពស់ថា ការប្រជែងមេដាយហ្គេមលើកទី៣០នៅប្រទេសហ្វីលីពីន នាអំឡុងខែ វិច្ឆិកាឆ្នាំ២០១៩ខាងមុខនេះ អត្តពលិកកីឡាសីដក់កម្ពុជា និងដណ្តើមបានមេដាយមកជូនកម្ពុជាបាន។ ដោយឡែក នុត វិសាលកីឡាករជម្រើសជាតិសីដក់កម្ពុជា បានបង្ហាញអារម្មណ៍សប្បាយរីករាយក្រោយឈ្នះមេដាយប្រាក់មកជូនកម្ពុជា ដោយកីឡាកររូបនេះ ប្តេជ្ញាថា និងបង្កើនការហ្វឹកហាត់បន្ថែមទៀត ដើម្បីបំពេញនូវចំណុចខ្វះខាតត្រៀមខ្លួនដណ្តើមមេដាយជូនកម្ពុជាពីការប្រកួតស៊ីហ្គេមនៅប្រទេសហ្វីលីពីន។

គួររំលឹកថា ព្រឹត្តិការណ៍មួយនេះ កាលពីឆ្នាំ២០១៨កន្លងទៅ អត្តពលសីដក់កម្ពុជា មានលទ្ធភាពរកបានមេដាយត្រឡប់មកវិញតែ១គ្រឿងប៉ុណ្ណោះ ហើយនៅក្នុងឆ្នាំ២០១៩នេះ អត្តពលិកកីឡាសីដក់កម្ពុជាមានលទ្ធភាពដណ្តើមបានមេដាយប្រាក់២គ្រឿងមកជូនកម្ពុជា ដែលនេះ គឺជាសញ្ញាវិជ្ជមានមួយបង្ហាញថា អត្តពលិកកីឡាសីដកកម្ពុជាមានសក្តានុពលគ្រប់គ្រាន់ក្នុងការដណ្តើមយកមេដាយពីការប្រកួតស៊ីហ្គេម នៅប្រទេសហ្វីនបានមកជូនកម្ពុជា៕ធ.ដ


អត្ថបទទាក់ទង