ព័ត៌មានទាន់ហេតុការណ៍
 1. ស្ត្រីជនជាតិកូរ៉េម្នាក់ បានបើករថយន្តក្នុងល្បឿនលឿន ជ្រុលទៅបុកអ្នកជិះម៉ូតូឌុបគ្នាពីរនាក់ បណ្តាលឲ្យស្លាប់ភ្លាមៗ នៅក្នុងខេត្តព្រះវិហារ !  2. អគ្គិភ័យបានឆាបឆេះរថយន្តមួយគ្រឿង រួមនឹងប្រេងឥន្ទនៈពីរប្រភេទ មានចំណុះជិត២ពាន់លីត្រ ត្រូវបានកម្លាំងនគរបាលខេត្តព្រះវិហារ ចុះជួយធ្វើអន្តរាគមន៍  3. កូនសត្វដំរីដែលមន្ត្រីបរិស្ថានក្នុងដែនជម្រកភ្នំព្រេចប្រទះឃើញកាលពីថ្មីៗនេះ បានបាត់បង់ជីវិតហើយ  4. មន្ទីរបរិស្ថានខេត្តសៀមរាប បានសហការជាមួយអង្គការ មូលនិធិបុរាណវិទ្យា និងអភិវឌ្ឍន៍កម្មវិធីភ្នំគូលែន បានចុះទៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដេីម្បីពិនិត្យរូបសត្វមករម្យ៉ាង ដែលមិនធ្លាប់ឃើញនៅក្នុងប្រវត្តិសិល្បៈខ្មែរ  5. សម្តេចពិជ័យសេនា ទៀ បាញ់ អញ្ជើញពិនិត្យការ ដ្ឋានសាងសង់ផ្លូវមួយចំនួនដែលអនុវត្តដោយ កងវិស្វកម្មលេខ១៧៨ ស្ពានថ្នល់ ក្រសួងការពារជាតិ ក្នុងខេត្តព្រះសីហនុ

ជនជាតិចិនជាង៣០០នាក់ ត្រូវបានឃាត់ខ្លួននៅក្រុងបាវិត ក្នុងនោះមាន២៧នាក់ សមត្ថកិច្ចចិនកំពុងតាមចាប់
ថ្ងៃ ព្រហស្បតិ៍ ទី ២២ ខែ សីហា ឆ្នាំ ២០១៩

ស្វាយរៀង៖ សមត្ថកិច្ចកម្ពុជា បានរកឃើញមានបុរសស្ត្រីជនជាតិចិនចំនួន២៧នាក់ ដែលចូលមកស្នាក់នៅ និងធ្វើការដោយពុំមានឯកសារផ្លូវច្បាប់ និងមានឈ្មោះក្នុងបញ្ជីមុខសញ្ញាស្វែងរកចាប់ខ្លួនរបស់សមត្ថកិច្ចនគរបាលប្រទេសចិន បន្ទាប់ពីនគរបាលនាយកដ្ឋានអន្តោប្រវេសន៍ សហការជាមួយស្នងការដ្ឋាន នគរបាលខេត្តស្វាយរៀង កាលពីថ្ងៃទី២១ ខែសីហា បានចុះធ្វើការត្រួតពិនិត្យជនបរទេសនៅទីតាំងអគារគ្មានលេខ មានកម្ពស់៨ជាន់មួយកន្លែង ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ហើយបានធ្វើការឃាត់ខ្លួនជនបរទេសសរុបចំនួន៣៦៦នាក់ (ស្រី៨២នាក់) និងវៀតណាម១នាក់។

ជនជាតិចិនដែលមានឈ្មោះក្នុងបញ្ជីស្វែងរកចាប់ខ្លួន ត្រូវបានឃាត់ខ្លួនបញ្ជូនមកនាយកដ្ឋាន ដើម្បីធ្វើការសាកសួរ និងអនុវត្តតាមនីតិវិធី។ ចំណែកជនបរទេស (ចិន) ចំនួន៣៣៩នាក់ ដែលមិនមានឈ្មោះជាប់ពាក់ព័ន្ធក្នុងបញ្ជីរបស់សមត្ថកិច្ចចិន ក្រុមប្រតិបត្តិការចម្រុះ បានសម្រេចទុករយៈពេលមួយសប្តាហ៍ ឲ្យអ្នកទទួលខុសត្រូវក្រុមហ៊ុនយកឯកសារមកបង្ហាញសមត្ថកិច្ចកម្ពុជាឲ្យទាន់ពេលកំណត់។ ក្រោយមក សមត្ថកិច្ចក៏បានបញ្ជូនជនសង្ស័យជនជាតិចិន ដែលសមត្ថកិច្ចចិនតាមរកនោះ មកកាន់អគ្គនាយកដ្ឋានអន្តោតប្រវេសន៍រាជធានីភ្នំពេញ កាលពីវេលាម៉ោង១២យប់ថ្ងៃដដែលផងដែរ៕ម.ន


អត្ថបទទាក់ទង