ព័ត៌មានទាន់ហេតុការណ៍
 1. កម្ពុជានឹងជួបសីតុណ្ហភាពចុះត្រជាក់បន្តិច ចាប់ពីថ្ងៃនេះដល់ថ្ងៃទី២០វិច្ឆិកា  2. សាលារៀនជាច្រើនកន្លែងត្រូវបិទទ្វារ ខណៈភ្លើងឆេះព្រៃក្នុងប្រទេសអូស្ត្រាលីនៅតែបន្តការគំរាមកំហែងខ្លាំង  3. អគ្គិភ័យកំពុងឆាបឆេះរោងចក្រមួយកន្លែង នៅខណ្ឌដង្កោ  4. ក្រសួងបរិស្ថាន រៀបចំ«សន្និបាតបូកសរុបលទ្ធផលការងារបរិស្ថានឆ្នាំ២០១៩ និងលើកទិសដៅការងារឆ្នាំ២០២០»  5. យោងតាមសេចក្តីជូនដំណឹងរបស់ស្នងការដ្ឋាននគរបាលរាជធានីភ្នំពេញ ថ្ងៃទី១វិច្ឆិកា ផ្លូវសំខាន់ៗចំនួន១៣ខ្សែ ក្នុងរាជធានីភ្នំពេញ នឹងបិទមិនអោយម៉ូតូ រឺម៉ក រថយន្ត ធ្វើចរាចរណ៍ ឆ្លង កាត់ឡើង នៅថ្ងៃទី១០ ១១ និង១២វិច្ឆិកា ដើម្បីកាត់បន្ថយការកកស្ទះ ជាពិសេសគឺបង្កលក្ខណ:ងាយស្រួលដល់ ប្រជាពលរដ្ឋក្នុង ការដើរ ចូលមកទស្សនាកម្មវិធីកំសាន្តនានា ក៏ដូចជា ពិធីប្រណាំង ទូក ផងដែរ

មន្ត្រីកាំកុងត្រូលខេត្តកំពង់ស្ពឺ ចុះអប់រំអ្នកប្រើប្រាស់ផលិតផលនៅផ្សារត្រែងត្រយឹង ឲ្យយល់ដឹងពីសុវត្ថិភាព គុណភាព និងអនាម័យម្ហូបអាហារ
ថ្ងៃ អង្គារ ទី ១៣ ខែ សីហា ឆ្នាំ ២០១៩

កំពង់ស្ពឺ៖ សាខាកាំកុងត្រូលខេត្តកំពង់ស្ពឺ បានសហការជាមួយមន្ទីរពាណិជ្ជកម្ម និងអាជ្ញាធរដែនដី នៅព្រឹកថ្ងៃទី១៣ ខែសីហា ឆ្នាំ២០១៩ បានចុះត្រួតពិនិត្យទំនិញនៅផ្សារត្រែងត្រយឹង និង តាមបណ្តាស្តង់នានា ដែលស្ថិតក្នុងស្រុកភ្នំស្រួច ខេត្តកំពង់ស្ពឺ ដោយធ្វើការត្រួតពិនិត្យទំនិញជាម្ហូបអាហារ និងគ្រឿងឧបភោគ បរិភោគ វេចខ្ចប់ស្រាប់ ដើម្បីស្វែងរកទំនិញខូចគុណភាព ច្រែះស៊ី ឬហួសកាលបរិច្ឆេទកំណត់ប្រើប្រាស់។ ក្រុមការងារ បានឱ្យដឹងថា ទោះបីលទ្ធផល ពុំបានរកឃើញទំនិញខូចគុណភាពហួសកាលបរិច្ឆេទកំណត់ប្រើប្រាស់មែន តែក្រុមការងារមន្រ្តីរបស់យើង ក៏បានអប់រំណែនាំដល់បងប្អូនក្រុមអាជីវករ និងអ្នកប្រើប្រាស់ម្ហូបអាហារឱ្យយល់ដឹងពីសុវត្ថិភាព គុណភាព និងអនាម័យ នៃចំណីអាហារផងដែរ ជាពិសេស គឺត្រូវតែដាក់តាំងលក់នូវផលិតផល ដែលមានអនុលោមភាព។ ក្រុមការងារ ក៏បានផ្ទៀងផ្ទាត់ទំនិញ រួមជាមួយសម្ភារម្ហូបអាហារ តាមស្តង់នានានៅជុំវិញផ្សារ និងផ្សព្វផ្សាយអំពីផលប៉ះពាល់ ចំពោះសុខភាព ដែលកើតចេញពី ការបរិភោគចំណីអាហារខូចគុណភាពផងដែរ៕